‘या’ 5 गोष्टींचा विचार करूनच गुंतवणूक करा, जाणून घ्या
कुणी सांगतं म्हणून गुंतवणूक करू नका. एखाद्याच्या बोलण्यावर येऊन कुठेही गुंतवणूक केल्यास मोठे नुकसान होऊ शकते. तुमचं भविष्य सुरक्षित करायचं असेल तर त्यासाठी गुंतवणूक करावी लागेल. पण तुमच्या गुंतवणुकीतून तुम्हाला किती नफा होईल, हे तुमच्या गुंतवणुकीच्या आकलनावर अवलंबून आहे. गुंतवणूक करण्यापूर्वी या 5 गोष्टींचा विचार करणं गरजेचं आहे. जाणून घ्या.
गुंतवणूक केल्यास तुमचं भविष्य सुरक्षित होतं. पण, याचवेळी एखाद्याच्या बोलण्यावर येऊन कुठेही गुंतवणूक केल्यास मोठे नुकसान होऊ शकते. म्हणून कुणी सांगतं म्हणून गुंतवणूक करू नका. तुमच्या गुंतवणुकीतून तुम्हाला किती नफा होईल, हे तुमच्या गुंतवणुकीच्या आकलनावर अवलंबून आहे. त्यामुळे गुंतवणूक करण्यापूर्वी या 5 गोष्टींचा विचार करणं गरजेचं आहे. याविषयी विस्ताराने जाणून घ्या.
आधी काही प्रश्न लक्षात घ्या?
तुम्हाला कोणत्या कामासाठी गुंतवणूक करायची आहे, हे आधी स्वत:ला विचारा. गुंतवलेल्या रकमेची गरज आपल्याला केव्हाही भासू शकते, असे वाटत असेल तर आरडी, डेट फंड आदींमध्ये गुंतवणूक करून अल्पावधीत त्यावरील व्याजाचा लाभ घेऊ शकता.
किती कालावधीसाठी गुंतवणूक करावी?
तुमच्या नेमक्या गरजा काय आहेत, हे आधी लक्षात घेतलं पाहिजे, हे लक्षात घेणं महत्त्वाचं आहे. तुमच्याकडे एकरकमी पैसे असतील तर तुम्ही गरजेनुसार 1, 2 किंवा 3 वर्षांसाठी मुदत ठेवींमध्ये देखील गुंतवणूक करू शकता.
लॉक-इन कालावधी म्हणजे काय?
अनेक बचत योजना लॉक-इन कालावधीसह येतात. या कालावधीत तुम्ही पैसे काढू शकत नाही आणि तसे केल्यास तुम्हाला दंड भरावा लागतो. त्यामुळे किती काळ गुंतवणूक करायची हे लक्षात ठेवा. आपण ज्या ठिकाणी गुंतवणूक करत आहात त्या ठिकाणी लॉक-इन पीरियड होणार नाही आणि असेल तर तो किती आहे याची विशेष काळजी घ्या.
पैसे कोठेही अडकवू नका
आपण आपल्या गुंतवणुकीवर किती जोखीम घेऊ शकता आणि किती घेऊ शकत नाही, याचे स्वत: मूल्यांकन करा. इतरांच्या बोलण्यावर येऊन आपले पैसे कोठेही अडकवू नका, अन्यथा तुम्ही स्वत:चे खूप नुकसान करू शकता.
योजनेची संपूर्ण माहिती मिळवा
तुम्ही ज्या योजनेत गुंतवणूक करणार आहात, त्याची संपूर्ण माहिती आधी मिळवा. आपण याबद्दल चांगले संशोधन केले पाहिजे. अपूर्ण माहिती घेऊन केलेली गुंतवणूक तुमचे नुकसान करू शकते.
पर्यायांची तुलना करा
आपण ज्या दीर्घकालीन किंवा अल्पमुदतीसाठी गुंतवणूक करत आहात त्याच्या पर्यायांची तुलना करा आणि नंतर आपण कोठे गुंतवणूक करू इच्छिता हे ठरवा. गुंतवणूक करण्यापूर्वी कोणत्या योजनेने गेल्या काही वर्षांत किती परतावा दिला हे पाहावे.
तुमच्या गुंतवणुकीतून तुम्हाला किती नफा होईल, हे तुमच्या गुंतवणुकीच्या आकलनावर अवलंबून आहे. हे तुम्ही लक्षात घेणं गरजेचं आहे. वरील माहिती तुम्हाला उपयोगात येऊ शकते.
(डिस्क्लेमर: या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
