AQI
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

पुढे काय? उद्धव ठाकरे यांनी ‘मातोश्री’वर बोलावली तातडीची बैठक; बैठकीत कोणता मोठा निर्णय घेणार?

शिवसेना नाव आणि चिन्हाचा निर्णय काल निवडणूक आयोगाने दिल्यानंतर मुंबईत आणि महाराष्ट्रात शिवसैनिकांकडुन निषेध केला जातोय. दादरमध्ये लोकशाहीची हत्या.. असा मजकूर लिहिलेले बॅनर्स लागले आहेत.

पुढे काय? उद्धव ठाकरे यांनी 'मातोश्री'वर बोलावली तातडीची बैठक; बैठकीत कोणता मोठा निर्णय घेणार?
uddhav thackerayImage Credit source: tv9 marathi
Follow us
| Updated on: Feb 18, 2023 | 10:28 AM

मुंबई : निवडणूक आयोगाने उद्धव ठाकरे यांच्याकडून पक्षाचं नाव आणि चिन्ह काढून घेतल्यानंतर ठाकरे गटात प्रचंड अस्वस्थता पसरली आहे. निवडणूक आयोगाच्या निर्णयामुळे पक्षासमोर मोठं संकट उभं राहिलं आहे. निवडणूक आयोगाच्या निर्णयामुळे ऐन महापालिका निवडणुकीच्या तोंडावर कार्यकर्ते, पदाधिकारी आणि नेत्यांमध्ये चलबिचल होऊ शकते. पक्ष पुन्हा डॅमेज होऊ शकत असल्याची भीती असल्याने आता ठाकरे गटाने खबरदारी घेण्यास सुरुवात केली आहे. उद्धव ठाकरे यांनी आज मातोश्रीवर एक बैठक बोलावली असून या बैठकीत पुढील रणनीतीवर चर्चा करण्यात येणार आहे. त्यामुळे उद्धव ठाकरे आज काय मोठा निर्णय घेणार याकडे संपूर्ण राज्याचं लक्ष लागलं आहे.

माजी मुख्यमंत्री उद्धव ठाकरे यांनी आज दुपारी 1 वाजता मातोश्री निवासस्थानी पक्षाच्या पदाधिकाऱ्यांची बैठक बोलावली आहे. या बैठकीला आमदार आणि खासदारांनाही बोलावण्यात आलं आहे. या बैठकीत पक्षाच्या पुढील वाटचालीवर निर्णय घेण्यात येणार आहे. यावेळी निवडणूक आयोगाने कशाच्या आधारावर पक्षाचं चिन्हं आणि नाव शिंदे गटाला दिलं. त्याच्यावर विचार करण्यात येणार असून त्यानंतर आयोगाच्या निर्णयाला सर्वोच्च न्यायालयात आव्हान देण्याचा निर्णय घेण्यात येणार असल्याचं सूत्रांनी सांगितलं.

हे सुद्धा वाचा

कोर्टाला उन्हाळ्याच्या सुट्ट्या लागणार असल्याने सोमवारीच सर्वोच्च न्यायालयात निवडणूक आयोगाच्या निर्णयाला आव्हान देण्याचा मोठा निर्णय आजच्या बैठकीत घेतला जाणार असल्याचं सूत्रांनी सांगितलं.

परिणामांवर चर्चा

आजच्या बैठकीत निवडणूक आयोगाच्या निर्णयानंतर होणाऱ्या पक्षावरील परिणामांची चर्चाही करण्यात येणार आहे. महापालिका निवडणुका होऊ घातल्या आहेत. त्यामुळे धनुष्यबाणाशिवाय या निवडणुका लढाव्या लागणार आहेत. त्यामुळे चिन्हासाठी अनेकजण शिंदे गटात जाण्याची शक्यता नाकारता येत नाही. या पार्श्वभूमीवर कुणीही पक्ष सोडून कुठे जाऊ नये म्हणून काय करता येईल यावरही आजच्या बैठकीत चर्चा होण्याची शक्यता वर्तवली जात आहे.

