Maharashtra Corona Update : राज्यात कोरोनाचा कहर सुरुच, दिवसभरात 40 हजारापेक्षा अधिक रुग्ण, 20 रुग्णांचा मृत्यू

कोरोना विषाणू

मुंबई : राज्यात कोरोनाचा कहर (Corona Outbreak) सुरु असल्याचं पाहायला मिळत आहे. दिवसेंदिवस कोरोना रुग्णांची (Corona Patients) संख्या झपाट्याने वाढतेय. राज्यातील आजचा आकडा तर चिंता अधिक वाढवणारा आहे. राज्यात आज दिवसभरात 40 हजार 925 नवे कोरोना रुग्ण आढळून आले आहेत. तर 14 हजार 256 रुग्ण पूर्णपणे कोरोनामुक्त झाले आहे. दिवसभरात राज्यात 20 रुग्णांचा मृत्यू झाल्याची माहिती आरोग्य विभागाकडून देण्यात आली आहे.

आरोग्य विभागानं दिलेल्या माहितीनुसार राज्यात सक्रिय कोरोना रुग्णांची संख्या 1 लाख 41 हजार 492 आहे. राज्यात आतापर्यंत 68 लाख 34 हजार 222 कोरोना रुग्ण आढळून आले. त्यापैकी 65 लाख 47 हजार 410 रुग्ण कोरोनामुक्त झाले तर 1 लाख 41 हजार 614 जणांचा कोरोनामुळे मृत्यू झाला. राज्यात सध्या 7 लाख 42 हजार 684 जण होम क्वारंटाईन आहेत, तर 1 हजार 463 जण कोविड सेंटरमध्ये आहेत. राज्यात कोरोना रुग्ण बरे होण्याचं प्रमाण 95.8 टक्के आहे. तर मृत्यू दर हा 2.7 टक्क्यांवर आहे.

मुंबईत सलग दुसऱ्या दिवशी 20 हजारापेक्षा अधिक रुग्ण

मुंबई महापालिकेकडून देण्यात आलेल्या माहितीनुसार मुंबईत आज 20 ङजार 971 कोरोना रुग्ण आढळून आले आहेत. तर 8 हजार 490 रुग्ण पूर्णपणे कोरोनामुक्त झाले आहे. मुंबई शहरात सध्या 91 हजार 731 सक्रिय कोरोना रुग्ण आहेत. तर मुंबईतील रुग्ण बरे होण्याचं प्रमाण 87 टक्क्यांवर आहे.

मुंबईची आठवडाभरातील आकडेवारी चिंताजनक

महापौर किशोरी पेडणेकर यांनी काल ट्वीटरद्वारे मुंबईतील आठवडाभराची कोरोना आकडेवारी दिली होती. त्यात मुंबईतील कोरोना रुग्णांची संख्या कशाप्रकारे वाढत गेली हे स्पष्ट दिसतं. त्यामुळे धोका दिवसागणिक वाढतो आहे. नियम पाळा. मास्क लावा, सॅनिटायझर वापरा, सुरक्षित अंतर ठेवा. तिसरी संभाव्य लाट थोपवणे आपल्याच हाती आहे, असं आवाहन त्यांनी केलं आहे.

इतर बातम्या :

Maharashtra Corona Update : राज्यात कोरोनाचा कहर सुरुच; मॉल, चित्रपटगृहांवर पुन्हा निर्बंध?

नाना पटोलेंविरोधात गावोगाव तक्रारी दाखल करा, चंद्रकांत पाटलांचा कार्यकर्त्यांना आदेश, वाद पेटणार?