Corona Update : राज्यात कोरोनाचा कहर सुरुच, दिवसभरात 3870 नवे रुग्ण, बाधितांचा आकडा 1 लाख 32 हजार 75 वर

मुंबई : राज्यात आज (21 जून) दिवसभरात कोरोनाचे 3 हजार 870 नवे रुग्ण आढळले (Maharashtra Corona Update). त्यामुळे राज्यातील कोरोनाबाधित रुग्णांची संख्या 1 लाख 32 हजार 75 वर पोहोचली आहे. राज्यात आज दिवसभरात 1 हजार 591 रुग्णांनी कोरोनावर मात केली. त्यामुळे त्यांना रुग्णालयातून डिस्चार्ज देण्यात आला, अशी माहिती राज्याचे आरोग्यमंत्री राजेश टोपे यांनी दिली.

राज्यात आतापर्यंत 6 हजार 170 रुग्णांचा मृत्यू

राज्यात आतापर्यंत एकूण 65 हजार 744 रुग्ण बरे झाले आहेत. तर 60 हजार 147 रुग्णांवर उपचार सुरु आहे. दरम्यान, राज्यात आतापर्यंत 6 हजार 170 रुग्णांचा कोरोनामुळे मृत्यू झाला आहे. यापैकी 170 रुग्णांच्या मृत्यूची नोंद आज करण्यात आली आहे. तर 101 रुग्णांचा आज दिवसभरात कोरोनामुळे मृत्यू झाला.

हेही वाचा : CORONA | रेमडेसीवीर इंजेक्शनला ICMR ची परवानगी, 30 जूननंतर प्रत्येक जिल्ह्यात उपलब्ध होणार : आरोग्यमंत्री

6 लाख 66 हजार 719 लोक होम क्वारंटाईन

राज्यात आजपर्यंत पाठविण्यात आलेल्या 7 लाख 73 हजार 865 नमुन्यांपैकी 1 लाख 32 हजार 75 नमुने पॉझिटिव्ह (17.6 टक्के) आले आहेत. राज्यात 6 लाख 66 हजार 719 लोक होम क्वारंटाईनमध्ये आहेत. तर सध्या 26 हजार 287 लोक संस्थात्मक क्वारंटाईनमध्ये आहेत.

मुंबईत 29 हजार 318 रुग्णांवर उपचार सुरु

महाराष्ट्राची राजधानी मुंबईत कोरोनाचे सर्वाधिक रुग्ण आढळले आहेत. मुंबई आतापर्यंत 66 हजार 488 रुग्णांना कोरोनाची लागण झाली आहे. मात्र, यापैकी कोरोना रुग्णांचा वाढता आकडा लक्षात घेता प्रशासन सर्वोत्तोपरी प्रयत्न करत आहे. आतापर्यंत 33 हजार 491 रुग्ण बरे झाले आहेतत. तर सध्या मुंबईत 29 हजार 318 रुग्णांवर उपचार सुरु आहे. मुंबईत कोरोनामुळे आतापर्यंत 3 हजार 671 रुग्णांचा मृत्यू झाला आहे.

राज्यात कोरोनाग्रस्त दुप्पट होण्याचा कालावधी 26 दिवसांवर

“राज्यात रुग्ण वाढीचा वेग कमी होत असून रुग्ण दुप्पट होण्याचा (डबलिंग रेट) कालावधी वाढत आहे. सध्या हा कालावधी सुमारे 26 दिवसांवर गेला आहे. राज्याचा रुग्ण बरे होण्याचा दर 50.49 टक्के एवढा आहे”, अशी आरोग्यमंत्री राजेश टोपे यांनी दोन दिवसांपूर्वी दिली होती.

महाराष्ट्रात कुठे किती रुग्ण?