मिलिंद नार्वेकरांनी अशी काय खेळी केली की, दरेकर, लाड चित झाले, मुंबै बँक सेना-राष्ट्रवादीची झाली?
मुंबई बँकेत शिवसेना नेते मिलींद नार्वेकरांनी (Milind narvekar) सत्ता परिवर्तनासाठी मोठी फिल्डींग लावली होती, त्यामुळे हे सत्ता परिवर्तन शक्य झाले आहे.
राष्ट्रवादी आणि शिवसेनेने एकत्र येत मुंबई बँकेत (Mumbai bank Election) भाजपचा ‘करेक्ट कार्यक्रम’ केला आहे, शिवसेना नेते मिलींद नार्वेकरांनी (Milind narvekar) सत्ता परिवर्तनासाठी मोठी फिल्डींग लावली होती, त्यामुळे हे सत्ता परिवर्तन शक्य झाले आहे आणि राष्ट्रवादीचे सिद्धार्थ कांबळे अध्यक्ष झाले आहेत. भाजपकडून प्रसाद लाड यांना मैदानात उतरवण्यात आले होते, मात्र नार्वेकरांनी त्यांना चेकमेट देत मुंबई बँकेवर महाविकास आघाडीचा झेंडा फडकवला आहे. मुंबई बँकेत आतापर्यंत अनेक राजकीय पक्ष एकत्र येताना दिसले. आधी प्रवीण दरेकरांच्या उमेदवारीवरून आधी वाद झाला, त्यांनी वेगळ्या प्रवर्गातून अर्ज दाखल केला. त्यानंतर सहकार खात्याने त्यांना अपात्र केले, त्यामुळे दरेकरांचा नाईलाज झाला. निवडणुकीपूर्वी आज सह्याद्री अतिथीगृहावर उपमुख्यमंत्री अजित पवार आणि पर्यटनमंत्री आदित्य ठाकरे यांच्या सूचनेनुसार शिवसेना आणि राष्ट्रवादीचे मुंबई बँकेतील प्रतिनिधींची महत्वाची बैठक पार पडली. या बैठकीला शिवसेना सचिव मिलिंद नार्वेकरही उपस्थित होते. याचवेळी हे प्लॅनिंग झाल्याची चर्चा आहे.
शिवसेना आणि राष्ट्रवादीने आधीपासून दबाव बनवला
आतापर्यंत मुंबई बँकेवर भाजप नेते प्रवीण दरेकर यांची एकहाती पकड होती, दरेकरांवर वारंवार शिवसेना आणि सरकारवर टीका होताना दिसून येत आहेत. त्यामुळे अशा प्रमुख नेत्यांना धक्का देण्यासाठी मिलींद नार्वेकर मैदानात उतरले होते. या बँकेत जरी अध्यक्षपद राष्ट्रवादीकडे गेले असले तरी महाविकास आघाडील सर्व पक्षांना त्याचा फायदा होणार आहे. मुंबई बँकेवर होल्ड असणे म्हणजे मोठ्या आर्थिक केंद्रवर पकड असण्यासारखे आहे. त्यामुळेच नार्वेकरांनी ही खेळी केल्याची चर्चा आहे.
महापालिकेच्या तोंडावर मोठा दणका
मुंबई महानगरपालिकेची निवडणूक तोंडावर आली असताना, बँकेतील हे सत्तांतर भाजपला मोठा झटका देऊन गेले आहे. मुंबई बँकेत आपर्यंत जे घोटाळे झाले, तसे न होऊ देता, मुंबईकरांची सेवा करण्याचा आणि बँकेच्या भरभरासाठी महाविकास आघाडीचे नवे संचालक मंडळ करणार असल्याचे शिवसेना आमदार सुनील राऊत यांनी माध्यमांसी बोलताना सांगितले तसेच सिद्धार्थ कांबळे हे पुढील एक वर्षाकरीता अध्यक्ष राहणार असल्याचेही त्यांनी सांगितले.
