Navi Mumbai Corona | वारंवार कोरोना नियमांचं उल्लंघन, वाशीमधील ‘क्लब नशा’ पब 36 तासात सील

नवी मुंबई : वाशी येथील पाम बीच गॅलरीयामधील क्लब नशा या पबला महापालिकेकडून (Navi Mumbai Club Nasha In Vashi Sealed) सील करण्यात आले आहे. कोरोना काळात सातत्याने नियमांचे उल्लंघन केल्याने या पबवर ही कारवाई करण्यात आली (Navi Mumbai Club Nasha In Vashi Sealed By NMMC And Police For Violating Corona Rules).

या पबमध्ये शनिवार 6 मार्च रोजी सुरु असलेल्या पार्टीत तरुण-तरुणींकडून दारूचं सेवन करण्यात येत होतं. ज्यामध्ये अल्पवयीन मुलेही असल्याची माहिती नवी मुंबई पोलिसांना मिळाली. या माहितीच्या आधारावर पोलीस उपायुक्त सुरेश मेंगडे, सहाय्यक पोलीस आयुक्त विनायक बस्त आणि एपीएमसी पोलीस ठाण्याचे वरिष्ठ पोलीस निरीक्षक विकास रामुगुडे यांनी या पबवर धाड टाकली.

150 ते 200 तरुण-तरुणी ताब्यात

या धाडीत 150 ते 200 तरुण-तरुणींना पोलिसांनी ताब्यात घेतलं होत. आढळलेल्या तरुणांना ताब्यात घेऊन पब मालकावर कारवाई करण्यात आली आहे. एका बाजूला नवी मुंबई पोलीस आणि नवी मुंबई महापालिका जीवाचं रान करुन कोरोनाचा प्रादुर्भाव थांबवण्यासाठी प्रयत्न करत आहेत आणि दुसऱ्या बाजूला पबमध्ये धांगडधिंगा सुरु होता. त्यांच्याकडून सामाजिक अंतर न पाळणे तसेच मास्क न वापरणे अशा दोन्ही नियमांचे उल्लंघन केले गेले. त्यामुळे एपीएमसी पोलिसांनी कलम 188 नुसार गुन्हा दाखल केला होता. याबाबत पोलिसांनी तुर्भे विभाग अधिकाऱ्यांना पत्रही दिले होते त्याआधारे हा पब सील करण्याची कारवाई करण्यात आली. तर पुढील आदेश येईपर्यंत हा पब बंद राहणार असल्याचेही सांगितले.

नवी मुंबई पोलीस अॅक्शन मोडमध्ये

मागील आठवड्यापासून पोलीस आणि महापालिकेने कारवाईचा बडगा उगारला असताना देखील पब मालक अशा करवायांना धजावत नसल्याने आता नवी मुंबई पोलिसांनी कडक कारवाई करण्याचा निर्णय घेतला आहे. शहरात कोरोनाचे नियम तोडणाऱ्या 500 नागरिकांवर गुन्हे दाखल करण्यात आले आहेत. तर मास्क न घालणाऱ्या 10 हजार नवी मुंबईकरांवर दंडात्मक कारवाई करण्यात आली आहे.

नवी मुंबई पोलिसांच्या रडारवर आता नियम तोडणारे पब आणि डान्सबार आहेत, अशी माहिती पोलीस उपायुक्त सुरेश मेंगडे यांनी दिली आहे. त्यामुळे आगामी काळातही पोलिसांकडून अशीच कारवाई केली जाण्याची शक्यता आहे.

Thane Corona | ठाण्यात कोरोनाचा धोका वाढला, ‘हे’ 16 ठिकाण कोरोना हॉटस्पॉट ठरल्यामुळे 31 मार्चपर्यंत लॉकडाऊनhttps://t.co/s87HFh06HG#thane | #CoronaVaccine |#coronavirus | #CoronaUpdatesInIndia | #Thane

— TV9 Marathi (@TV9Marathi) March 8, 2021

Navi Mumbai Club Nasha In Vashi Sealed By NMMC And Police For Violating Corona Rules

संबंधित बातम्या :

कोरोना रुग्ण होम आयसोलेशनमध्ये व्यवस्थित राहत नाहीत? आता भरारी पथकाची नजर ठेवणार

महाराष्ट्रातील तीन शहरं लॉकडाऊनच्या उंबरठ्यावर, तुमच्या शहरातील कोरोना स्थिती काय?

मुंबईत उडान फाऊंडेशन सरकारी दरात घरच्या घरी कोरोना चाचणी करणार, मुंबईकरांसाठी महत्त्वाची बातमी