नवी मुंबईत मौजमस्ती करण्यासाठी अल्पवयीन मुलांकडून वाहन चोऱ्या

या पथकाने सापळा रचून दोघा अल्पवयीन मुलांना ताब्यात घेतले होते. अधिक चौकशीत त्यांनी सहा गुन्ह्यांची कबुली दिली असता, त्यामधील नऊ मोटरसायकल हस्तगत करण्यात आल्या. या दुचाकी त्यांनी ठाणे, नवी मुंबई परिसरातील त्यांच्या मित्रांकडे लपविल्या होत्या.

Reporter Suresh Das | Updated on: Oct 02, 2021 | 11:04 PM

नवी मुंबई : नवी मुंबईतून दुचाकी वाहनांची चोरी करणाऱ्या सराईत बाल गुन्हेगारांना पोलिसांनी ताब्यात घेतले आहे. तर त्यांच्याकडून 9 चोरीच्या दुचाकी हस्तगत केल्या आहेत. दोन गुन्हेगाराना पकडण्यात आले असून तिसरा फरार आहे. तर पोलीस त्याचा शोध घेत आहेत. या टोळीला यापूर्वीदेखील अटक झाली असून, अल्पवयीन असल्याचा फायदा त्यांच्याकडून घेतला जात असल्याचे सांगण्यात येत आहे. (Vehicle thefts from minors for fun in Navi Mumbai)

चौकशीत आरोपींकडून सहा गुन्ह्यांची कबुली

नेरुळ व उलवे परिसरात वास्तव्याला असलेले काही बाल गुन्हेगार वाहनचोरी करीत असल्याची माहिती मध्यवर्ती कक्षाला मिळाली होती. त्याद्वारे गुन्हे शाखा उपायुक्त सुरेश मेंगडे यांच्या मार्गदर्शनाखाली वरिष्ठ निरीक्षक विजयसिंह भोसले, सहायक निरीक्षक राजेश गज्जल, हवालदार लक्ष्मण कोटकर आदींचे पथक तयार करण्यात आले होते. या पथकाने सापळा रचून दोघा अल्पवयीन मुलांना ताब्यात घेतले होते. अधिक चौकशीत त्यांनी सहा गुन्ह्यांची कबुली दिली असता, त्यामधील नऊ मोटरसायकल हस्तगत करण्यात आल्या. या दुचाकी त्यांनी ठाणे, नवी मुंबई परिसरातील त्यांच्या मित्रांकडे लपविल्या होत्या. त्यांचा अल्पवयीन तिसरा साथीदार पोलिसांच्या हाती लागला नसून, पोलीस त्याचाही शोध घेत आहेत. या अल्पवयीन टोळीने यापूर्वीदेखील शहरात वाहनचोऱ्या केल्या आहेत. त्यामध्ये यापूर्वीदेखील त्यांना अटक झालेली आहे. यानुसार आजवर या टोळीकडून 20 हून अधिक दुचाकी जप्त करण्यात आलेल्या आहेत.

अल्पवयीन मुलीचेही अपहरण केले

गुन्हा करूनही केवळ अल्पवयीन असल्याने आपल्यावर कठोर कारवाई होत नसल्याचा फायदा या टोळीकडून घेतला जात आहे. त्यामुळे पोलिसांची कारवाई झाल्यास बालसुधारगृहात राहून आल्यानंतर ते पुन्हा वाहनचोरी करायचे, चोरलेल्या मोटरसायकल मौजमजेसाठी वापरल्यानंतर, त्या ओळखीच्या मित्रांकडे ठेवून द्यायचे. त्यामुळे एकापेक्षा अधिक गुन्हे करणाऱ्या अल्पवयीन मुलांबाबत देखील कठोर कारवाईची कायद्यात तरतूद करण्याची गरज निर्माण झाली आहे. या अल्पवयीन मुलांच्या टोळीपैकी एकाने शहरातून मुलीचे अपहरण देखील केले असल्याची माहिती समोर येत आहे. सदर मुलीला प्रेमाच्या जाळ्यात ओढून राज्याबाहेर पळवून नेले असल्याचे समजते. यातून सदर अल्पवयीन मुलगी गरोदर असल्याचेही सूत्रांकडून समजते. त्याद्वारे या प्रकरणाचा उलगडा करण्यासाठी गुन्हे शाखा पोलीस त्यांच्याकडे अधिक तपास करीत आहेत. (Vehicle thefts from minors for fun in Navi Mumbai)

HSBC कडून दिवाळी गिफ्ट! गृहकर्जाचे व्याजदर कमी, जाणून घ्या EMI किती?#FactsAboutHomeLoan #homeloanEMI #howtotakehomeloanatlowinterestrate #sbi #SBIloan https://t.co/9S7cHCr8W9

— TV9 Marathi (@TV9Marathi) October 2, 2021