Maharashtra New CM Government Formation LIVE : मंत्रिमंडळात समावेश करण्यासाठी आमदारांचे लॉबिंग
Maharashtra New CM Government Formation LIVE : महाराष्ट्रातील सत्तास्थापनेच्या हालचालींना वेग आला आहे. महाराष्ट्राचे नवे मुख्यमंत्री कोण असणार? याबाबतची उत्सुकता लोकांच्या मनात आहे. अशातच महायुतीच्या नेत्यांची बैठक आज दिल्लीत होणार आहे. याबाबतचे ताजे अपडेट्स...
LIVE NEWS & UPDATES
-
Maharashtra News: कृष्णा नदी पुलावरून भरधाव गाडी कोसळून तीन जण ठार,तर 2 जण गंभीर जखमी
सांगलीच्या अंकली येथील कृष्णा नदी पुलावरून भरधाव गाडी कोसळून तीन जण ठार,तर 2 जण गंभीर जखमी… रात्री एकच्या सुमारास कोल्हापूरहून सांगलीकडे येताना अपघात… लग्न सोहळा आटपून सांगलीकडे येताना गाडीवरील ताबा सुटल्याने गाडी थेट नदीपात्रात कोसळली… मृतांमध्ये दोन महिला आणि पुरुषाचा समावेश….
-
Maharashtra News: दक्षिण सोलापूर तालुक्यातील बोरामणी ग्रामपंचायतीवर राष्ट्रवादी अजित गटाचा झेंडा
दक्षिण सोलापूरच्या राष्ट्रवादी अजितदादा गटाच्या तालुकाध्यक्ष अरुणा राज साळुंखे यांची सरपंचपदी निवड झालीय… एकीकडे राज्यात महायुतीने जोरदार विजय प्राप्त केल्यानंतर दुसरीकडे राष्ट्रवादी काँग्रेस पक्षाने बोरामणी ग्रामपंचायतीवर झेंडा फडकवलाय… या निवडीनंतर बोरामणी ग्रामस्थांनी गुलाल उधळत जल्लोष केलाय… बोरामणी ग्रामपंचायत ही दक्षिण सोलापूर तालुक्यातील मोठी ग्रामपंचायत मानली जाते…. आगामी काळात महिला सक्षमीकरणासोबत गावातील प्रलंबित विकासकामे मार्गी लावणार असल्याचे नूतन सरपंच अरुणा साळुंखे यांनी सांगितले…
-
-
आळंदीत राज्यभरातून दिंड्या दाखल
संत ज्ञानेश्वर माऊलींच्या समाधी सोहळ्याला काही अवधी उरलेला आहे. त्याआधी आळंदी नगरीत राज्याच्या कानाकोपऱ्यातून अनेक दिंड्या दाखल झालेले आहे याच दिंड्या आता इंद्रायणी नदी घाटावरून मंदिर प्रदक्षिणा घालताना पाहायला मिळत आहे.
-
देवेंद्र फडणवीस मुख्यमंत्री झाले तर त्यांचे स्वागत- संजय राऊत
देवेंद्र फडणवीस मुख्यमंत्री झाले तर त्यांचे स्वागत आहे. कारण मुख्यमंत्री हे राज्याचे असतात, एखाद्या पक्षाचे मुख्यमंत्री नसतात.
-
संजय राऊत यांची भाजप, एकनाथ शिंदेवर टीका
एकनाथ शिंदे यांनी यापुढे बाळासाहेब ठाकरे यांचे नाव घेऊ नये, अशी टीका संजय राऊत यांनी केला. भाजपला बहुमत मिळूनही मुख्यमंत्री होत नाही, याबद्दल त्यांनी टीका केली.
-
-
अभिनेत्री आर्या घारेकडून संजीवनी सोहळ्याचे फोटो शेअर
संत ज्ञानेश्वर महाराज यांच्या 728 वा संजीवन सोहळा पार पडत आहे. हा संजीवन समाधी सोहळा याची देही याची डोळा अनुभवण्यासाठी राज्याच्या कानाकोपऱ्यातून वारकरी आळंदीत दाखल झाले. या वारकऱ्यांची विविध पैलू सोशल मीडियावर आघाडीची अभिनेत्री आर्या घारे शेअर करत आहेत.
-
मुंबईतील हवेची गुणवत्ता खराब
मुंबईत हवेची गुणवत्ता पुन्हा खराब झाल्याचे चित्र सध्या दिसत आहे. मुंबईत एक्यूआय हा ११८ वर पोहोचला आहे. मुंबईची हवेची गुणवत्ता सुधारण्यासाठी प्रादेशिक एअरशेड धोरणाची गरज आहे असे अभ्यासकांकडून सांगण्यात येत आहे.
