Video | रस्ता बंद असल्यामुळे पाईपलाईनवरून जाण्याचा प्रयत्न अंगलट, थेट 10 फूट खोल नाल्यात कोसळला
नाल्याच्या पाईपलाईनवरून जाण्याचा प्रयत्न करणारा व्यक्ती थेट नाल्यात कोसळल्याची घटना घडली आहे. या प्रकाराचा व्हिडीओ सध्या सोशल मीडियावर व्हायरल असून यातील व्यक्ती 10 फूट खोल नाल्यात पडला.
औरंगाबाद : नाल्याच्या पाईपलाईनवरून जाण्याचा प्रयत्न करणारा व्यक्ती थेट नाल्यात कोसळल्याची घटना घडली आहे. औरंगाबादच्या पाणचक्की परिसरात हा प्रकार घडला. या प्रकाराचा व्हिडीओ सध्या सोशल मीडियावर व्हायरल असून यातील व्यक्ती 10 फूट खोल नाल्यात पडला. (man falls in nala trying to cross road with help of pipeline in Aurangabad)
पाईपलाईनवरुन जाणारा व्यक्ती नाल्यात 10 फूट खोल कोसळला
औरंगाबाद शहरातील धोकादायक मेहमूद दरवाजा सध्या बंद करण्यात आला आहे. त्यामुळे या भागात दुसऱ्या बाजूला जाण्यासाठी नागरिक दरवाजाच्या बाजूला असलेल्या पाईपलाईनची मदत घेतात. पाईपलाईनच्या सहाय्याने लोक दरवाजाच्या दुसऱ्या बाजूने जातात. मात्र, यावेळी दुर्घनेत जखमी झालेल्या व्यक्तीचा पाईपलाईनवरून जाताना तोल गेला. परिणामी तो 10 फूट खोल असलेल्या नाल्यात जाऊन कोसळला.
खाली कोसळल्यानंतरची अवस्था कॅमेऱ्यात कैद
हा प्रकार समजताच नागरिकांनी घटनास्थळी धाव घेतली. तसेच नाल्यात उतरुन लोकांनी खाली पडलेल्या व्यक्तीला बाहेर काढले. माणूस खाली पडल्यानंतर त्याची झालेली अवस्था कॅमेऱ्यात कैद करण्यात आली आहे. लोक हा व्हिडीओ पाहून आश्चर्य व्यक्त करत आहेत. तसेच दरवाजा बंद असल्यामुळे नागरिकांनी जीव धोक्यात घालून पाईपलाईनवरुन जाणे टाळावे असे आवाहन येथील प्रशासनाकडून केले जात आहे.
पाहा व्हिडीओ
इतर बातम्या :
औरंगाबाद पालिकेचे मिशन भंगार हटाव, आतापर्यंत 21 बेवारस वाहने जप्त, 26 हजारांचा दंड
औरंगाबादमध्ये तिरपी बस बेदरकारपणे दामटवणाऱ्या एसटी बसचालकावर अखेर गुन्हा
Know This | Surrogacy म्हणजे काय? भारतात सरोगसीला परवानगी आहे का? | Mimi Netflixhttps://t.co/V20Rf41AF7@vishakhanikam5 #Surrogacy #Mimi
— TV9 Marathi (@TV9Marathi) August 5, 2021
(man falls in nala trying to cross road with help of pipeline in Aurangabad)
