Hair Care Tips : हिवाळ्यात कोंड्याची समस्या दूर करण्यासाठी ‘हे’ घरगुती उपाय नक्की करा!
कोंडा ही केसांची सामान्य समस्या आहे. हिवाळ्यात हा त्रास वाढतो. काही वेळा हार्ड शॅम्पूच्या वापरामुळेही ही समस्या उद्भवते. यामुळे डोक्यावर पांढरा थर साचतो, ज्यामुळे खाज येण्याची समस्या निर्माण होते, तसेच केसांची मुळे कमकुवत होतात.
मुंबई : कोंडा ही केसांची सामान्य समस्या आहे. हिवाळ्यात हा त्रास वाढतो. काही वेळा हार्ड शॅम्पूच्या वापरामुळेही ही समस्या उद्भवते. यामुळे डोक्यावर पांढरा थर साचतो, ज्यामुळे खाज येण्याची समस्या निर्माण होते, तसेच केसांची मुळे कमकुवत होतात. त्यामुळे केस तेलकट आणि चिकट राहतात. कोंड्याची समस्या टाळण्यासाठी आपण काही घरगुती उपाय नेहमी केले पाहिजेत.
कडुलिंबाची पाने
कडुलिंबाच्या पानांमध्ये नैसर्गिक बुरशीनाशक आणि जंतुनाशक गुणधर्म असतात. ते बारीक करून दह्यात मिसळून केसांना लावा. आठवड्यातून दोनदा असे केल्याने कोंड्याची समस्या बर्‍याच प्रमाणात दूर होते. तुम्ही त्याची पेस्ट बनवून दह्याशिवाय लावू शकता. याशिवाय डोक्याला कडुलिंबाच्या तेलाने मसाज करणेही खूप फायदेशीर मानले जाते.
खोबरेल तेल
खोबऱ्याच्या तेलात लॉरिक ऍसिड आढळते. एका भांड्यात खोबरेल तेलात कापूर मिसळा आणि अर्धा लिंबू पिळून घ्या. नीट मिसळल्यानंतर डोक्याला लावा. यामुळे कोंड्याची समस्या काही दिवसातच दूर होते.
टी ट्री ऑइल
टी ट्री ऑइलमध्ये अँटीबॅक्टेरियल आणि अँटीफंगल गुणधर्म आढळतात. खोबरेल तेल किंवा तिळाच्या तेलात मिसळून लावल्याने कोंड्याची समस्या काही वेळातच दूर होते.
सफरचंद व्हिनेगर
सफरचंद व्हिनेगर देखील ही समस्या दूर करण्यासाठी खूप प्रभावी मानले जाते. यासाठी तुम्ही एक स्प्रे बाटली घ्या आणि त्यात एक कप पाणी आणि अर्धा कप सफरचंद सायडर व्हिनेगर घाला. मुळांवर फवारणी करावी. तुम्हाला हवे असल्यास ते केसांवर रात्रभर राहू द्या. सकाळी केस धुवा. असे केल्याने ही समस्या काही दिवसातच दूर होते.
लिंबू आणि मध
मधात लिंबू पिळून चांगले मिसळा आणि मुळांवर लावा. काही वेळ असेच राहू द्या, त्यानंतर सामान्य पाण्याने डोके धुवा. लिंबूमध्ये नैसर्गिक आम्ल असते जे कोंडा दूर करते आणि मध कोरडेपणा दूर करण्यास मदत करते.
संबंधित बातम्या :
Make Up Tips | मेकअप लावल्याने चेहऱ्यावर डाग पडतायत? मग वापरा ‘या’ सोप्या टिप्स…
एकदा उकळवलेले दूध पुन्हा उकळवण्याची चूक करताय? होऊ शकते मोठे नुकसान!
Health care | सकाळी अनवाणी पायांनी गवतावर चालणे आरोग्यासाठी लाभदायी, वाचा याचे फायदे… https://t.co/xnbkgfB8Ea #HealthTips | #Barefoot | #HealthCare
— TV9 Marathi (@TV9Marathi) February 24, 2021
(Do this home remedy to get rid of dandruff in winter)
