Maharashtra Corona Update : राज्यात दिवसभरात 3 हजार 307 नवे कोरोना रुग्ण, बाधितांचा आकडा 1 लाख 16 हजार 752 वर

मुंबई : राज्यात कोरोना रुग्णांची संख्या दररोज वाढत आहे (Maharashtra Corona Update). कोरोनावर मात करणाऱ्या रुग्णांची संख्या वाढत असली तरी दररोज दोन ते तीन हजार नवे कोरोनाबाधित रुग्ण आढळत आहेत. राज्यात आज (17 जून) दिवसभरात 3 हजार 307 नवे कोरोनाबाधित रुग्ण आढळले आहेत. त्यामुळे राज्यातील कोरोनाबाधितांचा आकडा 1 लाख 16 हजार 752 वर पोहोचला आहे (Maharashtra Corona Update).

राज्यात आज दिवसभरात 1 हजार 315 रुग्णांनी कोरोनावर मात केली. त्यामुळे त्यांना रुग्णालयातून डिस्चार्ज देण्यात आला. राज्याचा कोरोना रिकव्हरी रेट 50.68 टक्क्यांवर पोहोचला आहे. राज्यात आतापर्यंत 59 हजार 166 रुग्ण बरे झाले आहेत. तर 51 हजार 921 रुग्णांवर उपचार सुरु आहे, अशी माहिती आरोग्यमंत्री राजेश टोपे यांनी दिली.

राज्यात आज दिवसभरात 114 कोरोनाबाधित रुग्णांच्या मृत्यूची नोंद झाली. यामध्ये 88 पुरुष तर 26 महिला रुग्णांचा समावेश आहे. राज्यात आतापर्यंत एकूण 5 हजार 651 रुग्णांचा कोरोनाने मृत्यू झाला आहे. आज नोंद झालेल्या 114 मृत्यूपैकी 60 वर्षे किंवा त्यावरील 76 रुग्ण आहेत, तर 30 रुग्ण हे वय वर्षे 40 ते 59 या वयोगटातील आहेत. याशिवाय 8 रुग्ण 40 वर्षांखालील आहे. या 114 रुग्णांपैकी 84 जणांमध्ये (73.6 टक्के) मधुमेह, उच्चरक्तदाब, हृदयरोग, अशा स्वरुपाचे अतिजोखमीचे आजार आढळले आहेत.

5 लाख 82 हजार 699 नागरिक होम क्वारंटाईनमध्ये

राज्यात सध्या 55 शासकीय आणि 43 खाजगी अशा एकूण 98 प्रयोगशाळा कोरोना निदानासाठी कार्यरत आहेत. आजपर्यंत पाठविण्यात आलेल्या 7 लाख 954 नमुन्यांपैकी 1 लाख 16 हजार 752 नमुने पॉझिटिव्ह (16.65 टक्के) आले आहेत. राज्यात 5 लाख 82 हजार 699 नागरिक होम क्वारंटाईनमध्ये आहेत. राज्यात 1555 संस्थात्मक क्वारंटाईन सुविधांमध्ये 80 हजार 545 खाटा उपलब्ध असून सध्या 27 हजार 582 लोक संस्थात्मक क्वारंटाईनमध्ये आहेत.

राज्यात कुठे किती रुग्ण?