Maharashtra Corona Update | राज्यातील कोरोनाबाधितांची संख्या 23,401 वर, दिवसभरात 1,230 नवे रुग्ण
राज्यात आज (11 मे) दिवसभरात 1 हजार 230 नवे रुग्ण आढळले आहेत. त्यामुळे राज्यातील कोरोनाबाधितांची संख्या 23 हजार 401 वर पोहोचली आहे (Maharashtra Corona Update).
मुंबई : महाराष्ट्रात कोरोनाचं थैमान सुरुच आहे (Maharashtra Corona Update). राज्यात आज (11 मे) दिवसभरात 1 हजार 230 नवे रुग्ण आढळले आहेत. त्यामुळे राज्यातील कोरोनाबाधितांची संख्या 23 हजार 401 वर पोहोचली आहे. दरम्यान, राज्यात कोरोनाचा प्रादुर्भाव वाढत असला तरी कोरोनावर मात करणाऱ्या रुग्णांची संख्यादेखील हळूहळू वाढू लागली आहे. राज्यात आज (11 मे) दिवसभरात 587 रुग्णांनी कोरोनावर मात केली आहे. राज्यात आतापर्यंत 4 हजार 786 रुग्ण बरे झाले आहेत (Maharashtra Corona Update).
राज्यात दिवसभरात 36 रुग्णांचा कोरोनामुळे मृत्यू झाला. यामध्ये मुंबईतील 21, सोलापूर शहरातील 5, पुण्याचे 3 तर ठाणे शहरातील 2 रुग्णांचा समावेश आहे. त्याचबरोबर अमरावती, औरंगाबाद, नांदेड, रत्नागिरी, वर्धा येथील प्रत्येकी 1 रुग्णाचा कोरोनामुळे मृत्यू झाला. यामध्ये 23 पुरुष तर 13 महिला रुग्णांचा समावेश आहे.
मुंबईतील कोरोनाबाधितांचा आकडा 14,521 वर
मुंबईत कोरोनाबाधितांचा आकडा दररोज वाढत चालला आहे. मुंबईतील कोरोनाबाधितांचा आकडा आता 14 हजार 521 वर पोहोचला आहे. त्यापाठोपाठ पुणे जिल्ह्यातील कोरोनाबाधितांचा आकडा 2 हजार 947 वर पोहोचला आहे. याशिवाय नवी मुंबई महापालिका हद्दीतील कोरोनाबाधितांचा आकडा 902 वर पोहोचला आहे. तर ठाणे शहरातील कोरोनाबाधितांचा आकडा 927 वर पोहोचली आहे. यापाठोपाठ मालेगाव शहर आणि औरंगाबाद जिल्ह्यातील कोरोनाबाधितांचा आकडा 500 च्या वर गेला आहे. याशिवाय वसई-विरार, मीरा-भाईंदर, सोलापूर, नागपूर या शहरांमधील कोरोनाबाधितांचा आकडा 200 पेक्षाही जास्त आहे. तर कल्याण-डोंबिवलीतील कोरोनाबाधितांचा आकडा 366 वर पोहोचला आहे.
Live Update : राज्यात दिवसभरात 1230 नवे रुग्ण, बाधितांचा आकडा 23,401 वरhttps://t.co/PBIFwIkgeA
— TV9 Marathi (@TV9Marathi) May 11, 2020
राज्यात 2 लाख 48 हजार 301 लोक होम क्वारंटाईनमध्ये
दरम्यान, कोरोनाच्या पार्श्वभूमीवर राज्य सरकार आणि प्रशासन प्रचंड मेहनत घेत आहे. राज्यात आतापर्यंत 2 लाख 18 हजार 914 लोकांची तपासणी करण्यात आली आहे. यापैकी 1 लाख 93 हजार 457 जणांचे रिपोर्ट कोरोना निगेटिव्ह आले आहेत. तर 23 हजार 401 जणांचे रिपोर्ट कोरोना पॉझिटिव्ह आढळले आहेत. राज्यात 2 लाख 48 हजार 301 लोक होम क्वारंटाईनमध्ये असून 15 हजार 192 लोक संस्थात्मक क्वारंटाईनमध्ये आहेत.
राज्यातील कोरोनाबाधितांची अद्यावत आकडेवारी
| जिल्हा | रुग्ण | बरे | मृत्यू |
|---|---|---|---|
| मुंबई | 14521 | 374 | 528 |
| पुणे (शहर+ग्रामीण) | 2642 | 938 | 154 |
| पिंपरी चिंचवड मनपा | 147 | 34 | 4 |
| ठाणे (शहर+ग्रामीण) | 1052 | 36 | 12 |
| नवी मुंबई मनपा | 898 | 80 | 4 |
| कल्याण डोंबिवली मनपा | 366 | 91 | 3 |
| उल्हासनगर मनपा | 30 | 0 | |
| भिवंडी निजामपूर मनपा | 32 | 11 | 2 |
| मीरा भाईंदर मनपा | 214 | 143 | 2 |
| पालघर | 37 | 1 | 2 |
| वसई विरार मनपा | 249 | 105 | 10 |
| रायगड | 123 | 5 | 1 |
| पनवेल मनपा | 139 | 2 | |
| नाशिक (शहर +ग्रामीण) | 100 | 2 | 0 |
| मालेगाव मनपा | 596 | 34 | |
| अहमदनगर (शहर+ग्रामीण) | 63 | 36 | 3 |
| धुळे | 54 | 6 | |
| जळगाव | 180 | 1 | 19 |
| नंदूरबार | 22 | 2 | |
| सोलापूर | 296 | 41 | 16 |
| सातारा | 121 | 3 | 2 |
| कोल्हापूर | 19 | 2 | 1 |
| सांगली | 37 | 29 | 1 |
| सिंधुदुर्ग | 6 | 2 | 0 |
| रत्नागिरी | 42 | 2 | 2 |
| औरंगाबाद | 584 | 14 | 14 |
| जालना | 14 | 0 | |
| हिंगोली | 60 | 1 | 0 |
| परभणी | 2 | 1 | |
| लातूर | 31 | 8 | 1 |
| उस्मानाबाद | 3 | 3 | 0 |
| बीड | 1 | 0 | |
| नांदेड | 45 | 4 | |
| अकोला | 162 | 14 | 11 |
| अमरावती | 83 | 13 | |
| यवतमाळ | 97 | 22 | 0 |
| बुलडाणा | 25 | 8 | 1 |
| वाशिम | 1 | 0 | |
| नागपूर | 259 | 84 | 2 |
| भंडारा | 1 | 0 | |
| गोंदिया | 1 | 1 | 0 |
| चंद्रपूर | 4 | 1 | 0 |
| इतर राज्ये (महाराष्ट्रात उपचार सुरु) | 42 | 9 | |
| एकूण | 23401 | 4786 | 868 |
संबंधित बातम्या :
Pune Lockdown : पुण्यात येणाऱ्यांची वैद्यकीय तपासणी बंधनकारक