Health Benefits : नाश्त्यात सामील करा भिजवलेले शेंगदाणे, आरोग्याला होतील अनेक फायदे !
शेंगदाणे आपल्या सर्वांचाच स्वयंपाक घरात असतात. शेंगदाणे खाणे आपल्या आरोग्यासाठी अत्यंत फायदेशीर आहेत.
मुंबई : शेंगदाणे आपल्या सर्वांचाच स्वयंपाक घरात असतात. शेंगदाणे खाणे आपल्या आरोग्यासाठी अत्यंत फायदेशीर आहेत. त्यामध्ये भिजवलेले शेंगदाणे आपल्या आरोग्यासाठी खूप फायदेशीर असतात. शेंगदाण्यामध्ये कॅल्शियम, लोह, पोटॅशियम, तांबे आणि सेलेनियमसारखे गुणधर्म आहेत. शेंगदाणे भिजवून खाल्ल्याने पौष्टिक मूल्य वाढतात. भिजवलेले शेंगदाणे आरोग्यासाठी फायदेशीर कशी आहेत हे जाणून घेऊयात. (Eating soaked peanuts is good for health)
हृदयरोग शेंगदाण्यामध्ये हृदय व रक्तवाहिन्यासंबंधी गुणधर्म असतात. हे हदयाशी संबंधित रोगांचे धोका कमी करण्यास मदत करते. हृदयरोग टाळण्यासाठी आपण भिजवलेली शेंगदाणे खाणे फायदेशीर आहे.
मेंदू भिजवलेल्या शेंगदाण्यामध्ये ओमेगा -3 फॅटी अॅसिड असते. हे मेंदूची कार्यक्षमता वाढविण्यात मदत करते. भिजवलेल्या शेंगदाण्यांचे सेवन लहान मुलांसाठी देखील फायदेशीर आहे. हे सेवन केल्याने मुलांच्या मेंदूची कार्यक्षमता वाढते.
पचन संस्था शेंगदाण्यांमध्ये फायबरचे प्रमाण जास्त असते. ते सेवन केल्याने तुमची पाचन क्रिया निरोगी राहते. हे पोटाशी संबंधित समस्यांवर मात करण्यास मदत करतात. म्हणून, आपण हे नियमितपणे घेऊ शकता. तुमची पाचक प्रणाली सुरळीत चालू ठेवण्यासाठी फायबर हे फार महत्वाचे आहे.
त्वचा शेंगदाणे सेवन केल्याने त्वचेशी संबंधित बरेच फायदे मिळू शकतात. त्यात अँटीऑक्सिडेंट्सचे प्रमाण जास्त आहे. आपण दररोज सकाळी सकाळी शेंगदाणे घेऊ शकता. यामुळे तुमची त्वचा निरोगी राहते.
सांधे दुखी जर आपल्याला कंबर किंवा सांधेदुखीची समस्या असेल तर यासाठी तुम्ही शेंगदाणे खाऊ शकता. गूळाबरोबर भिजवलेली शेंगदाणे सेवन करण्याचे बरेच फायदे आहेत.
कर्करोग शेंगदाण्यामध्ये अँटीऑक्सिडंट्स, लोह, फोलेट, कॅल्शियम आणि जस्त असतात. दररोज मूठभर भिजवलेल्या शेंगदाण्यांचे सेवन केल्यास कर्करोगाच्या पेशीविरूद्ध लढायला मदत होते.
केस गळणे भिजवलेल्या शेंगदाण्यामध्ये व्हिटॅमिन सी असते. यामुळे रोगप्रतिकारक शक्ती वाढते. नियमित सेवन केल्याने केस गळणे कमी होते. हे केस वाढण्यासही मदत करते.
(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)
संबंधित बातम्या :
लांबसडक केसांसाठी घरच्या घरी तयार करा ‘हा’ हेअर मास्क !
उन्हाळ्यात शरीर हायड्रेट ठेवण्यासाठी ‘हे’ खास घरगुती उपाय नक्की ट्राय करा! https://t.co/Ipkkeym5Ed #BodyHydrate | #SummerCare | #SummerTips | #HealthTips
— TV9 Marathi (@TV9Marathi) April 1, 2021
(Eating soaked peanuts is good for health)
