500 रुपयांमध्ये खोली, 50 रुपयांची बिर्याणी…Zomato डिलीव्हरी बॉयने व्हिडिओतून दाखवले मुंबईचे जीवन
zomato delivery boy in muambai: काही यूजर्स त्याला मॉडलिंग करण्याचा सल्ला देत आहेत. काही जण सर्व ठीक होईल, असा दिलासा मिळवून देत आहे. काही जण मुंबईतील परिस्थिती पाहून त्याला पुन्हा आपल्या घरी परत जाण्याचा सल्ला देत आहेत. थोडा धीर धर, तुला हवे ते मिळेल, असे काही युजर्स त्याला सांगतात.
![500 रुपयांमध्ये खोली, 50 रुपयांची बिर्याणी…Zomato डिलीव्हरी बॉयने व्हिडिओतून दाखवले मुंबईचे जीवन 500 रुपयांमध्ये खोली, 50 रुपयांची बिर्याणी…Zomato डिलीव्हरी बॉयने व्हिडिओतून दाखवले मुंबईचे जीवन](https://images.tv9marathi.com/wp-content/uploads/2024/07/zomoto.jpg?w=1280)
भारतातील लाखो लोक रोजगारासाठी आपले घर सोडून दुसऱ्या शहरात येतात. त्यातील अनेक लोक मुंबई मायानगरीची वाट धरतात. परंतु मुंबईमध्ये राहणे सोपे नाही. अनेक आव्हानांचा सामना मुंबईत बाहेरुन येणाऱ्या लोकांना करावा लागतो. त्यात मुंबईत निवारासाठी जागा मिळणे एक दिव्यच असते. मुंबईतील या समस्येसंदर्भात एका झोमॅटो बॉयने व्हिडिओ बनवून वास्तव्य समोर आणले आहे. सोशल मीडियावर त्याचा हा इमोशनल व्हिडिओ चांगलाच व्हायरल झाला आहे.
50 रुपयांची बिर्याणी
झोमॅटो बॉयने केलेल्या या व्हिडिओची सुरुवात एका लहान खोलीतून होते. तो त्यात दाखवतो 500 रुपये भाडे देऊन तो झोपडीत राहतो. त्या झोपडीपर्यंत पोहचण्यासाठी त्याला लहान, लहान गल्ल्यांमधून जावे लागते. त्यानंतर तो लोखंडाचा दरवाजा दाखवतो. त्या ठिकाणावरुन चढून त्याला वर जावे लागते. त्या ठिकाणी खोलीत असणाऱ्या एका व्यक्तीचा परिचय तो ‘सोनू भैया’ म्हणून करतो. त्यानंतर त्या खोलीची परिस्थिती दाखवतो. तसेच व्हिडिओमध्ये 50 रुपयांची बिर्याणी खाताना तो दिसतो. शेवटी तो म्हणतो, त्याला काही आरोग्याची समस्या आहे. यामुळे त्याला वैद्यकीय उपचारावर खूप खर्च करावा लागतो. तो आपल्या परिवाराकडूनही पैसे मागू शकत नाही. यामुळे त्याला या ठिकाणी संघर्ष करावा लागत आहे.
![Image](https://images.tv9marathi.com/wp-content/uploads/2024/07/mumbai-metro-3.jpg)
![Image](https://images.tv9marathi.com/wp-content/uploads/2024/07/ajit-pawar-3.jpg)
![Image](https://images.tv9marathi.com/wp-content/uploads/2024/07/shivaji-maharaj-wagh-nakh.jpeg)
![Image](https://images.tv9marathi.com/wp-content/uploads/2024/07/Pandharpur-Wari-1.jpeg)
View this post on Instagram
सोशल मीडियावर सल्ले अन् दिलासा
सोशल मीडिया प्लॅटफॉर्म इंस्टाग्रामवर qb__.07 या आयडीवरुन हा व्हिडिओ शेअर केला गेला आहे. हा व्हिडिओ आतापर्यंत लाखो लोकांनी पाहिला आहे. त्याला अडीच लाखापेक्षा जास्त लोकांनी लाइक केले आहे. अनेकांनी त्यावर कॉमेंट केल्या आहेत. हा व्हिडिओ सोशल मीडियावर चांगलाच व्हायरल झाला आहे.
काही यूजर्स त्याला मॉडलिंग करण्याचा सल्ला देत आहेत. काही जण सर्व ठीक होईल, असा दिलासा मिळवून देत आहे. काही जण मुंबईतील परिस्थिती पाहून त्याला पुन्हा आपल्या घरी परत जाण्याचा सल्ला देत आहेत. थोडा धीर धर, तुला हवे ते मिळेल, असे काही युजर्स त्याला सांगतात.