Maharashtra Election News LIVE : भाजपकडून दुसरी यादी जाहीर, कुणाला संधी?
Maharashtra Assembly Election 2024 LIVE News and Updates in Marathi : आज 26 ऑक्टोबर 2024. महाराष्ट्रात आज महत्त्वाच्या राजकीय घडामोडी घडणार आहेत. काही महत्त्वाचे पक्ष प्रवेश होऊ शकतात. महाराष्ट्राच्या राजकारणातील सर्व महत्त्वाच्या, लेटेस्ट अपडेट या ब्लॉगच्या माध्यमातून जाणून घ्या.
महाराष्ट्र विधानसभेची निवडणूक होत आहे. अशात विविध घडामोडी घडत आहेत. अहमदनगरच्या संगमनेरमध्ये भाजप नेत्याच्या वक्तव्याने वाद निर्माण झाला आहे. भाजप नेते वसंतराव देशमुख यांनी बाळासाहेब थोरात यांच्या मुलीबाबत आक्षेपार्ह विधान केलं आहे. त्यांच्या या विधानाने वाद निर्माण झाला आहे. यावरून राजकारण तापलं आहे. तर शिवसेना ठाकरे गटाची दुसरी यादी आली आहे. याचसोबत विधानसभा निवडणुकीच्या पार्श्वभूमीवर विविध घडामोडी घडत आहेत. याबाबतचे सर्व महत्त्वाच्या घडामोडी, तसंच मनोरंजन, क्रीडा विश्वातील घडामोडींचेही अपडेट्स तुम्हाला या ब्लॉगच्या माध्यमातून वाचायला मिळतील. त्यामुळे दिवसभर आमचा हा ब्लॉग फॉलो करा.
LIVE NEWS & UPDATES
-
महाराष्ट्र निवडणुकीसाठी भाजपच्या स्टार प्रचारकांची यादी जाहीर
महाराष्ट्र विधानसभा निवडणुकीसाठी भाजपने स्टार प्रचारकांची यादी जाहीर केली आहे. या यादीत पंतप्रधान नरेंद्र मोदी, केंद्रीय मंत्री जेपी नड्डा, अमित शाह, राजनाथ सिंह, नितीन गडकरी, शिवराज सिंह चौहान, आसामचे मुख्यमंत्री हिमंता बिस्वा सरमा, उत्तर प्रदेशचे मुख्यमंत्री योगी आदित्यनाथ यांच्यासह अनेक नेत्यांच्या नावांचा समावेश आहे.
-
मुंबईतील शिवाजी नगर येथील गोवंडी परिसरात दीड वर्षाच्या मुलीचा मृतदेह आढळला
मुंबईतील शिवाजी नगर येथील गोवंडी परिसरात दीड वर्षाच्या मुलीचा मृतदेह आढळल्याने खळबळ उडाली आहे. घराजवळील ड्रेनेज लाइनमध्ये मुलीचा मृतदेह आढळून आला. ही मुलगी कालपासून बेपत्ता होती. पोलिसांनी मृतदेह ताब्यात घेऊन शवविच्छेदनासाठी पाठवला असून, मुलीचा खून करून ड्रेनेज लाइनमध्ये फेकून दिले की, ड्रेनेज लाइनमध्ये पडून मुलीचा मृत्यू झाला, हे अद्याप स्पष्ट झालेले नाही.
-
-
आम आदमी पार्टी महाराष्ट्रात विधानसभा निवडणूक लढवणार नाही
महाराष्ट्र विधानसभा निवडणुकीचा बिगुल वाजला आहे. सर्वच पक्ष आपापल्या उमेदवारांची नावे जाहीर करत आहेत. दरम्यान, महाराष्ट्र विधानसभा निवडणुकीबाबत आम आदमी पक्षाने मोठा निर्णय घेतला आहे. आम आदमी पार्टी महाराष्ट्रात निवडणूक लढवणार नाही, असे आपचे नेते संजय सिंह यांनी म्हटले आहे.
-
जम्मू-काश्मीर: कुलगाममध्ये लष्कराच्या वाहनाला अपघात, एक जवान शहीद
जम्मू आणि काश्मीरच्या कुलगाम जिल्ह्यात लष्कराचे एक वाहन रस्त्यावरून घसरले आणि उलटले, परिणामी एका सैनिकाचा मृत्यू झाला, तर नऊ जवानांसह 13 जण जखमी झाले. जखमींना रुग्णालयात दाखल करण्यात आले असून, त्यांची प्रकृती स्थिर असल्याचे सांगण्यात येत आहे.
