“पाच-सहा वर्षात काय दिवे लावले ?” बैठकीतच आमदारांना प्रश्न, रस्त्याच्या कामावरुन नागरिक आक्रमक

अकोला : रस्त्याचा प्रश्न मार्गी लागत नसल्याममुळे नागरिकांनी अकोला जिल्हाधिकारी कार्यालयातील नियोजन भवनामध्ये गोंधळ घातला. यामध्ये आमदारांचे कार्यकर्ते आणि मतदार यांच्यात चांगलाच वाद रंगला. अकोट मतदारसंघातील तेल्हारा तालुक्यातील रस्त्यांबाबत ही बैठक बोलावण्यात आली होती. (Citizens mess up in Akola collector and MLA meeting demanding rapid road construction work)

बैठकीला आमदार, जिल्हाधिकारी उपस्थित 

या बैठकीत अकोट मतदारसंघाचे भाजप आमदार प्रकाश भारसाकळे, आमदार रणधीर सावरकर, भाजप महानगर अध्यक्ष विजय अग्रवाल, जिल्हाधिकारी निमा अरोरा आदी नेते उपस्थित होते. या नेत्यांच्या उपस्थितीत गावकऱ्यांनी आक्रमक पवित्रा धारण केल्यामुळे या गोंधळाची एकच चर्चा रंगली आहे.

रस्त्याच्या प्रश्नामुळे मतदार आक्रमक

आोयजित करण्यात आलेल्या बैठकीत अकोला जिल्ह्यातील तेल्हारा तालुक्यातील रस्त्यांबाबत चर्चा करण्यात येत होती. यावेळी चर्चेदरम्यान काही नागरिक अचानकपणे आक्रमक झाले. नागरिकांनी बैठक सुरु असतानाच गोंधळ घालणे सुरु केले. तसेच अकोल्यामध्ये बैठक घेणे म्हणजे नागरिकांना मूर्ख बनविण्याचा प्रयत्न आहे. पाच-सहा वर्षाच्या कालावधीत काय दिवे लावले ? हे आमदारांनी सांगावे, असा खडा सवाल नागरिकांनी केला.

यापूर्वीही आमदार भारसाकळे यांना विरोध 

दरम्यान रस्त्याच्या कामामुळे मतदारांनी केलेल्या या राड्याचा व्हिडीओ समोर आला आहे. यामध्ये कार्यकर्ते तसेच मतदार आमनेसामने आल्याचे दिसत आहे. दोन दिवसांपूर्वीही तेल्हारा येथे रस्त्याच्या भूमीपूजनाच्या कार्यक्रमाला आल्यानंतर आमदार भारसाकळे यांना विरोध झाला होता.

पाहा व्हिडीओ :

इतर बातम्या :

कोव्हिड लसीकरण पडताळणी प्रक्रियेपासून सुट्टी, लोकल प्रवाशांना आता ई-पास मिळणार

आपल्या आवाजात फोन आल्याचं ऐकून पवारही आश्चर्यचकीत, संशयित ताब्यात; तपास सुरू

हॅलो, सिल्व्हर ओकवरुन बोलतोय, ते बदलीचं बघा, शरद पवारांच्या आवाजात मंत्रालयात फोन

(Citizens mess up in Akola collector and MLA meeting demanding rapid road construction work)