Sign In

By signing in or creating an account, you agree with Associated Broadcasting Company's Terms & Conditions and Privacy Policy.

कांदिवलीतील ‘त्या’ संशयास्पद लसीकरण प्रकरणाची सखोल चौकशी, 48 तासांत अहवाल सादर करण्याचे मुंबई महापालिकेचे निर्देश

मुंबईतील एका हाऊसिंग सोसायटीमध्ये कोरोना लसीकरणासाठी कॅम्प लावण्यात आला होता. सोसायटीमधील 390 लोकांनी लस देखील घेतली. मात्र, लस घेतल्यानंतर त्यांना अद्याप कसल्याही प्रकारचा मेसेज आलेला नाही.

कांदिवलीतील ‘त्या’ संशयास्पद लसीकरण प्रकरणाची सखोल चौकशी, 48 तासांत अहवाल सादर करण्याचे मुंबई महापालिकेचे निर्देश
CORONA VACCINE
Follow us
| Updated on: Jun 16, 2021 | 8:14 PM

Mumbai Vaccine Scam : मुंबई: पश्चिम उपनगरातील कांदिवलीमध्ये एका गृहसंकुलात झालेल्या संशयास्पद कोविड-१९ लसीकरण (Mumbai Corona Vaccine Scam) प्रकाराची सखोल चौकशी करुन 48 तासांमध्ये त्याबाबतचा अहवाल सादर करण्याचे निर्देश मुंबई महापालिकेचे अतिरिक्त महानगरपालिका आयुक्त (पश्चिम उपनगरे) सुरेश काकाणी यांनी दिले आहेत. दरम्यान, गृहनिर्माण संस्थांनी खासगी लसीकरण केंद्रांशी सामंजस्य करार करुन, त्यांच्या नोंदणीसह सर्व बाबींची खातरजमा करुन नंतरच लसीकरण उपक्रम राबवावा, असे आवाहनही महानगरपालिका प्रशासनाच्या वतीने करण्यात आले आहे. (BMC will start enquiry in Kandivali corona vaccination scam order issued for submit report within 48 hours)

390 नागरिकांना लस

पश्चिम उपनगरातील कांदिवलीमध्ये एका गृह संकुलात सुमारे 390 रहिवाशांना कोविड-19 प्रतिबंधक लस देण्यात आली. मात्र, लसीकरण करणाऱया संबंधित चमूकडे लॅपटॉप आदी साधने नव्हती तसेच लस घेतलेल्या लाभार्थ्यांना विविध रुग्णालयांच्या नावाने लसीकरण प्रमाणपत्र प्राप्त झाले. हा सर्व प्रकार संशयास्पद निर्माण करणारा असल्याने रहिवाशांनी पोलिसांमध्ये तक्रार दाखल केली आहे. या संशयास्पद लसीकरण प्रकाराची चौकशी करुन 48 तासांत त्याबाबतचा अहवाल सादर करण्याचे निर्देश अतिरिक्त महानगरपालिका आयुक्त (पश्चिम उपनगरे) सुरेश काकाणी यांनी उपआयुक्त (परिमंडळ 7) विश्वास शंकरवार यांना दिले आहेत.

संशयास्पद लसीकरण, गंभीर बाब

दरम्यान, असे संशयास्पद लसीकरण होणे, ही बाब गंभीर व अनुचित तसेच आरोग्यास धोकादायक आहे. नागरिकांनी आपल्या गृहनिर्माण संस्थेमध्ये लसीकरण करण्यापूर्वी खासगी रुग्णालय लसीकरण केंद्रांशी सामंजस्य करार करणे आवश्यक आहे. तशा मार्गदर्शक सूचना महानगरपालिका प्रशासनाने यापूर्वीच निर्गमित केल्या आहेत. त्यानुसार आवश्यक बाबींची खातरजमा करुन खबरदारी घेणे आवश्यक आहे.

अडचण आल्यास पालिकेशी संपर्क साधण्याचं आवाहन

प्रत्येक खासगी लसीकरण केंद्रास कोविन प्रणालीतर्फे एक नोंदणी क्रमांक देण्यात येतो. हे लक्षात घेता, ज्या खासगी लसीकरण केंद्राच्या माध्यमातून गृहनिर्माण संस्थेमध्ये लसीकरण होणार आहे, त्या संबंधीत खासगी लसीकरण केंद्राच्या नोंदणी संदर्भात नागरिकांनी व गृहनिर्माण संस्थांनी आपल्या विभागातील वैद्यकीय आरोग्य अधिकारी यांच्याशी संपर्क साधून खातरजमा करावी.