-
भाजपकडून दुसरी यादी जाहीर, कुणाला संधी?
भाजपकडून आगामी विधानसभा निवडणुकीसाठी दुसरी यादी जाहीर करण्यात आली आहे. भाजपने दुसऱ्या यादीत एकूण 22 उमेदवारांना संधी देण्यात आली आहे.
MAHARASHTRA BJP 2ND LIST
-
-
ठाणे राज्य उत्पादन शुल्क विभागाची मुंबऱ्यात सर्वात मोठी कारवाई
ठाणे राज्य उत्पादन शुल्क विभागाने मुंबऱ्यात सर्वात मोठी कारवाई केली आहे. विधानसभा निवडणुकीआधी 18 लाख रुपयांचा मद्यसाठा जप्त करण्यात आला आहे. सिल्वासा वरून मुंब्रा परिसरात एका ट्रकमध्ये चोर कप्पा तयार करून विदेशी दारूची तस्करी सुरु होती. ठाणे राज्य उत्पादन शुल्क विभागाने मुंब्रा परिसरात विधानसभा निवडूक आचारसंहिता साठी तैनात केलेल्या भरारी पथकाच्या साहाय्याने 18 लाखांच्या मद्यसाठ्यासह 2 आरोपींना ताब्यात घेतलं आहे.
-
राखीव मतदारसंघात उमेदवार उभे नाही करायचे – जरांगे
राखीव मतदारसंघात उमेदवार उभे नाही करायचे. त्यांच्या हक्काच्या जागा आहेत. दलित, मुस्लीम, मराठा एक होणे गरजेचे आहे. राखीव मतदारसंघातील मराठा कोणाच्या मागे राहणार हे 30 तारखेला ठरणार आहे. 30 तारखेला उमेदवार जाहीर करणार. शक्यतो अपक्ष उमेदवार दिले जाणार नाही अशी घोषणा मनोज जरांगे पाटील यांनी केली आहे.
-
छगन भुजबळ यांच्या विरोधात माणिकराव शिंदे यांना उमेदवारी
मंत्री छगन भुजबळ यांच्या विरोधात माणिकराव शिंदे यांना महाविकास आघाडीकडून उमेदवारी दिली आहे. येवल्यात राष्ट्रवादी काँग्रेस अजित पवार गट विरुद्ध राष्ट्रवादी काँग्रेस शरद पवार गटात होणार लढत.
-
ब्रह्मदेव आले तरी आता माघार नाही, काँग्रेसचे माजी आमदार भाऊ पाटील यांचं वक्तव्य
हिंगोली – ब्रह्मदेव आले तरी आता माघार नाही. मी जसा शब्द पाळला त्याप्रमाणे उद्धव ठाकरे यांनी ही शब्द पाळावा. मला वाऱ्यावर सोडू नय. हिंगोली विधानसभेत महाविकास आघाडीमध्ये बंडखोरी अटळ. ठाकरेंच्या शिवसेनेकडून रूपाली राजेश पाटील यांना उमेदवारी जाहीर झाल्यानंतर काँग्रेसचे माजी आमदार भाऊ पाटील गोरेगावकर नाराज. 29 तारखेला अपक्ष उमेदवारी फॉर्म भरणार.
-
अजित पवार गटाच्या सईताई डहाके यांचा भाजपमध्ये प्रवेश
राष्ट्रवादी काँग्रेस अजित पवार पक्षाच्या सईताई डहाके यांनी मुंबईत प्रदेशाध्यक्ष चंद्रशेखर बावनकुळे यांच्या उपस्थित भाजप मध्ये प्रवेश केला आहे.
-
राष्ट्रीय समाज पक्षाची पहिली 65 नावांची यादी जाहीर
गंगाखेडमधून विद्यमान आमदार रत्नाकर गुट्टे, अहमदपूर माजी आमदार बब्रुवान खंदाडे ,भोकर विधानसभा मतदारसंघात माजी आमदार यांचे चिरंजीव साहेबराव बाबा गोरटकर आशा अनेकांना संधी देण्यात आलीय
-
अमित ठाकरे यांच्यासाठी भाजप आणि शिवसेनेची लॅाबिंग
दिपक केसरकर यांनी सकाळी राज ठाकरे आणि सदा सरवणकर यांची भेट घेतली. भाजपा करणार शिवसेनेची मनधरणी करणार तर शिवसेना सदा सरवणकर यांची मनधरणी करणार आहे.
