औरंगाबादेत कोरोनाचा कहर, दिवसाच्या सुरुवातीलाच 17 नवे रुग्ण, बाधितांचा आकडा 494 वर

औरंगाबाद : औरंगाबादमध्ये कोरोनाचा प्रादुर्भाव दिवसागणिक वाढत चालला आहे (Aurangabad Corona Update). औरंगाबादेत आज ( 9 मे) दिवसाच्या सुरुवातीलाच कोरोनाचे 17 नवे रुग्ण आढळले आहेत. विशेष म्हणजे काल दिवसभरात औरंगाबादमध्ये 100 पेक्षाही जास्त नवे रुग्ण आढळले आहेत. त्यामुळे औरंगाबादमधील कोरोनाबाधितांचा आकडा तब्बल 494 वर पोहोचला आहे. औरंगाबादेतील निवासी वैद्यकीय अधिकारी महेश लड्डा यांनी याबाबतची माहिती दिली (Aurangabad Corona Update).

औरंगाबादेत 1 मे रोजी 39 नव्या रुग्णांची नोंद झाली. तर 2 मे रोजी औरंगाबादेत आणखी 23 नव्या रुग्णांची भर पडली. त्यानंतर 3 मे रोजी 17 रुग्ण, 4 मे रोजी 47 रुग्णांचा रिपोर्ट पॉझिटिव्ह आला. यानंतर 5 मे रोजी 24 नवे रुग्ण, 6 मे रोजी 28 रुग्ण, 7 मे रोजी 17 रुग्ण आणि 8 मे रोजी तब्बल 100 पेक्षाही जास्त रुग्ण आढळले आहेत. त्यामुळे गेल्या 8 दिवसात एकट्या औरंगाबादेत जवळपास 300 नवे कोरोनाबाधित रुग्ण आढळले आहेत.

औरंगाबादमध्ये 15 मार्च रोजी पहिला कोरोनाबाधित रुग्ण आढळला होता. या रुग्णानंतर बाधितांचा आकडा हळूहळू वाढू लागला. दीड महिन्यात 53 रुग्ण आढळले. मात्र, गेल्या 15 दिवसात कोरोना रुग्णांच्या संख्येत प्रचंड वाढ झाली. हा आकडा थेट पाचशेच्या घरात पोहोचला. त्यामुळे चिंता वाढली आहे. दरम्यान, कोरोनाच्या पार्श्वभूमीवर प्रशासन प्रचंड मेहनत घेत आहे.

तारीख – रुग्ण 

• 1 मे – 39
• 2 मे – 23
• 3 मे – 17
• 4 मे – 47
• 5 मे – 24
• 6 मे – 28
• 7 मे – 17
• 8 मे  – 100 पेक्षा जास्त

राज्यातील कोरोनाबाधितांचा आकडा आकडा 19 हजारांच्या पार

राज्यातील कोरोनाचा विळखा दिवसेंदिवस आणखी घट्ट होत चालला आहे. कोरोनाचा प्रादुर्भाव होऊ नये यासाठी प्रशासन सर्वतोपरी प्रयत्न करत आहे. तरीही राज्यातील कोरोनाचं संकट अद्याप नियंत्रणात आलेलं नाही. राज्यातील कोरोनाबाधित रुग्णांची एकूण संख्या आता 19 हजार 063 वर पोहोचली आहे. राज्यात काल (8 मे) दिवसभरात 1 हजार 089 नवे कोरोना रुग्ण आढळले.

कोरोनाची अद्ययावत आकडेवारी :

संबंधित बातम्या :

नागपूरकरांनो प्रतिबंधित क्षेत्रातून बाहेर पडल्यास थेट विलगीकरण कक्षात रवानगी, तुकाराम मुंढेंचे आदेश