Maharashtra Corona Update | राज्यात दिवसभरात 5368 नवे कोरोनाबाधित, तर गेल्या चार दिवसात 15 हजार रुग्णांना डिस्चार्ज

मुंबई : राज्यात आज (6 जुलै) दिवसभरात 5 हजार 368 नवे कोरोनाबाधित रुग्ण आढळले आहेत (Maharashtra Corona Update). त्यामुळे राज्यातील कोरोनाबाधितांचा आकडा 2 लाख 11 हजार 987 वर पोहोचला आहे. महाराष्ट्रात दररोज कोरोना रुग्णांची संख्या वाढत आहे. कोरोनावर मात करणा्ऱ्या रुग्णांची संख्या वाढत असली तरीही कोरोना रुग्णांची वाढती संख्या चिंता वाढवणारी आहे (Maharashtra Corona Update).

राज्यात आज दिवसभरात 3 हजार 522 रुग्णांनी कोरोनावर मात केली. त्यामुळे त्यांना रुग्णालयातून डिस्चार्ज देण्यात आला. विशेष म्हणजे गेल्या चार दिवसात 15 हजार रुग्ण बरे झाले आहेत. याशिवाय राज्यात आतापर्यंत 1 लाख 15 हजार 262 रुग्ण बरे झाले आहेत. त्यामुळे राज्यात कोरोना रुग्णांचं बरे होण्याचं प्रमाण 54.37 टक्क्यांवर पोहोचलं आहे. राज्यात सध्या 87 हजार 681 रुग्णांवर उपचार सुरु आहे.

TOP 9 | लोकल ते ग्लोबल, सर्व बातम्या एकत्र, पाहा टॉप 9 न्यूज!

राज्यात कोरोमामुळे आज दिवसभरात 204 रुग्णांचा मृत्यू झाला. यामध्ये फक्त मुंबईतील 39 तर नवी मुंबईतील 28 रुग्णांचा समावेश आहे. राज्याचा कोरोना मृत्यूदर हा 4.26 टक्के एवढा आहे.

राज्यात आजपर्यंत पाठविण्यात आलेल्या 11 लाख 35 हजार 447 नमुन्यांपैकी 2 लाख 11 हजार 987 नमुने पॉझिटिव्ह (18.67 टक्के) आले आहेत. राज्यात 6 लाख 15 हजार 265 नागरिक होम क्वारंटाईनमध्ये आहेत. तर सध्या 46 हजार 355 नागरिक संस्थात्मक क्वारंटाईनमध्ये आहेत.

राज्यात आज 5368 कोरोना बाधीत रुग्णांची वाढ झाली व एकूण संख्या आता 211987 अशी झाली आहे. आज नवीन 3522 कोरोना बाधित रुग्ण बरे झाले आहेत. एकूण 115262 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 87681 ऍक्टिव्ह रुग्ण आहेत.#CoronaVirusUpdates #MeechMazaRakshak

— Rajesh Tope (@rajeshtope11) July 6, 2020

राज्यात कुठे किती रुग्ण?