-
पैठण विधानसभा मतदारसंघातून दत्ता गोरडे यांना उमेदवारी घोषित
पैठण विधानसभा मतदारसंघातून दत्ता गोरडे यांना उमेदवारी घोषित झाली आहे. दत्ता गोरडे यांना शिवसेना ठाकरे गटाने ए बी फॉर्म दिला आहे. लवकरच दत्ता गोरडे भरणार पैठण मतदार संघातून उमेदवारी अर्ज भरणार आहे.
-
हिंगोलीत महाविकास आघाडीत बिघाडी
हिंगोली विधानसभेत महाविकास अघाडीत बिघाडी होण्याची शक्यता आहे. महाविकास अघाडीकडून ठाकरे शिवसेनाला जागा सुटताच काँग्रेसचे माजी आमदार भाऊ पाटील गोरेगावकर समर्थकांची यांनी बैठक घेत वेगळी भूमिका घेण्याचे संकेत दिले.
-
सुधीर पाटील मुख्यमंत्र्यांच्या भेटीला
धाराशीव शिवसेना विभाग संघटक सुधीर पाटील धाराशीव विधानसभेतून तिकीट मिळवण्यासाठी वर्षावर मुख्यमंत्री एकनाथ शिंदे यांच्या भेटीला आले आहे.
-
वर्षा बंगल्यावर बैठकांचे सत्र
मुख्यमंत्री एकनाथ शिंदे यांच्या उपस्थितीत वर्षा बंगल्यावर शिवसेना नेत्यासोबत बैठकांचे सत्र सुरू आहे. विधानसभा निवडणुक रणनिती संदर्भात आज पहाटे ५ वाजेपर्यंत बैठका सुरू होत्या. त्यानंतर आता पुन्हा बैठकांचे सत्र सुरू झाले आहे.
-
थोरात समर्थकांकडून मारहाण
संगमनेर जाळपोळ तोडफोड प्रकरणाची केंद्राने दखल घेतली आहे. केंद्रीय गृहमंत्रालयाकडून या प्रकरणी चौकशीचे आदेश दिले आहेत. थोरात समर्थकांकडून गाड्यांची जाळपोळ अन् तोडफोड करत विखे समर्थकांना मारहाण केली होती.
-
अजित पवारांचा सुजय विखे पाटलांना फोन
अजित पवारांचा सुजय विखे पाटलांना फोन. अजितदादांनी सुजय विखेंची कानउघडणी केल्याची सूत्रांची माहिती. जयश्री थोरातांबद्दल भाजपा नेते वसंतराव देशमुख यांनी केलं होतं वादग्रस्त वक्तव्य.
-
राजकारणात कोणीही संयम सोडता कामा नये – प्रविण दरेकर
“वसंत देशमुख यांनी जे वक्तव्य जयश्री थोरात यांच्याबाबत केलं, त्याचा मी निषेध व्यक्त करतो. राजकारणात कोणीही संयम सोडता कामा नये व्यक्तिगत टीका करता कामा नये, ही आमची संस्कृती नव्हे, याचं भान प्रत्येकाने ठेवायला हवं. सुजय विखे पाटील यांनी देखील या वक्तव्याचा निषेध केलेला आहे. कोणीही या आडून आपलं राजकारण साधू नये” असं प्रविण दरेकर म्हणाले.
-
नारायण राणेंना अहंकार झालेला होता – संदेश पारकर
“मी जिंकण्यासाठी उभा राहिलेलो आहे. माझे कार्यकर्ते फार मेहनत घेत आहेत. नितेश राणेंना सक्षम पर्याय महाविकास आघाडीने दिलाय. एकदा जनतेचा उद्रेक झाल्यानंतर भले-भले या लोकशाहीत पराभूत झाले आहेत. नारायण राणेंना अहंकार झालेला होता, त्यांचा देखील पराभव झालेला आहे” अशी टीका संदेश पारकर यांनी केली.
