काँग्रेस आमदाराचा दावा खरा ठरला, काँग्रेसची मते फुटली, पाहा कुणाला झाला फायदा

विधान परिषदेच्या 11 जागांसाठी आज मतदान पार पडलं. या निवडणुकीत मतं फुटू नयेत म्हणून सगळ्याच पक्षांनी काळजी घेतली होती. राज्यात हॉटेल पॉलिटिक्स पाहायला मिळत होते. कोणत्याही प्रकारचा दगाफटका होऊ नये म्हणून काळजी घेतली गेली. पण काँग्रेस आमदार कैलास गोरंट्याल यांचा दावा खरा ठरला आहे. आपल्या पक्षाचे 4 मते फुटण्याची शक्यता असल्याचा खळबळजनक दावा त्यांनी केला होता. आपल्या पक्षाकडे पुरेसं संख्याबळ असल्याने काँग्रेसच्या उमेदवार प्रज्ञा सातव या जिंकून येतील, असा दावा ही कैलास गोरंट्याल यांनी केला होता.