Skin Care Tips : कोरड्या त्वचेची काळजी घेण्यासाठी ‘हे’ घरगुती उपाय फायदेशीर, वाचा!

मुंबई : हिवाळ्यामध्ये सकाळी गरमा-गरम चहा पिण्याची मजा काही वेगळीच असते. तसेच हिवाळ्याच्या हंगामात ताज्या आणि मस्त हिरव्यागार भाज्या आपल्याला बाजारामध्ये मिळतात. मात्र, हिवाळ्यामध्ये कोरडेपणाची समस्या अधिक वाढते. यामुळे त्वचेची आणि केसांची विशेष काळजी घ्यावी लागते. हिवाळ्यात चेहऱ्यावर मुरूम येण्याची समस्या वाढते. म्हणूनच हिवाळ्यात त्वचेची विशेष काळजी घेणे आवश्यक आहे. त्वचेची काळजी घेण्यासाठी आपण नेहमी घरगुती उपाय केले पाहिजेत.

मध

मधामध्ये मॉइश्चरायझिंग गुणधर्म असतात. मधामध्ये असलेले एन्झाईम त्वचेला मऊ करण्यास मदत करतात. बहुतेक सौंदर्य उत्पादनांमध्ये मध हा वापरला जाणारा मुख्य घटक आहे. त्यामुळे कोरडेपणावर उपचार करण्यासाठी ते थेट त्वचेवर वापरले जाऊ शकते. यासाठी एका भांड्यात मध टाका. त्यात कापसाचा गोळा बुडवा आणि चेहरा आणि मानेवर लावा. 15-20 मिनिटे ठेवा आणि नंतर थंड पाण्याने धुवा. यामुळे आपल्या त्वचेच्या सर्व समस्या दूर होण्यास मदत होते.

लिंबू आणि टोमॅटो

त्वचा निरोगी आणि चमकदार राहण्यासाठी, लिंबू आणि टोमॅटोचे स्क्रब लावा. यामुळे आपली त्वचा निरोगी आणि ताजी दिसेल. आठवड्यातून 2 ते 3 दिवस हे करायला पाहिजे. तुमची त्वचा नैसर्गिकरित्या मॉइश्चरायईज करणे आवश्यक आहे. मॉइश्चरायझिंग ही त्वचेवरील चमक, आर्द्रता आणि मुरुमांपासून मुक्त करण्यास मदत करते. त्वचेमधील ओलावा कायम राखण्यासाठी सौम्य मॉइश्चरायझर्सची निवड करा. हायल्यूरॉनिक एसिडचा समावेश असलेल्या मॉइश्चरायझर्सचा वापर करा.

कोरफड

कोरफड आपल्या त्वचेसाठी अत्यंत फायदेशीर आहे. कोरफड म्यूकोपॉलिसॅकेराइड्स तयार करते, जे त्वचेच्या आतील ओलावा बंद करण्यास मदत करते. कोरफडमध्ये असलेले हायड्रेटिंग गुणधर्म कोरड्या त्वचेसाठी एक चांगला उपाय आहे. जर तुमच्या त्वचेवर डाग असतील तर तुम्ही कोरफडीचा वापर थेट चेहऱ्यावर करू शकता. काही वेळाने ते धुवून टाका. जर आपण दररोज सकाळी त्वचेला कोरफड लावली तर त्वचा तजेलदार होण्यास मदत होते. यामुळे दररोज आपल्या त्वचेला कोरफड लावली पाहिजे.

खोबरेल तेल

कोरड्या त्वचेसाठी खोबरेल तेल खूप फायदेशीर आहे. त्यामुळे त्वचा हायड्रेट राहण्यास मदत होते. खोबरेल तेल थेट चेहऱ्यावरही लावता येते. यामुळे त्वचा हायड्रेट राहते. दररोज रात्री झोपण्याच्या अगोदर आपल्या त्वचेला खोबरेल तेल लावा आणि सकाळी आपला चेहरा कोमट पाण्याने धुवा. यामुळे हिवाळ्यात देखील आपला चेहरा तजेलदार राहतो.

(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)

संबंधित बातम्या : 

Milk | गाय की म्हैस, आपल्या आरोग्यासाठी कोणते दूध अधिक फायदेशीर? जाणून घ्या..

Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!

Health care | सकाळी अनवाणी पायांनी गवतावर चालणे आरोग्यासाठी लाभदायी, वाचा याचे फायदे… https://t.co/xnbkgfB8Ea #HealthTips | #Barefoot | #HealthCare

— TV9 Marathi (@TV9Marathi) February 24, 2021

(This home remedy is beneficial for taking care of dry skin)