-
नाना पटोले यांनी sc st यांची माफी मागावी – आशिष शेलार
“नाना पटोले यांनी sc st यांची माफी मागावी. त्यांनी चैत्यभूमीवर जाऊन बाबासाहेब आंबेडकर यांच्यासमोर नतमस्तक व्हावं. आरक्षण काढून टाकू असं अमेरिकेत जाऊन राहुल गांधी बोलले, त्याचं दोन पाऊल पुढे जाऊन समर्थन पटोले यांनी केलं. आरक्षण काँग्रेसने नाही तर संविधानातून मिळालं आहे. समान संधी म्हणजे आरक्षण होय. नाना पटोले यांच्या विधानातून आरक्षण नको असा अर्थ निघतो. त्यांनी महाराष्ट्राची माफी मागावी” असं आशिष शेलार म्हणाले.
-
अमित ठाकरेंना महायुतीचा पाठिंबा?; आशिष शेलार यांचे संकेत काय?
मनसे अध्यक्ष राज ठाकरे यांचे चिरंजीव अमित ठाकरे हे माहीममधून विधानसभा निवडणूक लढवत आहेत. या मतदारसंघातून शिंदे गटाचे सदा सरवणकरही निवडणुकीच्या मैदानात आहेत. मात्र, आशिष शेलार यांनी या मतदारसंघात अमित ठाकरे यांना पाठिंबा देण्याचे संकेत दिले आहेत. महायुतीपुढे आपण हा प्रस्ताव ठेवणार असल्याचं शेलार यांनी स्पष्ट केलं आहे.
-
अखेर महाविकास आघाडीचा फॉर्म्युला ठरला… कोण किती जागा लढणार?
अखेर महाविकास आघाडीचा जागांचा तिढा सुटला आहे. महाविकास आघाडीतील तिन्ही महत्त्वाचे पक्ष प्रत्येकी 90 जागा लढणार आहेत. या नेत्यांनी 90-90-90 चा फॉर्म्युला ठरवला आहे. तर मित्र पक्षांसाठी 18 जागा सोडण्यात आल्या आहेत.
-
उद्धव ठाकरे आणि बाळासाहेब थोरात यांच्यात खलबते; मातोश्रीत काय घडतंय
काँग्रेस नेते बाळासाहेब थोरात हे मातोश्रीवर उद्धव ठाकरे यांच्या भेटीला आले आहेत. या दोन्ही नेत्यांमध्येच चर्चा होणार आहे. विदर्भातील काही जागांचा तिढा बाकी आहे. या जागांवर दोन्ही नेत्यांमध्ये चर्चा होणार असल्याचं सांगितलं जात आहे.
-
हिंगोली विधानसभेत महाविकास अघाडीत बिघाडी होण्याची शक्यता?
हिंगोली विधानसभा मतदारसंघात आघाडीत बिघाडी होण्याची शक्यता आहे. महाविकास आघाडीकडून ठाकरे गटाला हिंगोलीची जागा सुटली आहे. त्यामुळे काँग्रेसचे माजी आमदार भाऊ पाटील गोरेगावकर नाराज झाले असून त्यांनी समर्थकांशी तातडीची बैठक बोलावली आहे. भाऊ पाटील गोरेगावकर यांच्या निवासस्थानी त्यांच्या कार्यकर्त्यांची मोठी गर्दी झाल्याने गोरेगावकर काय निर्णय घेतात याकडे सर्वांचं लक्ष लागलं आहे.
-
काँग्रेसचे सर्वात ज्येष्ठ नगरसेवक बंडाच्या तयारीत; तिकीट न मिळाल्याने नाराज?
काँग्रेसचे ज्येष्ठ नगरसेवक रवी राजा बंडाच्या तयारीत असल्याची सूत्रांची माहिती आहे. रवी राजा यांनी सायन कोळीवाडा विधानसभा मतदारसंघातून उमेदवारी मागितली होती. पण त्यांना उमेदवारी नाकारण्यात आली. त्यांच्या ऐवजी काँग्रेसने आज गणेश यादव यांना उमेदवारी दिली आहे. त्यामुळे रवी राजा हे नाराज झाले असून उद्या कार्यकर्त्यांशी चर्चा करून निर्णय घेणार असल्याचं सांगितलं जात आहे. रवी राजा हे काँग्रेसचे ज्येष्ठ नेते आहेत. पाच टर्म ते नगरसेवक आहेत.