-
-
दत्तात्रय भरणे यांच्यासाठी अजित पवारांना साकडे
राष्ट्रवादी काँग्रेस पक्षाच्या वतीने इंदापूर विधानसभा मतदारसंघातील विजयी उमेदवार दत्तात्रय मामा भरणे यांना मंत्रिमंडळातमध्ये स्थान मिळावे यासाठी आज सोलापुरातील तीन ते चार नगरसेवक आणि कार्यकर्त्यांनी अजित पवार यांच्याकडे पत्र देत प्रमुख मागणी केली.
-
बच्चू कडू राजकीय भूमिका ठरवणार
विधानसभा निवडणुकीच्या पराभवानंतर बच्चू कडू राज्यभरातील प्रमुख पदाधिकाऱ्यांचा आणि कार्यकर्त्यांचा मेळावा घेणार आहेत. बुलढाण्याच्या शेगाव येथे दोन डिसेंबरला राज्यभरातील प्रहारच्या प्रमुख पदाधिकाऱ्यांच्या मेळाव्याचे आयोजन करण्यात आलं आहे. सत्ता की सत्तेच्या बाहेर, झेंडा की सेवा याचा निर्णय बच्चू कडू घेणार आहेत. मेळाव्या माध्यमातून बच्चू कडू आपली भूमिका मांडणार यावेळी पदाधिकाऱ्यांचेही म्हणणं बच्चू कडू एकूण घेणार आहेत. बच्चू कडू यांच्या दोन तारखेच्या निर्णयाकडे राज्याचे लक्ष आहे.
-
निफाडमध्ये पारा 6 अंशावर
निफाड तालुक्याचा किमान तापमानाचा पारा घसरला आहे. ओझर एचएएल इथं 6.6 अंश सेल्सिअस किमान तापमानाची नोंद झाली आहे. तर कुंदेवाडी येथील गहू संशोधन केंद्रातील हवामान विभागात 8 अंश सेल्सिअस किमान तापमानाची नोंद झाली आहे. या थंडीपासून उब मिळवण्यासाठी ठीक-ठिकाणी शेकोट्या पेटल्याचे चित्र पाहवयास मिळत आहे. थंडीत दररोज अशीच वाढ होत राहिल्यास द्राक्ष पिकांना फटका बसण्याची शक्यता आहे.
-
भाजपमधील बंडखोरांच्या घरवापसीला विरोध
भाजपमधील बंडखोरांच्या घरवापसीला विरोध आहे. पक्षश्रेष्ठी वरिष्ठांना अहवाल देणार आहेत. राष्ट्रीय स्वयंसेवक संघाकडून देखील बंडखोरंबाबतचा अहवाल दिला जाणार आहे. निवडणुकीच्या तोंडावर बंडखोरी करणाऱ्यांना धडा शिकवण्याची तयारी आहे. निवडणुकीसाठी अनेकांनी पक्षाशी बंडखोरी केली होती.
-
22 जानेवारीला स्थानिक स्वराज्य संस्थांबाबत सुनावणी
स्थानिक स्वराज्य संस्थांचा निर्णय पुढच्या वर्षी होणार आहे. 22 जानेवारीला सर्वोच्च न्यायालयात सुनावणी होणार आहे. प्रलंबित याचिकांवर सुनावणी घ्यावी या याचिकाकर्त्यांच्या मागणीनंतर अखेर सुप्रीम कोर्टाकडून तारीख देण्यात आली आहे.
महाराष्ट्रच्या सत्ता कारणाचे सर्व अपडेट्स… महाराष्ट्राचे नवे मुख्यमंत्री कोण असणार?, याबाबत राजकीय वर्तुळासह गावच्या पारांवर चर्चा होतेय. अशातच आज अमित शाह यांनी बोलावलेल्या बैठकीत मुख्यमंत्रिपदाबाबत ठोस निर्णय होण्याची शक्यता आहे. तसंच महाराष्ट्राच्या नव्या सरकारचा शपथविधी कधी होणार? हे पाहणं देखील महत्वाचं असणार आहे. या सगळ्या पार्श्वभूमीवर विनोद तावडे आणि अमित शाह यांच्यात चर्चा झाली आहे. या बैठकीत राज्याच्या मुख्यमंत्रिपदी मराठा चेहरा नसल्यास, त्याचे काय परिणाम होतील? या मुद्द्यावरवर या दोघांमध्ये चर्चा झाली आहे. याबाबतचे सर्व अपडेट्स तुम्हाला या ब्लॉगमध्ये वाचायला मिळतील. या सोबतच क्रीडा, मनोरंजन विश्वातील घडामोडी तुम्हाला या ब्लॉगमध्ये वाचायला मिळतील. त्यामुळे दिवसभर आमचा हा लाईव्ह ब्लॉग फॉलो करा.
Published On - Nov 28,2024 8:03 AM
