Marathi News Maharashtra Pune Pune accident bus break fail on kumthekar road in pune vehicle collide with each other many injured
Pune Accident : पुण्यातील कुमठेकर रोडवर बसचा ब्रेक फेल, गाड्या एकमेकांवर आदळल्या, अनेकजण जखमी
पुण्यातील कुमठेकर रोडवर बसचा ब्रेक फेल झाल्याचा धक्कादायक प्रकार समोर आला आहे. यात गाड्या एकमेकांवर आदळल्या आहेत. या दुर्घनेत अनेकजण जखमी झाल्याचीही माहिती समोर आली आहे.
पुण्यातील कुमठेकर रोडवर बसचा ब्रेक फेल, गाड्या एकमेकांवर आदळल्याImage Credit source: tv9
पुणे : पुण्यातील कुमठेकर रोडवर बसचा ब्रेक फेल (Break Fail) झाल्याचा धक्कादायक घडला आहे. (Road Accident) यात गाड्या एकमेकांवर आदळल्या (Bus Accident) आहेत. या दुर्घटनेत 2 ते 3 जण जखमी असल्याची प्राथमिक माहिती प्रत्यक्षदर्शींनी दिली आहे. तर 7 ते 8 वाहनाचं नुकसान यामध्ये झालंय. पुण्यातली अपघाताचे प्रमाण गेल्या काही दिवसांत वाढले आहेत. हे अपघात होण्याची कारणं वेगवेगळी असली तरी त्याचा फटका मात्र नेहमीच पुणेकरांना बसत आहे. कधी वाहन चालकाच्या चुकीमुळे तर कधी वाहनातील बिघाडामुळे झालेले अपघात पुणेकरांचे टेन्शन वाढवत आहे. गेल्या अनेक दिवसात अशा अनेक घटना घडल्या आहे. त्यामुळे आता या अपघातांवर मात करण्याचं आवाहन पुणेकरांवर असणार आहे. या बसच्या अपघातानंतरचे काही व्हिडिओ समोर आले आहेत. यातून या अपघाताची तीव्रता दिसून येते.
या बसकडे बारकाईने पाहिल्यास ही बस हडपसरकडे जाताना दिसून येत आहे. तसेच डेक्कान, मंडई, असा या बसता मार्ग होता. याच मार्गावर या बसचा ब्रेक फेल झाला आहे. पुणे महानगरपालिकिच्या अपघात झालेल्या या बसचा नंबर आहे. एम. एच. 12, HB 0536. या अपघाताच्या व्हिडिओत पाहिल्यास सहज नजरेस पडते की या बसने बाजुने जाणाऱ्या एका रिक्षाचा चेंदा केला आहे. या अपघातानंतर बघ्यांचीही बरीच गर्दी रस्त्यावर जमली होती.
कोणतीही जिवीतहानी नाही
असे अपघात अनेकदा जिवावर बेतणारेही ठरतात. मात्र सुदैवाने या अपघातात काही जण जखमी झाले असले तरी कोणतीही जिवीतहानी झाली नाही. मात्र या गाड्याचं नुकसान झाल्याने मोठा आर्थिक फटका हा वाहनचालकांना बसला आहे. ब्रेक जरी अचानक फेल झाले असले तरी चालकाने वेळीच ही बस मोठ्या कसरतीने रोखल्याने मोठा धोकाही टळला आहे.
