BMC election 2022 Ward 213 – मुंबई महापालिका निवडणुकीत वॉर्ड क्रमांक 213 मध्ये कोण मारणार बाजी? सिद्धार्थनगरमध्ये मुस्लीम मतांचे विभाजन कसे रोखणार?

मुंबई- मुंबई महानगरपालिकेच्या (BMC election 2022)निवडणुका येत्या काही महिन्यांत होण्याची शक्यता आहे. सत्ताधारी शिवसेना आणि भाजपाने त्यासाठी कंबर कसली आहे. सध्या संपूर्ण मुंबई शहरात संघटनात्मक कार्यक्रमांची रेलचेल सुरु असल्याचे दिसते आहे. पक्षाची बांधणी आणि प्रभागांनुसार कार्यकर्त्यांची, बथू पातळीवर कार्यकर्त्यांचे एकत्रीकरण प्रशिक्षणाचे कार्यक्रम सुरु करण्यात आले आहे. एकनाथ शिंदे यांच्या बंडाळीनंतर शिवसेना (Shivsena)आणि भाजपासाठी (BJP)ही निवडणूक प्रतिष्ठेची असणार आहे. त्यामुळेच या नमहापालिका निवडणुकीकडे राज्यासह देशाचेही लक्ष असणार आहे. मुंबई महापालिका ताब्यात घेऊन शिवसेनेची आर्थिक कोंडी करण्याचा भाजपाचा प्रयत्न असणार आहे. तर संघटनेच्या बळावर पुन्हा एकदा मुंबी महापालिकेवर शिवसेनेचा भगवा फडकावून विरोधकांचे मनोबल उंचावण्याचा प्रयत्न शिवसेना प्रमुख उद्धव ठाकरे यांचा असणार आहे. त्यामुळे 2022 मधील मुंबई महापालिकेची निवडणूक राज्याच्या राजकारणातील मैलाचा दगड ठरण्याची शक्यता आहे. मुंबई महापालिकेच्या 213 क्रमांकाच्या प्रभागातही यंदा काय होईल याची उत्सुकता आहे. सिद्धार्थनगर असा हा प्रभाग ओळखला जातो. या प्रभागात गेल्य निवडणुकीत मुस्लीम मतांचे विभाजन झाल्याचा फायदा काँग्रेसला झाला होता. यावेळी हे विभाजन रोखले जाणार का, हा प्रश्न कळीचा असणार आहे.

कसा आहे 213 क्रमांकाचा प्रभाग?

सिद्धार्थ नगर अशी ओळख असलेल्या या प्रभागात प्रामुख्याने काझीपुरा, सिद्धार्थनगर, छोटा सोनापूर हे भाग येतात. उत्तरेकडे जहागीर बोनम बेहराम मार्ग, पूर्वेकडे सर जमशेदजी जिजीभॉय रोड असा या प्रभागाचाविस्तार आहे. या प्रभागाची एकूण लोकसंख्या 58287 इतकी असून, यात एससी 2966  आणि एसटी 313 आहेत.

2017 च्या महापालिका निवडणुकीत कोण रिंगणात?

2017 च्या मुंबी महापालिका निवडणुकीत या प्रभागातून 15 उमेदवार रिंगणार होते. त्यातील चार अपक्ष होते. काँग्रेसकडून जावेद जुनेजा हे रिंगणात होते. शिवसेनेकडून सुनील कदम, भाजपाकडून विनयकुमार त्रिपाठी, मनसेकडून विनोद अरगिले हे रिंगणात होते. सपाकडून वसीम सय्यैद, एमआयएमकडून राईन मोहम्मद तर इंडियन युनियम मुस्लीम लीगकडून नजीर खान यांना उमेदवारी देण्यात आली होती. रिपाईकडून सचिन दिवार जनता दल सेक्युलरकडून तमंग सीमला बीमबाहदूर हेही रिंगणात होते.

हे सुद्धा वाचा

Chhagan Bhujbal : राज्यातील सत्तासंघर्षावर उद्या फैसला; छगन भुजबळ म्हणतात, दोघांनाही वाटतं आमच्याच बाजूने निकाल लागेल

Mumbai: वेस्टर्न एक्स्प्रेस हायवेवर अपघात, मनसे आक्रमक, थेट पोलीस स्टेशन गाठलं, FIR नोंदवण्याची मागणी

RSS Weapon Worship | राष्ट्रीय स्वयंसेवक संघाचे शस्त्र पूजन वादात, प्रकरण जिल्हा न्यायालयात, काय दिले पोलिसांना आदेश?

2017 साली नगरसेवक कोण

2017 च्या मुंबई महापालिकेच्या निवडणुकीत काँग्रेसचे जावेद जुनेजा हे या ठिकाणाहून निवडून आले होते.

यंदाच्या निवडणुकीत काय होण्याची शक्यता

2017 च्या मुंबई महापालिका निवडणुकीत या प्रभागातून एकूण 23372 मते पडली होती. त्यात काँग्रेसच्या जावेद जुमेजा यांना 7205 मते मिळाली होती. ते निवडून आले होते. दुसऱ्या क्रमांकावर शिवसेना होती. शिवसेनेच्या सुनील कदम यांना 5293 मते मिळाली होती. सपाचे उमेदवार वसीम सय्यद यांनी 4338 मते घेतली होती. तर एमआयएमचे राईन मोहम्मद यांनी 2112 मते घेतली होती. भाजपाच्या विनयकुमार त्रिपाठी यांना 2158 मते मिळाली होती. मुस्लीम मतांचे विभाजन टाळले असते तर या ठिकाणी सपा, एमआयएमच्या उमेदवाराला निवडून येण्याची संधी होती.