Russia Ukraine War Live : बुखारेस्ट येथून 250 भारतीयांना घेऊन विमान दिल्लीकडे रवाना

बुखारेस्ट येथून 250 भारतीयांना घेऊन विमान दिल्लकडे रवाना झाल्याची माहिती परराष्ट्र मंत्री एस.जयशंकर यांनी दिली आहे.

महाराष्ट्र, आंध्र, तेलंगणा, हिमाचल अनेक राज्यातील विद्यार्थी आलेत

– त्यांना पाहून आनंद वाटला

– एअर फोर्ससह अनेक विभागातील अधिकाऱ्यांनी काम केले

– पंतप्रधान मोदींचे आभार

उद्या सकाळी दिल्लीत विमान पोहोचतय

– सर्वांची सुरक्षा करणे हे भारताची प्रथमिकता

– सर्व विद्यार्थी सुखरूप भारतात पोहोचतील

– भाजप कार्यकर्त्यांकडून मोदी जिंदाबादची घोषणाबाजी

– युक्रेनमध्ये अडकेल्या 27 विद्यार्थ्यांच्या पालकांचा नागपूर जिल्हा प्रशासनाशी संपर्क

– काल पाच विद्यार्थ्यांच्या पालकांनी साधला होता संपर्क

– आज आणखी 22 विद्यार्थ्यांच्या पालकांनी साधला संपर्क

– विद्यार्थ्यांना मायदेशी परत आणण्याची पालकांची विनंती

युक्रेनवरून येणारं विमानं मुंबईत दाखल

छत्रपती शिवाजी महाराज आंतरराष्ट्रीय विमानतळावर दाखल

7 वाजून 55 मिनीटांनी विमान दाखल

– यूक्रेनमध्ये अडकलेल्या विद्यार्थ्यांपैकी 219 विद्यार्थी काही वेळात मुंबई विमातळावर पोहोचणार

– मुंबईच्या महापौर किशोरी पेडणेकरही मुंबई विमानतळावर पोहोचल्या

– विद्यार्थ्यांना घेण्यासाठी पालकही विमानतळावर दाखल

– 5 दिवसांपूर्वीच मुंबईतील विद्यार्थिनी गेली होती युक्रेन

– लक्ष्मी मिश्रा असे आपल्या मुलीला घेण्यासाठी आलेल्या पालकांचे नाव

– साधारणपणे 8 ते 8:30 पर्यंत विद्यार्थी मुंबईत होणार दाखल

यूक्रेनमधून सुखरुप परतणाऱ्या भारतीयांचं मुंबईतील विमातळावर स्वागत करण्यासाठी केंद्रीय मंत्री पियूष गोयल, मुंबईच्या महापौर किशोरी पेडणेकर उपस्थित राहणार आहेत. सरकार आपल्या नागरिकांची सुरक्षा निश्चित करण्यासाठी मिशन मोडवर काम करत असल्याचं गोयल यांनी सांगितलंय.

भारताचे रोमानिया इथले राजदूत राहुल श्रीवास्तव भारतीय विद्यार्थ्यांच्या संपर्कात

पंतप्रधान नरेंद्र मोदी आणि यूक्रेनचे राष्ट्रपती झेलेंस्की यांच्यात फोनवर चर्चा झालीय

यूक्रेनच्या राष्ट्राध्यक्षांनी मोदींची मदत मागितली

यूएनमध्ये सहकार्य करण्याची मागणी

रशिया कोणत्या भागात हल्ला करतंय याची माहिती दिली

रशियाचं 1 लाख सैन्य आमच्या भूमीवर आहे

भारतानं संयुक्त राष्टांच्या सुरक्षा परिषदेत  यूक्रेनचं समर्थन करावं, अशी मागणी झेलेनस्की यांनी केली आहे.

यूक्रेनची राजधानी कीवमध्ये स्थानिक प्रमाण वेळेनुसार 5 वाजल्यानंतर कर्फ्यू लागू होईल. कीववर मोठा हल्ला होण्याची शक्यता असल्यानं खबरदारीचा उपाय म्हणून कर्फ्यू लावण्यात आला आहे.

