आमच्या धर्माच्या मुलीला फसवतो काय?; लव्ह जिहादच्या संशयावरून 15 जणांची तरुणाला बेदम मारहाण

सोलापुरात अत्यंत धक्कादायक घटना घडली आहे. एका तरुणाला लव्ह जिहादच्या संशयावरून 15 जणांच्या टोळक्याने जबर मारहाण केली आहे. त्यामुळे एकच खळबळ उडाली आहे. या प्रकरणी एकाला अटक करण्यात आली आहे.

आमच्या धर्माच्या मुलीला फसवतो काय?; लव्ह जिहादच्या संशयावरून 15 जणांची तरुणाला बेदम मारहाण
solapur police stationImage Credit source: tv9 marathi
Follow us
| Updated on: Jun 09, 2023 | 8:00 AM

सोलापूर : औरंगजेबाचा फोटो नाचवणे, आक्षेपार्ह स्टेट्स ठेवणे यावरून राज्यातील काही भागात तणावाची स्थिती असतानाच सोलापुरात आणखी एक धक्कादायक प्रकार घडला आहे. लव्ह जिहादच्या संशयावरून 15 जणांच्या टोळक्यांनी एका तरुणाला बेदम मारहाण केली आहे. या मारहाणीत हा तरुण गंभीर जखमी झाला आहे. त्याला रुग्णालयात उपचारासाठी दाखल करण्यात आले आहे. या प्रकरणी पोलिसांनी गुन्हा दाखल केला असून एका आरोपीला अटक केली आहे. मात्र, केवळ संशयावरून एका तरुणाला मारहाण करण्यात आल्याने सोलापुरात खळबळ उडाली आहे. या घटनेचा सर्वच स्तरातून निषेध केला जात आहे.

सोलापुरात लव्ह जिहादच्या संशयावरून एका युवकाला 15 जणांच्या टोळक्याने मारहाण केली आहे. आमच्या धर्माच्या मुलीला फसवतो का? असे म्हणत ही मारहाण करण्यात आल्याचा आरोप पीडित युवकाने आपल्या फिर्यादित केला आहे. या प्रकरणी एका आरोपीला पोलिसांनी अटक केली असून अन्य आरोपीचा शोध घेतला जात आहे. या सर्व आरोपीं विरोधात भादंवि कलम 363, 324, 341, 143, 147, 149, 504 आणि 506 प्रमाणे गुन्हा दाखल करण्यात आला आहे.

हे सुद्धा वाचा

कॉफी शॉपमध्ये गप्पा मारत असताना…

या प्रकरणात फिर्यादी असलेला तरुण सोलापूर शहरातील एका महाविद्यालयात एमएसडब्ल्यूचे शिक्षण घेत आहे. त्याच्या महाविद्यालयात शिकणाऱ्या दोन मुली या अनेक दिवसांनी त्याला भेटल्या. त्यामुळे हे सर्व जण महाविद्यालयाच्या जवळ असलेल्या एका कॉफीशॉपमध्ये गप्पा मारत बसले होते. काही वेळाने तरुणांची एक टोळी त्यांच्या जवळ आली आणि तू आमच्या धर्मातील मुलींसोबत का बोलतो? असा जाब फिर्यादी तरुणाला विचारू लागले. त्यामुळे या टोळक्यांशी तरुणाची शाब्दिक चकमक उडाली.

पोलिसात गुन्हा दाखल

त्यानंतर या टोळक्यातील तरुणांनी फिर्यादी तरुणास एमआयडीसी परिसरात नेलं आणि त्या ठिकाणी पुन्हा त्याला जाब विचारत मारहाण केली. या टोळक्यांनी बेदम मारहाण केल्याने हा तरुण जखमी झाला. त्यामुळे तो जमिनीवर कोसळला. त्यामुळे आजूबाजूला असलेल्या लोकांनी या तरुणाला तात्काळ शासकीय रुग्णालयात उपचारासाठी दाखल केले. त्यानंतर संबंधित तरुणाच्या फिर्यादीवरून सोलापूर शहर पोलिसात गुन्हा दाखल करण्यात आला आहे.

सोशल मीडियावर नजर

घटनेची माहिती मिळताच सोलापूर शहर पोलिसांनी ताबडतोब तपास करत एका आरोपीला अटक केली. इतर आरोपीची देखील ओळख पटली असून कायदेशीर कारवाई सुरु असल्याची माहिती सोलापूर पोलीस उपायुक्त विजय कबाडे यांनी दिली. दरम्यान, सोशल मीडियावर सोलापूर सायबर पोलीस नजर ठेवून आहे. दोन समाजात तेढ निर्माण करण्याचे कोणी षडयंत्र करत असेल तर सोलापूर पोलीस त्यावर कठोर कारवाई करेल, अशी प्रतिक्रिया पोलीस उपायुक्त विजय कबाडे यांनी दिली.

... अन् एकटी महिला भिडली, छेड काढणाऱ्याला चांगलंच चोपल, बघा व्हिडीओ
... अन् एकटी महिला भिडली, छेड काढणाऱ्याला चांगलंच चोपल, बघा व्हिडीओ.
मुंबईतील काँग्रेस कार्यालयात घुसून आंदोलन करणं 'भाजप युवा'च्या अंगाशी
मुंबईतील काँग्रेस कार्यालयात घुसून आंदोलन करणं 'भाजप युवा'च्या अंगाशी.
'ए अंबादास खाली बस...', शिंदेंनी विरोधकांना फटकारलं, सभागृहात काय झाल?
'ए अंबादास खाली बस...', शिंदेंनी विरोधकांना फटकारलं, सभागृहात काय झाल?.
'.. आता भाजपची वाट', सुषमा अंधारे यांचा नेमका कोणाला खोचक टोला?
'.. आता भाजपची वाट', सुषमा अंधारे यांचा नेमका कोणाला खोचक टोला?.
बीड सरपंच संतोष देशमुखांची हत्या, शवविच्छेदन अहवालातून काय आलं समोर?
बीड सरपंच संतोष देशमुखांची हत्या, शवविच्छेदन अहवालातून काय आलं समोर?.
अचानक संध्याकाळी 17 लाख मतं वाढली? EVMच्या आरोपांवर फडणवीसांचं उत्तर
अचानक संध्याकाळी 17 लाख मतं वाढली? EVMच्या आरोपांवर फडणवीसांचं उत्तर.
'लाडक्या बहिणीं'नो तुमच्यासाठी मोठी बातमी, डिसेंबरचा हफ्ता कधी मिळणार?
'लाडक्या बहिणीं'नो तुमच्यासाठी मोठी बातमी, डिसेंबरचा हफ्ता कधी मिळणार?.
अध्यक्ष महोदय बोट दुर्घटना तुमच्याच मतदारसंघातील, दादा असं का म्हणाले?
अध्यक्ष महोदय बोट दुर्घटना तुमच्याच मतदारसंघातील, दादा असं का म्हणाले?.
'बहुमत मिळाल्यानं गांगरून गेलेत', मनसे नेत्याची महायुतीवर सडकून टीका
'बहुमत मिळाल्यानं गांगरून गेलेत', मनसे नेत्याची महायुतीवर सडकून टीका.
...म्हणून भूजबळांना महायुतीच्या मंत्रिमंडळातून डावललं, कारणं आली समोर
...म्हणून भूजबळांना महायुतीच्या मंत्रिमंडळातून डावललं, कारणं आली समोर.