Bird Flu | संकट वाढले! राज्यातील पाच जिल्ह्यात बर्ड फ्ल्यू; प्रशासन अ‍ॅलर्ट

मुंबई: परभणीपर्यंत मर्यादित असलेलं बर्ड फ्ल्यूचं संकट आता राज्यभर पसरलं आहे. राज्यातील परभणीसह मुंबई, ठाणे, रत्नागिरीतील दापोली आणि बीडमध्ये बर्ड फ्ल्यूची लागण झाल्याचं स्पष्ट झालं आहे. त्यामुळे या पाचही जिल्ह्यातील प्रशासन अ‍ॅलर्ट झालं आहे. (bird flu confirmed in maharashtra’s five districts)

बीड आणि परभणीतील मुरुंबा गावात कोंबड्याचा मृत्यू झाला होता. भोपाळच्या प्रयोगशाळेने दिलेल्या अहवालानुसार या कोंबड्यांचा मृत्यू बर्ड फ्ल्यूने झाल्याचं स्पष्ट झालं आहे. रत्नागिरीतील दापोली आणि मुंबईतील चेंबूरमधील कावळ्यांचा आणि ठाण्यातील पोपटांचा मृत्यू बर्ड फ्ल्यूनेच झाल्याचंही प्रयोगशाळेने दिलेल्या अहवालात नमूद केलं आहे. त्यामुळे प्रशासनाच्या तोंडचे पाणी पळाले असून राज्य शासनाने सतर्कतेचे आदेश दिले आहेत.

परभणीत कोंबड्यांचा मृत्यू बर्ड फ्ल्यूनेच झाल्याचं निदान झाल्यानंतर परभणीतील 80 हजार कोंबड्या मारण्याचे आदेश देण्यात आले आहेत. त्याच धर्तीवर आता बीडमध्येही ज्या परिसरात बर्ड फ्ल्यूने कोंबड्या दगावल्या आहेत, त्या परिसरातील कोंबड्या मारण्यात येणार असल्याचं सांगण्यात येतं.

पोपट आणि कावळ्यांचं करायचं काय?

परभणीत 800 कोंबड्यांना बर्ड फ्ल्यूची लागण झाल्यानंतर येथील 80 हजार कोंबड्या मारण्याचे आदेश देण्यात आले आहेत. आज संध्याकाळपर्यंत या कोंबड्यांना मारण्यात येणार आहे. मात्र, ठाण्यात पोपट आणि मुंबईत कावळ्याचा मृत्यू बर्ड फ्ल्यूने झाल्याचं आढळून आलं आहे. त्यामुळे पोपट आणि कावळ्यांचा संचार कसा रोखणार? असा प्रश्न सध्या विचारला जात आहे. (bird flu confirmed in maharashtra’s five districts)

संबंधित बातम्या:

Bird Flu | परभणीत बर्ड फ्ल्यूचा धसका; संध्याकाळपर्यंत 10 हजार कोंबड्या नष्ट करणार

परभणीतल्या कोंबड्यांचा मृत्यू बर्ड फ्लूनेच, जिल्हाधिकाऱ्यांची माहिती, महाराष्ट्र अलर्टवर

Bird Flu | बर्ड फ्लू नेमका काय?, लक्षणे कोणती?, औषध काय?, सर्व प्रश्नांची उत्तरं!

Bird Flu | कोंबडीचे मांस आणि अंडी खाल्ल्याने ‘बर्ड फ्लू’चा धोका? वाचा संशोधन काय म्हणतेय…

(bird flu confirmed in maharashtra’s five districts)