Maharashtra Corona Update | राज्यात दिवसभरात 4634 कोरोनाबाधितांना डिस्चार्ज, तर 6603 नव्या रुग्णांची भर

मुंबई : राज्यात आज (8 जुलै) दिवसभरात 6 हजार 603 नवे कोरोनाबाधित रुग्ण आढळले आहेत (Maharashtra Corona Update). त्यामुळे राज्यातील कोरोनाबाधितांचा आकडा 2 लाख 23 हजार 724 वर पोहोचला आहे. महाराष्ट्रात दररोज कोरोना रुग्णांची संख्या वाढत आहे. कोरोनावर मात करणा्ऱ्या रुग्णांची संख्या वाढत असली तरीही कोरोना रुग्णांची वाढती संख्या चिंता वाढवणारी आहे (Maharashtra Corona Update).

दिवसभरात 4634 कोरोनाबाधितांना डिस्चार्ज

राज्यात आज दिवसभरात 4 हजार 634 रुग्णांनी कोरोनावर मात केली. त्यामुळे त्यांना रुग्णालयातून डिस्चार्ज देण्यात आला. राज्यात आतापर्यंत 1 लाख 23 हजार 192 रुग्ण बरे झाले आहेत. त्यामुळे राज्यात कोरोना रुग्णांचं बरे होण्याचं प्रमाण 55.06 टक्क्यांवर पोहोचलं आहे. राज्यात सध्या 91 हजार 65 रुग्णांवर उपचार सुरु आहे.

TOP 9 | लोकल ते ग्लोबल, सर्व बातम्या एकत्र, पाहा टॉप 9 न्यूज!

कोरोमामुळे दिवसभरात 198 रुग्णांचा मृत्यू

राज्यात कोरोमामुळे आज दिवसभरात 198 रुग्णांचा मृत्यू झाला. यामध्ये फक्त मुंबईतीलच 62 रुग्णांचा समावेश आहे. राज्याचा कोरोना मृत्यूदर हा 4.22 टक्के एवढा आहे.

राज्यात 6 लाख 38 हजार 762 नागरिक होम क्वारंटाईन

राज्यात आजपर्यंत पाठविण्यात आलेल्या 11 लाख 91 हजार 549 नमुन्यांपैकी 2 लाख 23 हजार 724 नमुने पॉझिटिव्ह (18.77 टक्के) आले आहेत. राज्यात 6 लाख 38 हजार 762 नागरिक होम क्वारंटाईनमध्ये आहेत. तर सध्या 47 हजार 72 नागरिक संस्थात्मक क्वारंटाईनमध्ये आहेत.

राज्यात आज 6603 कोरोना बाधीत रुग्णांची वाढ झाली व एकूण संख्या आता 223724 अशी झाली आहे. आज नवीन 4634 कोरोना बाधित रुग्ण बरे झाले आहेत. एकूण 123192 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 91065 ऍक्टिव्ह रुग्ण आहेत.#CoronaVirusUpdates #MeechMazaRakshak

— Rajesh Tope (@rajeshtope11) July 8, 2020

राज्यात कुठे किती रुग्ण?