नोकरदार महिलांचे वजन पुरुषांपेक्षा जास्त वाढते? जाणून घ्या याचे नेमके कारण
नोकरीत काम करणारी प्रत्येक व्यक्ती कुटुंबापेक्षा ऑफिसमध्ये जास्त वेळ घालवते. ऑफिसच्या कामामुळे लोकांना स्वतःसाठी वेळ काढता येत नाही.
मुंबई : नोकरीत काम करणारी प्रत्येक व्यक्ती कुटुंबापेक्षा ऑफिसमध्ये जास्त वेळ घालवते. ऑफिसच्या कामामुळे लोकांना स्वतःसाठी वेळ काढता येत नाही. हेच कारण आहे की वाढत्या कामाच्या ओझ्यामुळे, काम करणारे लोक व्यायाम आणि निरोगी जीवनशैलीपासून दूर जाऊ लागतात. ज्याचा त्यांच्यावर शारिरीक आणि मानसिक परिणाम होतो. पण तुम्हाला माहित आहे का की कामाचा परिणाम फक्त मुलांवरच नाही तर मुलींवरही होतो. एका संशोधनात असेही समोर आले आहे की, वाढत्या कामाच्या बोजामुळे आता मुलांपेक्षा मुलींचे वजन वाढू लागले आहे.
काय सांगते संशोधन
युनिव्हर्सिटी ऑफ गोथेनबर्गमध्ये जीवनशैलीवर एक संशोधन करण्यात आले असून, कामामुळे मुलींचे वजन मुलांपेक्षा वेगाने वाढते. वास्तविक, कामात व्यस्त असल्याने मुली स्वतःकडे लक्ष देत नाहीत आणि त्याचा परिणाम त्यांच्या शरीरावर होतो.
मुलींचे वजन का वाढते
सतत जास्त वेळ बसल्याने मुलींचे वजन वाढते, अशा स्थितीत जवळपास ५० टक्के मुली अशा आहेत ज्यांचे वजन कामामुळे आणि तणावामुळे वाढते. मुलांपेक्षा मुलींना तणावाचा जास्त त्रास होतो. अनेकदा मुलींना घरच्या जबाबदाऱ्यांसोबत ऑफिसची कामेही करावी लागतात, त्यामुळे त्या दडपणाखाली राहतात. त्यामुळे वजनही वाढते.
वजन कसे कमी करावे
ऑफिसमुळे मुली स्वतःपासून दूर होत आहेत. अशा परिस्थितीत ऑफिसमध्येच तणाव कमी करणाऱ्या उपक्रमांमध्ये भाग घेऊ शकता.काम करतानाच थोडा वेळ चालत राहा थोडा ब्रेक घ्या. एवढेच नाही तर तुम्हाला हवे असल्यास खुर्चीत बसून छोटे स्ट्रेचिंगचे व्यायाम करू शकता. यासोबत जेवणानंतर ५ मिनिटे चालावे. अधिकाधिक पाणी प्या. अशा गोष्टींचा वापर कमीत कमी करा ज्यामुळे वजन वाढेल.
हेही वाचा :
Weight Loss | दिवाळीच्या फराळाने वजन वाढलं? डिटॉक्सिफिकेशनच्या विचारत आहात?, जाणून घ्या सोपे मार्ग…
