रात्रीच्या वेळी याठिकाणचं दृश्य असतं अतिशय सुंदर, आंतरराष्ट्रीय सन्मान, इथे राहतं एक जोडपं!

वेल्श किनाऱ्यावरील यानिस एनली या नावाने प्रसिद्ध असलेले बार्डसे बेट आंतरराष्ट्रीय डार्क स्काय अभयारण्य म्हणून सन्मानित होणारे युरोपमधील पहिले अभयारण्य बनले आहे. हा पुरस्कार “असाधारण किंवा अपवादात्मक दर्जाची तारांकित रात्र” असलेल्या अभयारण्यांना दिला जातो. सध्या या बेटावर फक्त दोनच रहिवासी कायमस्वरूपी आहेत, 30 वर्षीय मेरी ह्यूस आणि तिचा साथीदार अमीर ओवेन (36). बेटाला मिळालेल्या पुरस्काराबद्दल हे जोडपे खूप उत्सुक आहेत. चार वर्षांपासून ते इथे राहतायत. हुवेस म्हणाले, “आम्ही आनंदी आहोत – हे या बेटासाठी महत्वाचे आहे”.

या सन्मानामुळे या बेटाला स्टारगाझसाठी एक आदर्श ठिकाण म्हणून मान्यता मिळाली आहे. येथे आकाश एकदम स्वच्छ दिसते. हे बेट आता अशा 17 ठिकाणांच्या यादीत सामील झाले आहे ज्यांना त्यांच्या आश्चर्यकारक स्टारगेझिंग अनुभवासाठी पुरस्कार देण्यात आला आहे.

गडद आकाश सहसा अतिशय दुर्गम ठिकाणी स्थित असते आणि त्याच्या रात्रीच्या आकाशाच्या गुणवत्तेस काही धोके असतात. या नाजूक स्थळांविषयी जनजागृती करण्यासाठी आणि त्यांच्या दीर्घकालीन संवर्धनाला चालना देण्यासाठी हा सन्मान देण्यात आला आहे.

बार्डसे आयलंड ट्रस्टच्या प्रशासक कॅरोलिन जोन्स म्हणाल्या की, हा पुरस्कार “यानिस एनलीला नकाशावर आणतो.” आता हे बेट सगळ्यांना कळेल, लोकांना फक्त याविषयी अधिक जाणून घ्यायचे आहे,”, असे सांगून त्या म्हणाल्या की, बरेच स्टारगेझर्स त्यांच्या दुर्बिणीसह या छोट्या बेटाला भेट देण्याची योजना आखत आहेत.

बेटावरील दाट अंधार, डोंगर, घनदाट जंगल इथे पोहोचणारा बहुतेक प्रकाश रोखतो. बेटाच्या इतिहासाचा विचार केला तर हे बेट 20,000 संतांचे असल्याचे मानले जाते. सहाव्या शतकात इथे सेल्टिक आणि ईसाई मठांची स्थापना झाली. आज या छोट्याशा बेटावर माशांचा व्यापार करणारा एक छोटासा समुदाय आहे.