Maharashtra Corona Update | राज्यात दिवसभरात 2,598 रुग्णांची भर, आकडा 59,546 वर

मुंबई : राज्यात आज दिवसभरात तब्बल 2 हजार 598 नव्या कोरोना रुग्णांची भर पडली आहे. त्यामुळे महाराष्ट्रातील कोरोनाबाधितांची संख्या आता 59 हजार 546 वर पोहोचली आहे. तर आज दिवसभरात 85 कोरोना (Maharashtra Corona Cases) रुग्णांचा मृत्यू झाला आहे. त्यामुळे कोरोनाबळींची संख्या 1 हजार 982 वर पोहोचली आहे. तर दिवसभरात 698 रुग्णांना डिस्चार्ज देण्यात (Maharashtra Corona Cases) आला आहे.

राज्यात आतापर्यंत 18 हजार 616 रुग्ण बरे होऊन घरी गेले आहेत. तर सध्या 38 हजार 939 रुग्णांवर उपचार सुरु आहेत. राज्यात आज 85 कोरोनाबाधित रुग्णांच्या मृत्यूची नोंद झाली आहे. त्यामुळे एकूण कोरोनाबळींची संख्या 1982 इतकी झाली आहे.

आज झालेल्या 85 मृत्यूपैकी 37 मृत्यू हे मागील दोन दिवसांतील आहेत. तर इतर मृत्यू हे 15 ते 25 मे दरम्यानचे आहेत. यापैकी मुंबईचे 22, सोलापूरचे 5, अकोल्याचे 4, औरंगाबादचे 3, साताऱ्यातील 3, ठाण्यातील 3, वसई-विरारमधील 3, जळगावातील 1, नांदेडमधील 1, नवी मुंबईतील 1, पुण्यातील 1 आणि रायगडमधील एकाचा समावेश आहे.

राज्यात आज 2598 कोरोना रुग्णांची वाढ, महाराष्ट्रातील एकूण रुग्णांची संख्या 59 हजार 546 वर, दिवसभरात 85 रुग्णांचा मृत्यू तर 698 रुग्णांना डिस्चार्ज pic.twitter.com/VmFoybzQh0

— TV9 Marathi (@TV9Marathi) May 28, 2020

मुंबईत कोरोनाबाधितांचा आकडा 35 हजारांच्या पार

मुंबईत दिवसभरात 1467 नवीन कोरोना रुग्णांची भर पडली आहे. त्यामुळे मुंबईतील कोरोना रुग्णांची संख्या ही 35 हजार 485 वर पोहोचली आहे. तर आज दिवसभरात 38 जणांचा कोरोनामुळे मृत्यू झाला आहे. त्यामुळे मुंबईतील कोरोनाबळींची संख्या 1135 वर पोहोचली आहे (Maharashtra Corona Cases).

पुण्यात 5 हजार 851 कोरोनाबाधित

दिवसभरात पुण्यात 318 पॉझिटिव्ह रुग्णांची वाढ झाली आहे. त्यामुळे पुण्यातील कोरोनाबाधितांची संख्या आता 5 हजार 851 वर पोहोचली आहे. तर आज दिवसभरात 205 रुग्णांना डिस्चार्ज देण्यात आला आहे. आज पुण्यात 10 कोरोनाबाधित रुग्णांचा मृत्यू झाला आहे. त्यामुळे मृतांची संख्या 293 झाली आहे.

राज्यातील कोरोनाबाधित रुग्णांची अद्ययावत आकडेवारी

Maharashtra Corona Cases

संबंधित बातम्या :

Kolhapur Corona | कोल्हापुरात आतापर्यंत 1 लाख नागरिकांचा प्रवेश, सर्वाधिक कोणत्या जिल्ह्यातून?

आधी शिवसेना खासदाराकडून घर, आता राष्ट्रवादीच्या आमदाराकडून दुमजली बंगला क्वारंटाईनसाठी जाहीर

Kolhapur Corona | कोल्हापुरातील डोंगराळ आणि गवताळ शाहूवाडी तालुक्यात कोरोना कसा पोहोचला?

Shirdi Corona | भाजी विक्रेत्या महिलेला कोरोना, संपूर्ण गाव होम क्वारंटाईन