VIDEO: मच्छर आणि थंडीचा मारा सोसत पडळकर, खोत रात्रभर आझाद मैदानात; एसटी कर्मचाऱ्यांचं आंदोलन सुरूच
गेल्या 14 दिवसांपासून सुरू असलेलं एसटी कर्मचाऱ्यांचं आंदोलन आजही सुरूच आहे. कालपासून एसटी कर्मचाऱ्यांनी आझाद मैदानात जोरदार आंदोलन सुरू केलं आहे. (Gopichand Padalkar on MSRTC Employees strike)
मुंबई: गेल्या 14 दिवसांपासून सुरू असलेलं एसटी कर्मचाऱ्यांचं आंदोलन आजही सुरूच आहे. कालपासून एसटी कर्मचाऱ्यांनी आझाद मैदानात जोरदार आंदोलन सुरू केलं आहे. भाजप नेते गोपीचंद पडळकर आणि रयत क्रांती संघटनेचे अध्यक्ष सदाभाऊ खोत यांनीही आझाद मैदानात जोरदार आंदोलन केलं. या दोन्ही नेत्यांनी एसटी कर्मचाऱ्यांसोबत अख्खी रात्रं आझाद मैदानात घालवली. कडाक्याची थंडी आणि मच्छरांचा त्रास सहन करत या दोन्ही नेत्यांनी आझाद मैदानात संपूर्ण रात्रं जागून काढली.
एसटी कर्मचाऱ्यांच्या सुरू असलेल्या आंदोलनात भाजप आमदार गोपीचंद पडळकर आणि रयत क्रांती संघटनेचे नेते सदाभाऊ खोत यांनीही उडी घेतली आहे. या दोन्ही नेत्यांनी काल जोरदार आंदोलन केलं. भाजप नेते गोपीचंद पडळकर आणि सदाभाऊ खोत एसटी कर्मचाऱ्यांबरोबर रात्रभर मैदानावरच झोपलेत. जोपर्यंत एसटी कर्मचाऱ्यांच्या मागण्या मान्य होत नाही तोपर्यंत आंदोलन सुरु राहणार आहे, असा निर्धार एसटी कर्मचाऱ्यांनी व्यक्त केला. सरकारमध्ये एसटीचा विलीनीकरणची मागणी घेऊन एसटी कर्मचारी आजाद मैदानात आंदोलन करत आहेत. रात्रभर एसटी कर्मचारी मैदानात जमिनीवरच झोपले होते. एसटी कर्मचाऱ्यांन बरोबरच भाजप नेते गोपीचंद पडळकर आणि सदाभाऊ खोत हे सुद्धा मैदानावर झोपले होते. आझाद मैदानात महिलांबरोबर पुरुषही मोठ्या प्रमाणावर सहभागी होते.
सदाभाऊंचं शेतकरी गीत
आज सकाळी पुन्हा एसटी कर्मचाऱ्यांनी आंदोलन सुरू केलं. सदाभाऊ खोत यांनी गावाकडं चल माझ्या दोस्ता… हे गाणं गात संपूर्ण आझाद मैदानात दणाणून सोडलं. सदाभाऊंनी गाणं सुरू करताच एसटी कर्मचाऱ्यांनीही गाणं गायला सुरुवात केली. सर्व कर्मचारी एका सुरात गाणी गात होते. त्यामुळे कर्मचाऱ्यांमध्येही उत्साह संचारला होता. आम्ही घाबरणार नाही. कर्मचाऱ्यांच्यासोबत राहणार आहे. निलंबित केले म्हणून कर्मचारी घाबरणार नाहीत, असा इशारा सदाभाऊ खोत यांनी दिला.
पुन्हा मंत्रालयावर धडक देऊ
सरकार संपावर तोडगा काढण्याच्या विचारात दिसत नाही. सरकार चर्चेसाठी दारे खुली आहेत असं सांगतं आणि चर्चा करून सुद्धा त्यावर तोडगा काढत नाही. जोपर्यंत तोडगा निघत नाही तोपर्यंत आम्ही आझाद मैदान सोडणार नाही. जर यावर ठोस निर्णय नाही झाला तर आम्ही इथून मंत्रालयावर पुन्हा एकदा धडक देऊ. इतक्या लोकांची आत्महत्या झाल्या. या लोकांच्या घरी दिवाळी साजरी झाली नाही. तरीसुद्धा सरकार या विषयाकडे संवेदनशीलतेने पाहत नाही, अशी टीका पडळकरांनी केली आहे.
918 कर्मचारी निलंबित
दरम्यान, उच्च न्यायालयाच्या आदेशाचा भंग केल्याप्रकरणी सुमारे 343 संपकरी कर्मचार्‍यांच्या विरोधात अवमान याचिका एसटी महामंडळाने काल दाखल केली. यावर संबंधितांना येत्या शुक्रवारी प्रतिज्ञापत्र सादर करण्याचे निर्देश उच्च न्यायालयाने दिले आहेत. याप्रकरणी पुढील सुनावणी 15 नोव्हेंबर रोजी होणार आहे. एसटी महामंडळाकडून परवा 376… आज 542 आदी एकूण 918 जणावर निलंबनाची कारवाई करण्यात आली आहे.
VIDEO : 100 Super Fast News | सुपरफास्ट 100 न्यूज | 8 AM | 11 November 2021https://t.co/nqX0yISshH | #UddhavThackeray | #SanjayRaut | #ST | #Mumbai | #pune |
— TV9 Marathi (@TV9Marathi) November 11, 2021
संबंधित बातम्या:
Garlic For Winters : हिवाळ्यात आरोग्याशी संबंधित समस्या टाळायच्या असतील तर आहारात लसणाचा समावेश करा!
(Gopichand Padalkar on MSRTC Employees strike)