-
गुलाबी कोट आणि एलईडी व्हॅन…. अजितदादांचा निवडणूक प्रचाराचा नवा फंडा
अजितदादा गटाने हायटेक प्रचार करण्यास सुरुवात केली आहे. अजितदादा गटाची एलईडी व्हॅन राष्ट्रवादी उमेदवारांच्या मतदारसंघात जाणार आहे. उपमुख्यमंत्री अजित पवार यांनी या व्हॅनचं आज उद्घाटन केलं. व्हॅनच्या माध्यमातून महाराष्ट्र सरकारच्या महायुतीच्या लोककल्याणकारी योजना, लाडकी बहीण योजनेमार्फत अडीच कोटी महिलांना दिलेला लाभ, शेतीपंपाची वीज माफी, मुलींच्या शिक्षणाचा शंभर टक्के खर्च उचलण्याचा क्रांतिकारी निर्णय अशा अनेक योजना या मार्फत जनतेपर्यंत मतदारांपर्यंत पोहोचवण्याचे काम हा आमचा प्रयत्न आहे, अशी माहिती खासदार सुनील तटकरे यांनी दिली.
-
वरळी कुणाची? शिंदे गटाची की भाजपची?, तिढा सुटेना
वरळी विधानसभा मतदारसंघातून शिंदे गटाकडून मिलिंद देवरा लढणार असल्याचं सांगितलं जात आहे. शिवसेनेची ही परंपरागत सीट आहे. पण या जागेवर भाजपने दावा केला आहे. त्यामुळे महायुतीत तिढा वाढला आहे. वरळीतून लढण्यासाठी इच्छूक असलेले भाजपचे नेते संतोष पांडे वर्षा बंगल्यावर दाखल झाले आहेत. त्यामुळे वरळीचं काय होणार? याकडे सर्वांचं लक्ष लागलं आहे.
-
मुंबईतल्या काही जागांचा तिढा सुटता सुटेना… महायुतीच्या निर्णयाकडे लक्ष
महायुतीत मुंबईतील काही जागांचा तिढा अद्यापही सुटता सुटताना दिसत नाहीये. वर्सोवा, अंधेरी पूर्व, शिवडी, वरळी, कलिना आणि चेंबूरची जागाही एकनाथ शिंदे गटाला हवी आहे. युतीत या जागा शिवसेनेकडेच होत्या. ज्या जागावर शिवसेनेकडे उमेदवार नाही त्या जागेवर उमेदवार आयात करून जागा लढण्याची शिवसेनेची तयारी आहे. तर दुसरीकडे भाजपला हवीय शिवडी, वर्सोवा आणि चेंबूरची जागा हवी आहे. त्यामुळे दोन्ही पक्षाचा दावा असलेल्या जागांचा पेच आज तरी सुटणार का हे पाहण महत्वाचं ठरेल.
-
शिरोळ मतदार संघातून काँग्रेसकडून गणपतराव पाटील यांची उमेदवारी जाहीर
गणपतराव पाटील हे शिरोळच्या दत्त सहकारी साखर कारखान्याचे चेअरमन आणि काँग्रेसचे माजी आमदार आप्पासाहेब उर्फ सारे पाटील यांचे सुपुत्र आहेत. महाविकास आघाडी मध्ये शिरोळ ची जागा काँग्रेसला मिळावी यासाठी सतेज पाटील यांच्याकडून प्रयत्न सुरू होते
-
संजय राऊत यांचा महायुतीला चिमटा
बाळासाहेब थोरात हे मातोश्रीवर कधीही येऊ शकतात आम्हीपण त्यांच्याकडे जाऊ शकतो. मी सुद्धा शरद पवार व जयंत पाटील यांच्याकडे बसून चर्चा केली .288 जागेवरती प्रश्न निर्माण होतो महाराष्ट्र मोठे राज्य आहे इतर राज्य प्रमाणे नाही तीन पक्ष प्रमुख आहेत, असा चिमटा त्यांनी काढला.
-
जयश्री मला बहिणीसारखीच -सुजय विखे पाटील
मला माझ्या कार्यकर्त्यांचा जीव महत्वाच आहे. त्यांचे भविष्य महत्वाचे , मी काल एक फोन केला असता तर चार पट माणसे आली असतील. मुद्दयावर बोला , नाही तर मी अधिकृतपणे सांगतो सहन करणार नाही. गणेशच्या विजयी मिरवणुकीत काय काय बोलले. 23 तारखेला मतपेटी बाहेर येताच कळेल एक लाखांच मताधिक्य आपणास मिळेल. मी ते भाषण थांबवल असत मात्र ती घटना अचानक घडली. जयश्री मला बहिणीसारखीच आहे. कोणी कार्यकर्त्यांनी देखील बोलू नये, असे सुजय विखे पाटील यांनी सांगितले.