खासगी लसीकरण केंद्रातर्फे होणाऱया लसीकरणासाठी संबंधित संस्थेसोबत सामंजस्य करार (MoU) करण्यासह, त्या केंद्रातर्फे लसीकरणासाठी आलेल्या कर्मचाऱयांचे ओळखपत्र पडताळावे. त्या संदर्भात योग्य शहानिशा करावी. तसेच लसीकरण झाल्यानंतर लाभार्थ्यांना डिजिटल प्रमाणपत्र त्वरित मिळण्याचा आग्रह करावा, असेही प्रशासनाकडून पुन्हा एकदा सूचित करण्यात येत आहे. या संदर्भात कोणत्याही संशयास्पद बाबी आढळून आल्यास आपल्या विभागातील संबंधीत वैद्यकीय आरोग्य अधिकारी यांच्याशी संपर्क साधावा, असे नम्र आवाहन बृहन्मुंबई महानगरपालिका प्रशासनाकडून करण्यात येत आहे.

संबंधित बातम्या:

पहिल्या पावसात मुंबईची तुंबई झाली, पालिकेने काय काम केले ? पुढचे नियोजन काय ?

कोरोना कधी होऊन गेला कळलंही नाही; नागपुरात लहान मुलांमध्ये आढळल्या अँटिबॉडिज

(BMC will start enquiry in Kandivali corona vaccination scam order issued for submit report within 48 hours)

हींजवडी टेम्पो ट्रॅव्हल आग प्रकरण अपघात नाही घातपात
हींजवडी टेम्पो ट्रॅव्हल आग प्रकरण अपघात नाही घातपात.
नागपूर हिंसाचाराच्या आधी काय प्लॅनिंग झालं? सीसीटीव्ही फुटेज आलं समोर
नागपूर हिंसाचाराच्या आधी काय प्लॅनिंग झालं? सीसीटीव्ही फुटेज आलं समोर.
2 भागातली संचारबंदी काढली, 3 ठिकाणी शिथिलता; काय आहे नागपूरची स्थिती?
2 भागातली संचारबंदी काढली, 3 ठिकाणी शिथिलता; काय आहे नागपूरची स्थिती?.
लाडक्या बहिणींच्या पैशांवर अजित पवार स्पष्टच बोलेले
लाडक्या बहिणींच्या पैशांवर अजित पवार स्पष्टच बोलेले.
'सरड्यालाही लाज वाटेल इतका वेगानं रंग बदलला', परबांचा कायंदेंवर निशाणा
'सरड्यालाही लाज वाटेल इतका वेगानं रंग बदलला', परबांचा कायंदेंवर निशाणा.
'.. तर मग मात्र पंचाईत होईल'; सालियान प्रकरणावर उद्धव ठाकरेंचं विधान
'.. तर मग मात्र पंचाईत होईल'; सालियान प्रकरणावर उद्धव ठाकरेंचं विधान.
राज्यातील सरकारी शाळांना CBSE पॅटर्न लागू,शिक्षणमंत्र्यांची मोठी घोषणा
राज्यातील सरकारी शाळांना CBSE पॅटर्न लागू,शिक्षणमंत्र्यांची मोठी घोषणा.
औरंगजेबाच्या कबरीखाली आपणही मरावं... बच्चू कडू यांची सरकारवर नाराजी
औरंगजेबाच्या कबरीखाली आपणही मरावं... बच्चू कडू यांची सरकारवर नाराजी.
नागपूर राड्यात आणखी एक नाव समोर; कोण आहे सय्यद अली?
नागपूर राड्यात आणखी एक नाव समोर; कोण आहे सय्यद अली?.
8 जूनच्या रात्री कुठे अन् लोकेशन काय? राणेंचा आदित्य ठाकरेंना एकच सवाल
8 जूनच्या रात्री कुठे अन् लोकेशन काय? राणेंचा आदित्य ठाकरेंना एकच सवाल.