Russia Ukraine Fast News | Russia – Ukraine संदर्भातील बातम्या | 26 February 2022

युक्रेनमधील विद्यार्थी लवकरच भारतात परतणार

सागर तेलम या मराठी विद्यार्थ्याची प्रतिक्रिया टीव्ही 9 मराठी कडे

अनेक विद्यार्थी सध्या रुमानिया बॉर्डरवर दाखल

काही वेळातच विमान मुंबईकडे झेपावणार

यूक्रेनचे राष्ट्राध्यक्ष झेलेंस्की कीवमधून पळून गेले असल्याचा दावा रशियन माध्यमांनी केलाय.

स्वीडननंतर फ्रान्स आता यूक्रेनला संरक्षण सामग्री देणार आहे. यूक्रेनचे राष्ट्रपती वोलोदिमीर जेलेंस्की यांनी ट्विटकरुन फ्रान्सचे अध्यक्ष इम्यान्युअल मॅक्रॉन यांचं आभार मानले आहेत.

अमेरिकेनं यूक्रेनला 26 अब्ज रुपये म्हणजे 350 मिलियन अमेरिकन डॉलर देण्याचा निर्णय घेतला आहे. रशियन आक्रमणाला तोंड देण्यासाठी ही मदत जाहीर करण्यात आली आहे.

नेदरलँड यूक्रेनला 200 अँटी एअरक्राफ्ट मिसाईल देणार असल्याचा निर्णय झाल्याची माहिती समोर येत आहे.

भारत युक्रेनमध्ये अडकलेल्या आपल्या नागरिकांचे संरक्षण करण्यासाठी वचनबद्ध आहे. सरकार या नागरिकांचे संरक्षण करण्यासाठी सक्षम आहे. युक्रेनचे हवाई क्षेत्र बंद असल्याने, आम्ही जमिनीचा मार्ग वापरत आहोत. आम्ही इतर देशांच्या मदतीने आमच्या देशातील नागरिकांना युक्रेनबाहेर काढत आहोत. याबाबत पंतप्रधान नरेंद्र मोदी यांनी देखील माहिती दिली असल्याचे राज्यमंत्री मिनाक्षी लेखी यांनी म्हटले आहे.

रशिया आणि युक्रेनमध्ये युद्ध सुरू झाले आहे. जगभरातून युक्रेनला समर्थन मिळताना दिसत आहे. रशियाने युक्रेनवर नाहक हल्ला केल्याचे सूर जगात उमटत आहेत. संयुक्त राष्ट्र सुरक्षा परिषदेत मांडण्यात आलेल्या प्रस्तावावर भारताने मतदान केल्याचे टाळले. दरम्यान आता यावरून काँग्रेसने भाजपावर निशाणा साधला आहे. भारत जेव्हा संकटात होता तेव्हा रशिया भारताच्या पाठिशी उभा राहिला. रशिया हा भारताचा चांगला मित्र आहे. मात्र जेव्हा मित्र चुकतो तेव्हा त्याला योग्य मार्ग दाखवण्याची आपली जबाबदारी असते. त्यामुळे केंद्र सरकारला एक निर्णयाक भूमिका घ्यावी लागेल असे काँग्रेसचे नेते मनीष तिवारी यांनी म्हटले आहे.

रशिया आणि युक्रेनमध्ये युद्ध सुरू आहे. रशियाने युक्रेनवर केलेल्या हल्ल्यात आतापर्यंत अनेक युक्रेनियन नागरिकांचा मृत्यू झाला आहे. रशियाच्या या हल्ल्याचा जगभरातून निषेध करण्यात येत आहे. जॉर्जियामध्ये युक्रेनच्या समर्थनार्थ रस्त्यावर उतरत लाखो नागरिकांनी रशियाचा विरोध केला आहे. रशियाचा निषेध करण्यासाठी आज लाखो नागरिक रस्त्यावर उतरले.

रशिया आणि युक्रेनमध्ये युद्ध सुरू आहे. रशियाने केलेल्या हल्ल्यात आतापर्यंत युक्रेनमधील अनेक जणांचा मृत्यू झाला आहे. युक्रेनमध्ये भीतीचे वातावरण आहे. मात्र आता रशियाचे राष्ट्रपती पुतीन यांना स्वदेशातूनच विरोध होताना दिसून येत आहे. रशियन नागरिकांकडून युक्रेनवर केलेल्या हल्ल्याचा निषेध करण्यात येत आहे. तसेच काही ठिकाणी आंदोलने देखील झाल्याची माहिती समोर येत आहे. रशियातील अनेक नागरिक सोशल मीडियाच्या माध्यमातून या हल्ल्याचा विरोध करत असल्यामुळे रशियात आता फेसबूकवर बंदी घालण्यात आली आहे.

