Maharashtra Breaking News LIVE : प्रचाराचा धुरळा, सभांचा धडाका
Maharashtra Election News LIVE : महाराष्ट्रात विधानसभा निवडणुकीच्या प्रचाराला सुरुवात झाली आहे. आज 18 नोव्हेंबर 2024 राज्यात महत्त्वाच्या घडामोडी घडणार आहेत. देश, विदेश, राज्य पातळीवरील राजकीय, सामाजिक, आर्थिक, गुन्हेगारी क्षेत्र, क्रीडा अन् मनोरंजन क्षेत्रातील महत्वाच्या घडामोडी जाणून घ्या. तुमच्या जिल्ह्यातील, तुमच्या गावातील बातमी तुम्हाला इथे वाचायला मिळेल.
LIVE NEWS & UPDATES
-
Maharashtra News: राष्ट्रवादी शरद पवार गटाचे बंडखोर उमेदवार धर्मराज काडादी यांचे जोरदार शक्तीप्रदर्शन
प्रचाराच्या शेवटच्या दिवशी अपक्ष उमेदवार काडादी यांनी जुळे सोलापुरात पदयात्रा काढत जोरदार शक्ती प्रदर्शन केले… अपक्ष उमेदवार धर्मराज काडादी यांची महाविकास आघाडीतील ठाकरे गटाचे उमेदवार अमर पाटील आणि भाजप उमेदवार सुभाष देशमुख यांच्यात लढत असणार आहे…
-
Maharashtra News: सोलापुरात आदिवासी भटके विमुक्त समाजाकडून भाजप उमेदवार देवेंद्र कोठे यांना पाठिंबा
भटके विमुक्त समाजाची 150 एकर जागा सोडवून देण्याचे काम भाजप करतेय त्यामुळे आम्ही त्यांना पाठिंबा दिलाय… जोरदार शक्तीप्रदर्शन करत भटके विमुक्त समाजाने भाजप उमेदवारांना पाठिंबा दिला… काँग्रेसने आम्हाला 70 वर्षे केवळ आश्वासन दिले मात्र भाजपने आम्हाला आमच्या हक्काची जागा दिली… या जागेमुळे आम्हाला आमच्या हक्काच्या जमिनी मिळणार आहेत त्यामुळे आम्ही पाठिंबा दिला…. अशी भूमिका समाजाकडून मांडण्यात आली आहे.
-
-
Maharashtra News: काँग्रेसचे मालिकार्जुन खरगे यांची आज वसईत शेवटची जाहीर प्रचार सभा
वसई विधानसभेचे उमेदवार विजय पाटील आणि नालासोपारा विधानसभा मतदार संघाचे उमेदवार संदीप पांडे यांच्या प्रचारार्थ होणार आहे खरगे यांची जाहीर सभा… वसई पश्चिम वाय एम सी मैदानावर आज सकाळी 11 वाजता सभेचं आयोजन केले आहे…
-
पुण्यात 90 % टपाली मतदान
पुणे जिल्ह्यात 90 टक्के टपाली मतदान झालं आहे. दोन हजार २१० मतदारांनी बजावला घरबसल्या मतदानाचा हक्क बजावला आहे. विधानसभा निवडणुकीत शहरासह जिल्ह्यातील २१ विधानसभा मतदारसंघांतून ८५ वर्षांपुढील ज्येष्ठ आणि दिव्यांग मतदारांचे घरबसल्या मतदान अंतिम टप्प्यात आले आहे. दोन हजार २७७ मतदारांनी घरबसल्या टपाली मतदानासाठी अर्ज भरून दिला होता.त्यापैकी शनिवारी सायंकाळपर्यंत दोन हजार १४० मतदारांनी मतदानाचा हक्क बजावला आहे. ९० टक्क्यांहून अधिक मतदान झाले आहे, अशी माहिती जिल्हा निवडणूक प्रशासनातर्फे देण्यात आली.
-
बबनराव शिंदेची ‘महाविजय सभा’
काल शरद पवारांची सभा माढ्याच्या टेभुर्णीत पार पडल्यानंतर आज आमदार बबनराव शिंदेची ‘महाविजय सभा’ होत आहे. शरद पवारांनी काल केलेल्या टिकेला आमदार बबनराव शिंदे आज सभेतून उत्तर देणार आहेत. शरद पवारांची सभा झालेल्या ठिकाणीच आज दुपारी २ वाजता आमदार बबनराव शिंदेची महाविजय सभा होणार आहे. आमदार बबनराव शिंदेंकडून जोरदार शक्तीप्रदर्शन केलं जाणार आहे.
-
-
नरेंद्र मोदी ब्राझील दौऱ्यावर
पंतप्रधान नरेंद्र मोदी ब्राझीलमध्ये दाखल झाले आहेत. भारतीयांकडून पंतप्रधान मोदींचे जंगी स्वागत करण्यात आलं आहे. जी 20 शिखर संमेलनात सहभागी होण्यासाठी पंतप्रधान मोदी ब्राझीलमध्ये पोहोचले आहेत. भारतीय पद्धतीने पंतप्रधान मोदींचे ब्राझीलमध्ये स्वागत झालं आहे.
-
राजधानी दिल्लीच्या प्रदुषणात वाढ
राजधानी दिल्लीत प्रदूषणाचा कहर पाहायला मिळतोय. एअर क्वालिटी इंडेक्स पोचला 400 च्या वर पोहोचला आहे. मोठे ट्रक आणि कंटेनर्सना राजधानी दिल्लीत नो एंट्री आहे. आजपासून प्रदूषण नियंत्रणासाठी ग्रेप 4 श्रेणी लागू झाली आहे. बीएस फोर आणि त्या खालच्या डिझेल गाड्यांवर पूर्णपणे बंदी करण्यात आली आहे. बांधकाम आणि पाडकामालाही पूर्णपणे बंदी घालण्यात आली आहे. दहावीपर्यंतच्या सर्व शाळांना सुट्टी जाहीर झालीय. नागरिकांनी काळजी घेण्याचं प्रशासनाने आवाहन केलं आहे.
-
महाराष्ट्र विधानसाभ निवडणुकीच्या प्रचाराचा आज शेवटचा दिवस आहे. त्यामुळे ठिकठिकाणी राजकीय नेत्यांच्या सभा होणार आहेत. मुख्यमंत्री एकनाथ शिंदे, उपमुख्यमंत्री देवेंद्र फडणवीस उद्धव ठाकरे यांच्या सभा होणार आहेत. तर शरद पवार आणि अजित पवार यांची बारामतीत सभा होणार आहे. या सभेत कोण काय बोलणार? याकडे सर्वांचं लक्ष लागलेलं आहे. राजधानी दिल्लीत प्रदूषणाचा कहर पाहायला मिळतोय. एअर क्वालिटी इंडेक्स पोचला 400 च्या वर पोहोचला आहे. या सोबतच क्रीडा, मनोरंजन विश्वातील घडामोडी तुम्हाला या ब्लॉगमध्ये वाचायला मिळतील. त्यामुळे दिवसभर आमचा लाईव्ह ब्लॉग फॉलो करा.
Published On - Nov 18,2024 7:58 AM
