शंखनाद ! निवडणुकीची घोषणा होताच देवेंद्र फडणवीसांनी फुंकलं रणशिंग
निवडणूक आयोगाने महाराष्ट्र विधानसभेची निवडणूक जाहीर केली आहे. २० नोव्हेंबरला एकाच टप्प्यात मतदान होणार आहे. विधानसभा निवडणुकीचं रणशिंग फुंकलं गेले असून देवेंद्र फडणवीस यांनी देखील यावर प्रतिक्रिया देत एक व्हिडिओ शेअर केला आहे.
विधानसभेच्या निवडणुकीची घोषणा झाली आहे. विधानसभा निवडणुकीसाठी २० नोव्हेंबरला मतदान होणार आहे. तर २३ नोव्हेंबरला मतमोजणी होणार आहे. विधानसभेच्या निवडणुकीची घोषणा झाली आहे. विधानसभा निवडणुकीसाठी २० नोव्हेंबरला मतदान होणार आहे. तर २३ नोव्हेंबरला मतमोजणी होणार आहे. निवडणुकीची घोषणा होताच उपमुख्यमंत्री देवेंद्र फडणवीस यांनी ट्विट करत शंखनाद अशी पोस्ट केली आहे. यासोबत फडणवीसांनी एक व्हिडिओ देखील शेअर केला आहे.
लोकशाहीतील सर्वोच्च महोत्सवाची आज घोषणा झाली. दिवाळीत प्रकाश पर्व असेल ! आणि पाठोपाठ दुसरे विकासाचे प्रकाशपर्व आपण 20 नोव्हेंबरला एकत्र साजरे करू! भाजपाच्या नेतृत्वात आपण 2014, 2019 ला भरभरून यश दिले, संपूर्ण बहुमत दिले. चला पुन्हा सारे मिळून सोबत येऊ या, आणि 23 नोव्हेंबरला… https://t.co/j4nAq2CTMt
— Devendra Fadnavis (@Dev_Fadnavis) October 15, 2024
महाराष्ट्रात १ लाख १८६ मतदान केंद्र असणार आहेत. महाराष्ट्रात पुरुष मतदारांची संख्या ४.९७ कोटी आहे, तर महिला मतदारांची संख्या ४.६६ कोटी आहे. तरुण मतदार १.८५ कोटी आहेत. तर २९.९३ लाख नवीन मतदार आहेत. असे एकूण राज्यात ९.३५ कोटी मतदार निवडणुकीचा हक्क बजावणार आहेत.
२२ तारखेला निवडणुकीची अधिसुचना जाहीर होणार आहे. तर २९ तारखेपर्यंत फॉर्म भरता येणार आहे. ३० तारखेला अर्जाची छानणी होणार आहे. तर ४ नोव्हेंबरपर्यंत अर्ज मागे घेता येणार आहे. २० नोव्हेंबरला मतदान होणार असून २३ नोव्हेंबरला मतमोजणी होणार आहे.
विधानसभा निवडणुकीचं बिगुल वाजलं असून राज्यात महायुती विरुद्ध महाविकासआघाडी अशी लढत होणार आहे. महायुतीमध्ये भाजप, शिवसेना शिंदे गट आणि राष्ट्रवादी अजित पवार गट यांची युती आहे. तर महाविकासआघाडीत काँग्रेस, शिवसेना ठाकरे गट आणि राष्ट्रवादी शरद पवार गट यांची युती असणार आहे. या शिवाय मनसे, वंचित बहुजन आघाडी आणि इतर छोटे पक्ष स्वतंत्र निवडणूक लढवणार आहेत.