रिपब्लिकन पक्षाचे राष्ट्रीय अध्यक्ष केंद्रिय राज्यमंत्री रामदास आठवले आज शनिवार दि.26 फेब्रुवारी रोजी दुपारी 12 वाजता छत्रपती संभाजी महाराज यांच्या नेतृत्वात आयोजित मराठा आरक्षण आंदोलनाला भेट देणार आहेत.

युक्रेनमध्ये अडकलेल्या भारतीय नागरिकांना विशेष विमानाने भारतात आणण्यात येणार आहे. त्यांना आणण्यासाठी गेलेले एअर इंडियाचे विशेष विमान रोमची राजधानी बुखारेस्टमध्ये पोहोचले. युक्रेनमध्ये अडकलेल्या नागरिकांना रोम मार्गे भारतात आणण्यात येणार आहे.

यूएनच्या अंदाजानुसार युक्रेनमध्ये दिवसेंदिवस परिस्थिती गंभीर बनत असून, आतापर्यंत तब्बल एक लाख नागरिकांनी आपले घर सोडून, सुरक्षीत जागी स्थलांतर केले आहे. तर हजारो नागरिकांनी देश सोडला आहे.

रशियाने युक्रेनवर हल्ला केला आहे. युक्रेनच्या भूमित युद्ध सुरू आहे. याचदरम्यान हल्ल्याच्या तयारीत असलेले रशियाचे पाच फायटर विमाने पाडल्याचा दावा युक्रेनच्या वतीने करण्यात आला आहे.

रशिया आणि युक्रेनमध्ये युद्ध सुरू आहे. युद्ध काही केल्या थांबण्याचे नाव घेत नाहीये. मिळत असलेल्या माहितीनुसार आता या युद्धात अमेरिकेने उडी घेतली असून, रशियाकडून युक्रेनवर होत असलेल्या हल्ल्याला अमेरिका प्रत्युत्तर देणार आहे. यासाठी अमेरिकेचे दोन बॉम्बर विमान रशियाकडे झेपावले आहेत.ब्रिटिश एअरवेजमधून दोन अमेरिकन बॉम्बर विमानांनी उड्डाण केले आहे.

रशिया आणि युक्रेनमध्ये युद्ध सुरू आहे. युद्ध सुरू झाल्याने अनेक भारतीय नागरिक युक्रेनमध्ये अडकले आहेत. या नागरिकांना सातत्याने युक्रेनमधील भारतीय दूतावासाकडून सूचना देण्यात येत आहेत. युक्रेनमध्ये अडकलेल्या भारतीयांसाठी आता दुतावासाकडून नव्या गाईडलाईन्स जारी करण्यात आली आहे. नव्या पत्रकानुसार सीमेवरील अधिकाऱ्यांना माहिती न देता कोणत्याही सीमेवर जाऊ नये असे सांगण्यात आले आहे.

रशिया आणि युक्रेनमध्ये युद्ध सुरूच आहे. आज युद्धाचा तिसरा दिवस आहे. या पार्श्वभू्मीवर घरातून बाहेर न पडण्याचे आवाहन युक्रेन सरकारच्या वतीने नागरिकांना करण्यात आले आहे. बाहेर रस्त्यावर युद्ध चालू आहे. तुमच्या जीवाला धोका आहे, त्यामुळे तुम्ही बाहेर पडू नका असे आवाहन सरकारच्या वतीने करण्यात आले आहे.

युक्रेनमध्ये अनेक भारतीय नागरिक अडकले होते. या नागरिकांना सुखरूप भारतामध्ये आणण्याचे मोठे आव्हान मोदी सरकारसमोर होतं, या पार्श्वभूमीवर परराष्ट्र मंत्रालय सातत्याने युक्रेन सरकारच्या संपर्कात होते. अखेर आज रोममधून युक्रेनमध्ये अडकलेल्या भारतीयांना घेऊन दोन विमाने भारतामध्ये दाखल होणार आहेत.

रशिया युक्रेन युद्धाच्या पार्श्वभूमीवर युक्रेनच्या अर्थमंत्र्यांनी भारताचे परराष्ट्र व्यवहार मंत्री जयशंकर यांच्याशी चर्चा केली. हे युद्ध थांबवण्यासाठी भारताने रशियाला आवाहन करावे अशी विनंती त्यांनी यावेळी केली.