नागपुरात क्वारंटाईन नसलेले दोन रुग्ण कोरोना पॉझिटिव्ह
कोरोनाचा प्रादुर्भाव वाढू नये यासाठी संशयित नागरिकांना क्वारंटाईन केलं जात आहे (Nagpur Corona patients). या नागरिकांना शासकीय विलगीकरण कक्षात किंवा होम क्वारंटाईनमध्ये ठेवलं जात आहे.
नागपूर : कोरोनाचा प्रादुर्भाव वाढू नये, यासाठी संशयित नागरिकांना क्वारंटाईन केलं जात आहे (Nagpur Corona patients). या नागरिकांना शासकीय विलगीकरण कक्षात किंवा होम क्वारंटाईनमध्ये ठेवलं जात आहे. मात्र, नागपुरात काल (22 एप्रिल) क्वारंटाईनमध्ये नसलेल्या दोन रुग्णांचा रिपोर्ट कोरोना पॉझिटिव्ह आल्यामुळे खळबळ उडाली आहे. हे नागरिक आणखी किती लोकांच्या संपर्कात आले, याचा शोध प्रशासन घेत आहे. या दोन रुग्णांसह नागपुरात कोरोनाबाधितांची संख्या 100 वर पोहोचली आहे (Nagpur Corona patients).
नागपुरातील टिमकी आणि कमाल चौक परिसरातील हे दोन नवे कोरोनाबाधित रुग्ण आहेत. या दोन्ही रुग्णांना त्रास होऊ लागल्याने ते रुग्णालयात दाखल झाले होते. या रुग्णांच्या संपर्कात आलेल्यांची माहिती सध्या प्रशासन घेत आहे. नव्या रुग्णांच्या संपर्कात आलेल्यांना क्वारंटाईन केलं जात आहे. दरम्यान, नागपुरात आतापर्यंत 14 रुग्णांनी कोरोनावर मात केली असून त्यांना डिस्चार्ज देण्यात आला आहे.
नागपूरमधील अनेक परिसर सील
कोरोनाचा संसर्ग होऊ नये यासाठी प्रशासन प्रचंड मेहनत घेत आहे. नागपूरमध्ये ज्या भागात कोरोनाबाधित रुग्ण आढळले आहेत तो परिसर पूर्णपणे सील करण्यात येत आहे. आरोग्य कर्मचारी घरोघरी जाऊन सर्वेक्षण करत आहेत. नागपूर महापालिकेचे आयुक्त तुकाराम मुंढे याकडे लक्ष देत आहेत.
राज्यातील कोरोनाबाधितांचा आकडा 5649 वर
राज्यातील कोरोनाबाधितांची संख्या झपाट्याने वाढत चालली आहे. राज्यात काल (22 एप्रिल) नव्या 431 कोरोना रुग्णांची भर पडली. त्यामुळे महाराष्ट्रातील कोरोनाबाधितांची संख्या 5 हजार 649 वर पोहोचली आहे. मुंबईत कोरोनाबाधितांचा आकडा 3 हजार 683 वर पोहोचला आहे. तर पुणे शहर आणि ग्रामीण भागात एकूण 753 कोरोनाचे रुग्ण आढळले आहेत.
कोरोना रुग्णांची अपडेट आकडेवारी
| जिल्हा | रुग्ण | बरे | मृत्यू |
|---|---|---|---|
| मुंबई | 3683 | 374 | 161 |
| पुणे (शहर+ग्रामीण) | 753 | 125 | 55 |
| पिंपरी चिंचवड | 52 | 12 | 2 |
| ठाणे (शहर+ग्रामीण) | 190 | 20 | 6 |
| नवी मुंबई | 101 | 19 | 3 |
| कल्याण डोंबिवली | 97 | 31 | 3 |
| उल्हासनगर | 1 | 1 | |
| भिवंडी | 7 | 2 | |
| मीरा भाईंदर | 81 | 5 | 2 |
| पालघर | 19 | 1 | 1 |
| वसई विरार | 115 | 12 | 3 |
| रायगड | 16 | 3 | 0 |
| पनवेल | 35 | 13 | 1 |
| नाशिक (शहर +ग्रामीण) | 11 | 2 | |
| मालेगाव | 94 | 9 | |
| अहमदनगर (शहर+ग्रामीण) | 29 | 16 | 2 |
| धुळे | 9 | 1 | |
| जळगाव | 6 | 1 | 2 |
| नंदूरबार | 7 | ||
| सोलापूर | 30 | 3 | |
| सातारा | 16 | 3 | 2 |
| कोल्हापूर | 9 | 2 | |
| सांगली | 27 | 26 | 1 |
| सिंधुदुर्ग | 1 | 1 | |
| रत्नागिरी | 8 | 1 | 1 |
| औरंगाबाद | 38 | 14 | 5 |
| जालना | 2 | ||
| हिंगोली | 7 | 1 | |
| परभणी | 1 | ||
| लातूर | 8 | 8 | |
| उस्मानाबाद | 3 | 3 | |
| बीड | 1 | ||
| नांदेड | 1 | ||
| अकोला | 21 | 1 | |
| अमरावती | 7 | 1 | |
| यवतमाळ | 18 | 7 | |
| बुलडाणा | 24 | 8 | 1 |
| वाशिम | 1 | ||
| नागपूर | 100 | 12 | 1 |
| गोंदिया | 1 | 1 | |
| चंद्रपूर | 2 | 1 | |
| इतर राज्ये (महाराष्ट्रात उपचार सुरु) | 17 | 2 | |
| एकूण | 5649 | 789 | 269 |
संबंधित बातम्या :