VIDEO | साचलेल्या पाण्यातून चालताना पाय अडकला, मुंबईत महिला मॅन होलमध्ये पडता-पडता बचावली
डीएन नगर परिसरात संबंधित महिला साचलेल्या पाण्यातून चालत होती. पोटरीभर पाणी असल्यामुळे रस्ते, खड्डे किंवा मॅन होल यांचा अंदाज येत नव्हता. चालता चालता महिलेचा पाय अडकला आणि ती खाली पडली
मुंबई : मुंबईत गुरुवारी रात्रीपासून पावसाचा जोर पाहायला मिळाला. पावसामुळे शहर आणि उपनगरातील अनेक सखल भागात पाणी साचलं आहे. साचलेल्या पाण्यातून चालताना अंदाज न आल्यामुळे अंधेरी भागात एक पादचारी महिला पाय अडकून पडली. सुदैवाने एका महिलेने वेळीच सावरल्याने ती मॅन होलमध्ये पडता-पडता बचावली.
मुंबईत पावसाचा जोर
अंधेरीतील डीएन नगर परिसरात ही घटना घडल्याची माहिती आहे. मुंबईतील अनेक भागात गुरुवारी रात्रीपासून मुसळधार पाऊस झाला. शुक्रवारी सकाळीही पावसाचा जोर कायम राहिल्याने अनेक ठिकाणी पाणी साचलं होतं. पावसाचा जोर ओसरल्यानंतरही पाणी कायम होतं. त्यामुळे सकाळी ऑफिसला जाणाऱ्या मुंबईकरांना साचलेल्या पाण्यातून वाट काढत जावं लागलं.
नेमकं काय घडलं?
डीएन नगर परिसरात संबंधित महिला साचलेल्या पाण्यातून चालत होती. पोटरीभर पाणी असल्यामुळे रस्ते, खड्डे किंवा मॅन होल यांचा अंदाज येत नव्हता. चालता चालता महिलेचा पाय अडकला आणि ती खाली पडली. महिला मॅन होलमध्ये पडण्याची भीती होती, मात्र शेजारुन जाणाऱ्या पादचारी महिलेने तिला उभं राहण्यासाठी वेळीच हात दिला. त्यामुळे मोठा अपघात टळला. या घटनेचा व्हिडीओ समोर आला आहे.
#MumbaiRains | अंधेरी डीएन नगर परिसरात महिला मॅन होलमध्ये पडता-पडता बचावली, पादचारी महिलेने वेळीच हात दिल्याने अपघात टळला@mybmc @KishoriPednekar #Mumbai #Andheri #DN_Nagar #Manhole #BMC pic.twitter.com/1V39QAYYAf
— TV9 Marathi (@TV9Marathi) July 16, 2021
दरम्यान, 2017 मध्ये प्रसिद्ध डॉक्टर दीपक अमरापूरकर यांचा मॅनहोलमध्ये पडून वाहून गेल्याने मृत्यू झाला होता. साचलेल्या पाण्यातून गाडी नेणे शक्य नसल्याने डॉक्टर उतरुन चालू लागले होते. मात्र संध्याकलाच्या वेळी मॅनहोलचा अंदाज न आल्याने ते पडून वाहून गेले. त्यांचा मृतदेह वरळी समुद्र किनारी सापडला होता.
संबंधित बातम्या :
मुंबईत प्रचंड वाहतूक कोंडी, मिठी नदीने धोका पातळी ओलांडली, अंधेरी सब वे बंद
(Mumbai Andheri lady saved from falling in Man Hole while walking in flooded water)
