Marathi News Maharashtra Bhandara Bhandara accident head on collision with truck and dumper fire broke out after accident in which driver burn alive in dumper driver cebine watch video
भंडार : भंडारा-तुमसर राज्य मार्गावर दोन ट्रक मध्ये भीषण अपघात (Road Accident News) घडला. या पघातानंतर ट्रकला आग लागली. या आगीमध्ये ट्रकचा चालक जिवंत जळाल्याची (Burn Alive) दुर्दैवी घटना घडली. भंडारा-तुमसर राज्य मार्गावर दाबा गावात दोन ट्रकमध्ये हा भीषण अपघात (Bhandara Accident Video) झाला. दुसऱ्या ट्रकच्या ड्राइवर वेळीच बाहेर निघाल्याने त्याचे प्राण वाचले. दाबा गावाजवळ कोळसा भरून जात असलेला ट्रकला भरधाव येणाऱ्या टिप्पर ट्रकने आमरासमोर जबर धडक दिली. या अपघातातील धडक इतकी भीषण होती की अपघातानंतर स्पार्क होऊन कोळसा भरलेला ट्रकला आग लागली. वेळीच कोळसा भरलेला ट्रकचा ड्राइवर बाहेर निघाला. मात्र टिप्पर ट्रक चे कॅबिन चेपल्याने ड्राइवर अडकून पडला. त्याला बाहेर निघण्याचा कोणताच मार्ग नव्हता.
पाहा व्हिडीओ :
भंडाऱ्यात भीषण अपघात, ट्रक टिप्परची समोरासमोर धडक, अपघातानंतर दोन्ही ट्रकला आग, टिप्परचा चालक जिवंत जळाला #ACCIDENT VIDEO : तेजस मोहतुरे, प्रतिनिधी, टीव्ही 9 भंडारा pic.twitter.com/gCdyHfJQwc
कोळसा भरलेल्या ट्रकला लागलेली आग टिप्पर ट्रकलाही लागली. बघता बघता आग प्रचंड भडकली. या आगीत टिप्परमध्ये अडकलेला ड्रायवर जळून खाक झाला. याची माहिती वरठी पोलिसांना आणि अग्निशमन दलाला देण्यात आली असून घटनास्थळ गाठत अग्निशमन दलाला आग विझवण्यात यश आलंय. वरठी पोलिसांकडून या अपघातप्रकरणी अधिक तपास केला जातोय.
कसा झाला अपघात?
ओव्हर टेक करण्याच्या नादात हा अपघात झाला असावा असा संशय व्यक्त केला जातोय. कोळशाने भरलेला ट्रक विरुद्ध दिशेच्या लेनमध्ये घुसला होता. तर समोरुन येणाऱ्या टिप्परलाही वळणावर अचानक ट्रक आल्यानं गाडी बाजूला घेण्यासाठी मार्ग उरला नव्हता. यामुळे एकाच लेनमध्ये समोरासमोर आल्यामुळे हा भीषण अपघात घडला.
ट्रकच्या चालकानं प्रसंगावनधान राखल्यानं त्याला लगेचच गाडीतून उडी मारुन स्वतःचा जीव वाचवता आला होता. मात्र टिप्परचा चालक या भीषण अपघातानंतर लागलेल्या आगीत होरपळला आणि त्यातच त्याचा जीव गेला.