-
काँग्रेसची दुसरी यादी जाहीर
काँग्रेस पक्षाने त्यांची दुसरी यादी जाहीर केली. पहिल्या यादीत ज्यांना स्थान मिळाले नव्हते, त्यातील काही जणांचा दुसर्‍या यादीत समावेश आहे. अशी आहे यादी…
-
लोणीत वातावरण तापले
भाजप कार्यकर्ते आणि विखे पाटील समर्थकांवर काँग्रेस कार्यकर्त्यांनी हल्ला केल्याचा आरोप करण्यात येत आहे. हल्ल्याच्या निषेधार्थ लोणी येथे विखे समर्थकांकडून निषेध सभा घेण्यात येत आहे. मोठ्या संख्येने कार्यकर्ते एकवटले आहेत.सुजय विखे पाटील , त्यांच्या मातोश्री शालिनीताई विखे पाटील यांचीही निषेध सभेस उपस्थिती आहे.
-
15 लाख रुपये सापडले
कराडहून साताऱ्याकडे जाणाऱ्या कारमध्ये 15 लाख रुपये सापडले. तासवडे टोल नाक्यावर कारची तपासणी करत असताना रक्कम सापडली. ही बोलेरो कार गुजरात पासिंगची असल्याचे समोर आले आहे. पुढील तपास सुरू आहे.
-
मुंबईवर येऊन अडलं महायुतीचं घोडं
महायुतीने जागा वाटपात आघाडी घेतली आहे. पण महायुतीचं गाडी मुंबईवर येऊन अडकली आहे. मुंबईतील काही जागांवर अजूनही एकमत झाले नसल्याचे चित्र आहे.
-
Maharashtra News: माझी गाडी जाळणार अशी मला आधीच माहिती मिळाली – सुजय विखे
माझी गाडी जाळणार अशी मला आधीच माहिती मिळाली… माझ्या मार्गावर जमाव येणार अशी माहिती मला मिळाली… आमच्या लोकांच्या गाडीची तोडफोड करण्यात आली… कालचा राडा आधीच ठरवून झाला होता… असं वक्तव्य देखील सुजय विखे यांनी केलं आहे.
-
Maharashtra News: मविआत उत्तम समन्वय, 90 – 90 – 90 जागांचा फॉर्म्युला – संजय राऊत
नाना पटोलेंसोबत माझा चांगला संवाद सुरू… मविआत उत्तम समन्वय, 90 – 90 – 90 जागांचा फॉर्म्युला… 175 जागा जिंकून मविआ सरकार बनवेल… नांदेड उत्तर, हिंगोलीच्या जागेबाबत पटोलेंशी चर्चा… संजय राऊत यांचं वक्तव्य
-
Maharashtra News: इचलकरंजी विधानसभामध्ये महायुतीमध्ये बिघाडी
अजित पवार गटाचे राष्ट्रवादीचे नेते विठ्ठल चोपडे यांनी आपला प्राथमिक अर्ज दाखल केला… राष्ट्रवादीच्या सर्व पदांचा दिला राजीनामा आणि अपक्ष उमेदवार म्हणून लढणार विठ्ठल चोपडे… 28 तारखेला आपला अपक्ष उमेदवारी अर्ज विठ्ठल चोपडे करणार दाखल… महायुतीला मोठा धक्का आणि अजित पवार गटालाही मोठा धक्का
-
Maharashtra News: कराडहून साताऱ्याकडे जाणाऱ्या कारमध्ये सापडले 15 लाख
कराडहून साताऱ्याकडे जाणाऱ्या कारमध्ये सापडले 15 लाख… तासवडे टोल नाक्यावर कारची तपासणी करत असताना सापडली रक्कम… बलेरो कार गुजरात पासिंगची… पैसे नेमके कशाचे याचा तपास सुरु…
-
Maharashtra News: तिरुपती कदम कोडेंकर जरांगे पाटलांच्या भेटीला
तिरुपती कोंडेकर आहेत नांदेडच्या भोकर विधानसभा मतदारसंघाचे काँग्रेसचे उमेदवार… भोकर विधानसभा मतदारसंघात अशोक चव्हाण यांच्या कन्या श्रीजया चव्हाण आहेत भाजपाकडून उमेदवार…
-
शिरूर हवेली विधानसभा मतदारसंघात महायुतीत बंडखोरी?
