Water Cut: बोरिवली ते दहिसरमधील काही भागात पाणीपुरवठा बंद राहणार; महापालिका म्हणते, पाणी जपून वापरा!

मुंबई: बोरिवली (पूर्व) (Borivali) परिसरातील संजय गांधी राष्ट्रीय उद्यानासमोर पश्चिम द्रुतगती महामार्गाच्या पूर्वेकडील ‘सर्व्हिस रोड’वर 1050 मिलीमीटर व्यासाची जलवाहिनी बंद करण्याचे काम हाती घेण्यात येणार आहे. मंगळवार, दिनांक 10 मे रोजी सकाळी 11:30 वाजेपासून रात्री 12 वाजेपर्यंत हे काम हाती घेण्यात येणार आहे. त्यामुळे या कालावधीत म्हणजेच मंगळवार 10 मे रोजी सकाळी 11:30 वाजेपासून रात्री 12 वाजेपर्यंत ‘आर मध्य’ व ‘आर उत्तर’ विभागातील काही परिसरांमध्ये पाणीपुरवठा वेळेत कपात (Water Cut) करण्यात येणार आहे. त्याचबरोबर ‘आर उत्तर’ विभागातील काही परिसरांचा पाणीपुरवठा पूर्णपणे बंद असणार आहे. म्हणजे बोरिवली ते दहिसर परिसरात काही ठिकाणी पाणीपुरवठा बंद राहणार आहे. तर काही ठिकाणी पाणी कपात करण्यात येणार आहे. त्यामुळे या परिसरातील नागरिकांनी पाणी जपून वापरण्याचे आवाहन महापालिकेने (bmc) केले आहे.

कोणत्या भागात पाणीबाणी

1. ‘आर मध्य’ विभागः अ) संत ज्ञानेश्वर मार्ग (शांतिवन), श्रीकृष्ण नगर, अभिनव नगर, सावरपाडा, काजुपाडा (सखल पातळी परिसर), ईश्वर नगर, सुदाम नगर, चोगले नगर – (सकाळी 8.30 ते 10.45 ही नियमित पाणीपुरवठ्याची वेळ. मात्र, कामादरम्यान सकाळी 8.30 ते 10 पाणीपुरवठ्याची वेळ राहील).
2. ‘आर उत्तर’ विभागः ब) ओवरीपाडा (अंशत:), राजेश कुंपण, शांती नगर, अशोकवन (सखल पातळी परिसर), शिव वल्लभ मार्ग (दक्षिण बाजू), संत ज्ञानेश्वर मार्ग, न्यांसी डेपो, चोगले नगर, सावरपाडा, संभाजी नगर, शिव टेकडी, संतोष नगर, गणेश नगर, शुक्ला कुंपण, पांडे नगर – (सकाळी 8.30 ते 10.45 ही नियमित पाणीपुरवठ्याची वेळ. मात्र, कामादरम्यान सकाळी 8.30 ते 10 पाणीपुरवठ्याची वेळ राहील).
3. ‘आर मध्य’ विभागः अ) काजुपाडा (उंच पातळी परिसर), माने कंपाऊंड, पाटील कंपाऊंड, जगरदेव कंपाऊंड, ओम सिद्धराज संकुल, गिरीशिखर संकुल, मोठी मजीद परिसर – (सकाळी 10.45 ते दुपारी 12.30 ही नियमित पाणीपुरवठ्याची वेळ. मात्र, कामादरम्यान सकाळी 10 ते 11.30 पाणीपुरवठ्याची वेळ राहील).
4. ‘आर उत्तर’ विभागः ब) अशोक वन (उंच पातळी परिसर), देशमुख रेसिडेन्सी, साईश्रद्धा फेज 1 व 2 – (सकाळी 10.45 ते दुपारी 12.30 ही नियमित पाणीपुरवठ्याची वेळ. मात्र, कामादरम्यान सकाळी 10 ते 11.30 पाणीपुरवठ्याची वेळ राहील).
हे सुद्धा वाचा



Multi-Member Ward System: स्थानिक स्वराज्य संस्थांच्या निवडणुकांत बहुसदस्यीय प्रभाग पद्धतीच योग्य, कोर्टाचा राज्य सरकारला दिलासा



BMC: प्रशासक आल्यानंतरही नालेसफाई 36 टक्के, यंदाही मुंबईची तुंबापुरी होणार?



एसी लोकलचा प्रवास स्वस्त, प्रवाशांचा प्रतिसाद वाढला, तिकीट विक्रीत वाढ

5. ‘आर उत्तर’ विभागः शिव वल्लभ मार्ग (उत्तर बाजू), मारुती नगर, रावळपाडा, एस. एन. दुबे मार्ग, संत कबीर मार्ग, कोकणीपाडा, धारखाडी, सुहासिनी पावसकर मार्ग, वैशाली नगर, केतकीपाडा (अंशत:), एकता नगर, दहिसर टेलीफोन एक्स्चेंज, घरटनपाडा क्रमांक 1 व 2, संत मिराबाई मार्ग, वाघदेवी नगर, शिवाजी चौक, केशव नगर – (सायंकाळी 5.30 ते 7.40 ही नियमित पाणीपुरवठ्याची वेळ. मात्र, कामादरम्यान पाणीपुरवठा बंद राहील).
6. ‘आर उत्तर’ विभागः आनंद नगर, आशिष संकुल, एन. एल. संकुल, वीर संभाजी नगर, छत्रपती शिवाजी संकुल, भाबलीपाडा, अवधूत नगर, वर्धमान औद्योगिक इस्टेट, सुधींद्र नगर, केतकीपाडा ऑन लाईन पंपिंग – (रात्री 9.30 ते 11.30 ही नियमित पाणीपुरवठ्याची वेळ. मात्र, 10 मे रोजी कामादरम्यान पाणीपुरवठा बंद राहील).
7. वरील तपशिलानुसार संबंधीत परिसरातील नागरिकांना आवाहन करण्यात येते की, उपरोक्त नमूद कालावधीत पाणी कपातीपूर्वी अगोदरच्या दिवशी पाण्याचा आवश्यक साठा करुन ठेवावा. तसेच, कपातीच्या कालावधीत काटकसरीने पाणी वापरुन सहकार्य करावे, अशी विनंती बृहन्मुंबई महानगरपालिका प्रशासनाच्या वतीने करण्यात येत आहे.