सर्वोच्च न्यायालयात निवडणूक आयोगाच्या निर्णयाला आव्हान दिलं तरी निकाल लगेच लागेल याची काही शाश्वती नाही. त्यामुळे तोपर्यंत मशाल चिन्हावर निवडणुका लढवण्यावरही आजच्या बैठकीत निर्णय होऊ शकतो. तसेच ‘शिवसेना उद्धव बाळासाहेब ठाकरे’ हेच पक्षाचं नाव घेऊन जायचं की शिवसेना या नावाच्या मागे पुढे काही शब्द जोडायचा यावरही आजच्या बैठकीत चर्चा होण्याची शक्यता सूत्रांकडून वर्तवली जात आहे.

आम्ही मातोश्री सोबतच

दरम्यान, शिवसेना नाव आणि चिन्हाचा निर्णय काल निवडणूक आयोगाने दिल्यानंतर मुंबईत आणि महाराष्ट्रात शिवसैनिकांकडुन निषेध केला जातोय. दादरमध्ये लोकशाहीची हत्या.. असा मजकूर लिहिलेले बॅनर्स लागले आहेत.

शिवसेना भवनाखालीही एक बॅनर लागला आहे. त्यावर निर्णय काहीही असो. आम्ही शिवसैनिक कायम मातोश्री आणि ठाकरे परिवारासोबत एकनिष्ठ राहणार आहोत, असं या बॅनरवर लिहिलं आहे. शिवसैनिकांनी बॅनरवरून आपल्या भावना बोलून दाखवल्या आहेत.

हम अल्लाह के, कसम खाते है की... अल कायदाकडून भारताला टोकाची धमकी
हम अल्लाह के, कसम खाते है की... अल कायदाकडून भारताला टोकाची धमकी.
Rain Update आजही मुंबईकरांची तारांबळ उडणार? हवामान खात्याचा अंदाज काय?
Rain Update आजही मुंबईकरांची तारांबळ उडणार? हवामान खात्याचा अंदाज काय?.
ऑपरेशन सिंदूरनंतर पाक पुन्हा हादरला, लाहोरमध्ये स्फोटाचे आवाज; घडल काय
ऑपरेशन सिंदूरनंतर पाक पुन्हा हादरला, लाहोरमध्ये स्फोटाचे आवाज; घडल काय.
अब पाकिस्तान का जवाब... घुसून मारल्यानंतर बिलावल भुट्टोचा तिळपापड
अब पाकिस्तान का जवाब... घुसून मारल्यानंतर बिलावल भुट्टोचा तिळपापड.
हा होता पहलगाम हल्ल्याचा सूत्रधार, नाव-फोटो समोर, बघा कोणाशी कनेक्शन?
हा होता पहलगाम हल्ल्याचा सूत्रधार, नाव-फोटो समोर, बघा कोणाशी कनेक्शन?.
भारताने मोठी चूक केली, प्रत्येक रक्ताच्या थेंबाचा बदला... पाककडून धमकी
भारताने मोठी चूक केली, प्रत्येक रक्ताच्या थेंबाचा बदला... पाककडून धमकी.
सदावर्ते राज ठाकरेंवर भडकले, पाकिस्तानी खाज, मुझे ये नही बोलना की...
सदावर्ते राज ठाकरेंवर भडकले, पाकिस्तानी खाज, मुझे ये नही बोलना की....
OperationSindoor:एअर स्ट्राईकची कहाणी जगाला सांगणाऱ्या त्या दोघी कोण?
OperationSindoor:एअर स्ट्राईकची कहाणी जगाला सांगणाऱ्या त्या दोघी कोण?.
ऑपरेशन सिंदूरनंतरही पाकची मस्ती जिरेना... पंतप्रधानांचा कांगावा सुरूच
ऑपरेशन सिंदूरनंतरही पाकची मस्ती जिरेना... पंतप्रधानांचा कांगावा सुरूच.
रशियाच्या परराष्ट्र मंत्रालयाकडून भारताच्या कारवाईचं समर्थन
रशियाच्या परराष्ट्र मंत्रालयाकडून भारताच्या कारवाईचं समर्थन.