EPFO : दोन किंवा अधिक पीएफ अकाऊंट ऑनलाइन मर्ज कसे करावे, जाणून घ्या स्टेप बाय स्टेप

Merge PF Accounts Online : तुम्ही खाजगी क्षेत्रात काम करत असाल तर तुमचे पीएफ अकाऊंट नक्कीच असेल. आजपर्यंत तुम्ही अनेक ठिकाणी नोकरी केली असेल. नोकरी बदलल्या नंतर जेव्हा तुम्ही एक कंपनी सोडून दुसऱ्या कंपनीत जाता तेव्हा कंपनीकडून तुमचे ईपीएफ खाते उघडले जाते. बऱ्याच वेळा अनेकांना असा गैरसमज असतो की जर त्याचा UAN नंबर एक असेल तर त्याचे EPF खाते देखील एकच असेल. पण असे नसते. नोकरी बदलल्यानंतर नवीन कंपनी तुमचे नवीन खाते उघडते. त्यामुळे तुम्हाला ते अकाऊंट मर्ज करावे लागेल तर सगळे पैसे एकाच खात्यावर येतील.

तुमच्याकडे एकच UAN  असला तरी त्या अंतर्गत अनेक EPF अकाऊंट असू शकतात. जो पर्यंत तुम्ही सर्व खाती एकत्र करत नाही तो पर्यंत पासबूकमध्ये तुम्हाला सर्व रक्कम एकत्र दिसणार आहे. जर तुम्हाला तुमचे EPF खाते विलीन करायचे असेल, तर तुम्ही ही प्रक्रिया घरी बसून सहज पूर्ण करू शकता. आज आम्ही तुम्हाला याबद्दल माहिती सांगणार आहोत.

ईपीएफ खाते विलीन करण्याची पद्धत

1. सर्वप्रथम तुम्ही EPFO ​​च्या अधिकृत वेबसाइट https://www.epfindia.gov.in/ वर जा.
2. सेवा (Service) विभागात जा आणि कर्मचाऱ्यांसाठी (For Employees) वर क्लिक करा.
3. यानंतर एक नवीन पेज उघडेल. येथे तुम्हाला One Employee – One EPF खाते या पर्यायावर जावे लागेल.
4. यानंतर, नवीन पेज ओपन झाल्यानंतर तुम्हाला तुमचा UAN, पासवर्ड आणि कॅप्चा टाकून लॉग इन करावे लागेल.
5. यानंतर, जे पेज उघडेल, त्यामध्ये तुम्हाला जुन्या ईपीएफ खात्याची माहिती दिसेल.
6. त्यानंतर EPF खाते क्रमांक टाका आणि सबमिट वर क्लिक करा. यानंतर तुमचा ईपीएफ खाते मर्ज अर्ज पूर्ण होईल.
7. तुमच्या वर्तमान नियोक्त्याला ते मंजूर करावे लागेल. त्यानंतर EPFO ​​तुमचे जुने खाते नवीन खात्यात विलीन करेल.

UAN सक्रिय असणे आवश्यक

ईपीएफ खाते विलीन करण्यासाठी आधी तुमचा UAN क्रमांक सक्रिय (Active) करणे खूप महत्वाचे आहे. तुम्हाला तुमचा UAN नंबर माहित नसेल तर तुम्ही ते देखील शोधू शकता. यासाठी तुम्हाला सर्वप्रथम ईपीएफओच्या अधिकृत वेबसाइटवर जावे लागेल. तळाशी उजव्या बाजूला, तुम्हाला महत्वाच्या लिंक्समध्ये तुमचे UAN जाणून घ्या हा पर्याय दिसेल. त्यावर क्लिक करा, तुमचा मोबाइल नंबर आणि कॅप्चा प्रविष्ट करा आणि विनंती OTP वर क्लिक करा.

OTP द्वारे पडताळणी पूर्ण केल्यानंतर, एक पेज उघडेल ज्यामध्ये तुम्हाला नाव, जन्मतारीख, आधार/पॅन/सदस्य आयडी आणि कॅप्चा इत्यादी तपशील भरावा लागतील. त्यानंतर Show My UAN Number वर क्लिक करा, तुमचा UAN तुमच्या समोर असेल.