शिरूर हवेली विधानसभा मतदारसंघात प्रदीप कंद रिंगणात? शिरूर हवेलीत महायुतीत बंडखोरीची शक्यता आहेत. पुणे जिल्हा परिषदेचे माजी अध्यक्ष, भाजप नेते प्रदीप कंद अपक्ष लढण्याच्या तयारीत आहेत. शिरूर हवेली विधानसभा मतदारसंघ भारतीय जनता पार्टीचा पारंपारिक मतदार संघ असल्याची कार्यकर्त्यांची भावना आहे. कार्यकर्त्यांशी चर्चा करून घेणार निर्णय आहे, असं प्रदीप कंद म्हणालेत. लोकसभेला ही प्रदीप कंद यांना इच्छुक आहेत. पण उमेदवारी न मिळाल्याने काहीही झालं तरी आता लढायचं असा कार्यकर्त्यांनी निर्धार केला आहे. त्यामुळे शिरूर हवेली विधानसभा मतदार संघात महायुतीच्या घटक पक्षांमध्ये मैत्रीपूर्ण लढत होणार का? याकडे लक्ष आहे.
-
सोलापूर दक्षिणच्या जागेवरून मविआत रस्सीखेच
शिवसेना ठाकरे गटाचे उपनेते शरद कोळी यांनी काँग्रेस नेत्यांना आवाहन केलं आहे. सोलापूर दक्षिणची जागा शिवसेनेचीच असून शिवसनेनेचे अमर पाटीलच निवडणूक लढवणार आहेत. काँग्रेस नेते दिलीप मानेंच्या दबावानंतर शिवसेना उपनेते शरद कोळी आक्रमक झाले आहेत. काँग्रेसकडून दबावतंत्राचा वापर केला जातोय मात्र दक्षिण सोलापूरची जागा शिवसेना लढणार आहेत. काँग्रेसवाल्यांनी महाविकास आघाडीमध्ये बिघाडी होईल अशी कृत्य करू नये. येत्या सोमवारी महाविकास आघाडी शिवसेनेचे उमेदवार अमर पाटील हे उमेदवारी अर्ज दाखल करणार आहे, असं शरद कोळी म्हणालेत.
-
नांदेडमधील काँग्रेसमधील उमेदवार जरांगेंच्या भेटीला
तिरुपती कदम कोडेंकर मनोज जरांगे पाटलांच्या भेटीला पोहोचले आहेत. तिरुपती कोंडेकर आहेत नांदेडच्या भोकर विधानसभा मतदारसंघाचे काँग्रेसचे उमेदवार आहेत. भोकर विधानसभा मतदारसंघात अशोक चव्हाण यांच्या कन्या श्रीजया चव्हाण आहेत भाजपकडून उमेदवार आहेत.
-
रावेरमध्ये भाजप विरुद्ध काँग्रेस लढत
रावेरमध्ये सध्या भाजप विरुद्ध काँग्रेस अशा लढत होत आहे. भाजपाचे अमोल जावळे विरुद्ध काँग्रेसचे धनंजय चौधरी अशी लढत होत आहे. स्वर्गीय हरिभाऊ जावळे माजी खासदार माजी आमदार यांचे चिरंजीव अमोल जावळे यांना भाजपकडून उमेदवारी देण्यात आले आहे. तर काँग्रेसचे विद्यमान आमदार शिरीष चौधरी यांचा मुलगा धनंजय चौधरी येथे रिंगणात आहे.
-
संभाजीराजे मनोज जरांगे पाटलांच्या भेटीला
स्वराज्य पक्षाचे अध्यक्ष छत्रपती संभाजीराजे आज मनोज जरांगे पाटील यांची भेट घेणार आहे. संभाजीराजे पुण्याहून छत्रपती संभाजीनगरकडे रवाना झालेत. संभाजीराजे छत्रपती संभाजीनगरहुन अंतरवाली जाणार आहेत. विधानसभा निवडणुकीच्या पार्श्वभूमीवर संभाजीराजे आणि जरांगे पाटील यांच्यामध्ये चर्चा होणार आहे. संभाजीराजे तिसऱ्या आघाडी महाशक्तीचे प्रमुख नेते आहेत.
Published On - Oct 26,2024 9:09 AM
