मुंबईत कोरोना रोखण्यासाठी ‘मिशन टेस्टिंग’ सुरु, ‘या’ ठिकाणी होणार चाचण्या

मुंबई : कोरोनाचे हॉटस्पॉट ठरलेल्या मुंबईत पुन्हा रुग्णांची संख्या दिवसेंदिवस वाढत चालली आहे. मुंबईतील कोरोनाचा उद्रेक रोखण्यासाठी पालिकेकडून मिशन टेस्टिंग सुरु करण्यात आलं आहे. मुंबईतील मॉल्स, रेल्वे स्थानक, बस स्थानकांसह इतर ठिकाणी अँटिजेन चाचण्या केल्या जात आहेत. मुंबईत कोरोना रुग्णसंख्येने उच्चांक गाठल्यानंतर महापालिका प्रशासनाने आक्रमक पवित्रा घेतला आहे.  (Mumbai Corona Antigen test list of places)

मुंबईतील मॉल्स, रेल्वे स्थानक, बस स्थानक, गर्दीची ठिकाणे, बाजारपेठा याठिकाणी कोरोनाच्या अँटिजेन टेस्ट केली जात आहे. या सर्व ठिकाणी दररोज 50 हजार चाचण्या करण्याचे लक्ष्य आहे. या चाचण्यांना नकार देणाऱ्यांवर कारवाई करण्यात येणार आहे.

मुंबईतील 27 मॉलमध्ये चाचण्या

मुंबईतील प्रसिद्ध 27 प्रमुख मॉलमध्ये येणाऱ्या प्रत्येक ग्राहकाची अँटिजेन चाचणी केली जाणार आहे. ही चाचणी निगेटीव्ह आल्यानंतरच मॉलमध्ये प्रवेश दिला जाणार आहे. प्रत्येक मॉल मध्ये दिवसाला किमान 400 टेस्ट केली जाणार आहे. मुंबईतील पॅलेडियम, फिनिक्स, रुणवाल, इन्फिनीटी, इनॉर्बिट यांसारख्या मोठ्या मॉलमध्ये या चाचण्या होणार आहे. या सर्व मॉलमध्ये प्रवेशासाठी अँटिजेन चाचणी बंधनकारक करण्यात आली आहे. त्यामुळे आपोआप गर्दीला आळा बसेल.

गर्दीच्या ठिकाणी अँटीजेन टेस्ट

त्याशिवाय प्रत्येक वॉर्डमधील गर्दीच्या ठिकाणी दररोज 1 हजार टेस्टचे टार्गेट देण्यात आले आहे. यात मुंबईतील गर्दीच्या ठिकाणांचा समावेश आहे. मुंबईतील रेस्टॉरंटस्, खाऊ गल्ली, फेरीवाले, बाजारपेठा, पर्यटनस्थळे, समुद्रकिनारे-चौपाट्या, वेगवेगळी सरकारी कार्यालये या ठिकाणी चाचण्या केल्या जाणार आहे.

मुंबईतील मुख्य रेल्वे स्थानकांवर चाचण्या 

यात मुंबईतील लांब पल्ल्याच्या, बाहेरगावाहून येणाऱ्या 9 मुख्य रेल्वे स्थानकांवर चाचण्या केल्या जाणार आहे. मुंबईतील वांद्रे, दादर, बॉम्बे सेंट्रल, सीएसएमटी, कुर्ला, अंधेरी, बोरिवली इत्यादी स्थानकांवर ही चाचणी केली जाणार आहे.

या ठिकाणी दर दिवसाला प्रत्येकी किमान 1 हजार प्रवाशांच्या चाचण्या होणार आहे. विशेषत: विदर्भातून, गोवा, गुजरात, केरळ, दिल्ली येणाऱ्या प्रवाशांवर प्रशासनाचं विशेष लक्ष असेल. (Mumbai Corona Antigen test list of places)

बस स्थानकांवरही अँटीजेन चाचणी

तसेच मुंबईतील मुख्य बस स्थानकांवरही अँटीजेन चाचणी केली जाणार आहे. मुंबईतील परळ, मुंबई सेंट्रल, बोरिवली, कुर्ला-नेहरु नगर येथे दररोज एक हजार प्रवाशांच्या चाचण्या होणार आहे. मुंबईत दर दिवसाला 50 हजार टेस्ट करण्याचं प्रशासनाचं लक्ष आहे.

मुंबईत अँटीजेन चाचणी होणाऱ्या ठिकाणांची यादी

महत्त्वाच्या शहरांसह अनेक भागांमध्ये कोरोना वाढला

राज्यात मुंबई, पुणे, नागपूर, नाशिक या महत्त्वाच्या शहरांसह अनेक शहरांमध्ये कोरोनाचा प्रादूर्भाव वाढला आहे. विशेष म्हणजे हा कोरोना आता गाव-खेड्यातही थैमान घालायला लागलाय. प्रत्येक शहरांमध्ये कोरोनाबाधितांचा वाढता आकडा हा चक्रावून सोडणारा आहे. पुण्यात आज दिवसभरात तब्बल 2900 रुग्ण आढळले आहेत. तर मुंबईत 3775 रुग्ण आढळले आहेत. त्याचबरोबर नागपुरात 3614 रुग्ण आढळले आहेत. त्यामुळे चिंता वाढली आहे.

मुंबईत किती रुग्ण सक्रीय?

राज्याची राजधानी असलेल्या मुंबईत कोरोनाचा उद्रेक सुरु आहे. मुंबईत दिवसभरात 3775 रुग्ण आढळले आहेत. तर 1647 रुग्णांना आज डिस्चार्ज देण्यात आला. मुंबईत सथध्या 23 हजार 448 रुग्णांवर उपचार सुरु आहे. (Mumbai Corona Antigen test list of places)

संबंधित बातम्या : 

महाराष्ट्र पोलिसांकडून अण्णा नाईकांची भीती, मास्कच्या आवाहनासाठी भन्नाट ट्विट

Pune Corona | पुण्यातील जम्बो कोव्हिड सेंटर पुन्हा सुरु करणार, महापौरांची माहिती