ISIS सोबत सिमी अन् इंडियन मुजाहिदीन, पुणे दहशतवादी प्रकरणात मोठा खुलासा

terrorism (file photo)

Image Credit source: tv9 Marathi

पुणे | 17 ऑगस्ट 2023 : पुणे शहरात १८ जुलै रोजी पुणे पोलिसांनी दोन दशतवाद्यांना अटक केली होती. त्यापूर्वी मुंबई अन् पुणे शहरात ३ जुलै रोजी काही जणांना अटक केली होती. एनआयएच्या मोस्ट वॉटेंड दहशतवाद्यांच्या यादीत असलेले इम्रान खान आणि मोहम्मद युनूस साकी हे आरोपी होते. या प्रकरणाचा तपास सुरुवातील एटीएसने केला आता एनआयएकडे हा तपास आला आहे. या दोघांचे इसिस असलेले संबंध आधीच उघड झाले होते. या प्रकरणात आरोपी शाहनवाज आलम हा मुख्य सूत्रधार असून तो नामशेष झालेल्या दहशतवादी संघटना सिमी अन् इंडियन मुजाहिदीनला पुन्हा सक्रीय करण्याचा प्रयत्न करत आहे.

या संघटना पुन्हा एकत्र येणार

इस्लामिक स्टेट (आयएस) ही दहशवादी संघटना नाही तर अन्य दोन दहशतवादी संघटनांनाही पुन्हा एकत्र आल्या आहेत. स्टुडंट इस्लामिक मुव्हेमेंट ऑफ इंडिया म्हणजेच सिमी आणि इंडियन मुजाहिदीन या संघटना पुन्हा सक्रीय होत असल्याची चिन्ह दिसून येत आहे. सुरक्षा संस्थांनी यासंदर्भात माहिती दिली.

हा आरोपी दुवा

राष्ट्रीय तपास संस्थेने ३ जुलै रोजी चार जणांना अटक केली होती. त्यात एक मुंबईतून, दोन ठाण्यातून तर एक पुणे शहरातील होते. हे सर्व जण इसिससाठी काम करत होते. या प्रकरणाचा संबंध हजारीबाग येथील प्रकरणाशी येत आहे. हजारीबाग येथील साकीब नचान हा मुंबईत झालेल्या तिहेरी बॉम्बस्फोट प्रकरणातील आरोपी होता. त्याला दहा वर्षांचा शिक्षा झाली होती. तो या सर्व प्रकरणात महत्वाचा दुवा ठरत आहे.

जुन्या संघटना पुन्हा सक्रीय

शाहनवाज आलम हा या प्रकरणात महत्वाचा खिलाडी आहे. ज्या संघटना जवळपास संपल्या होत्या, त्यांना पुन्हा सक्रीय करण्याचे काम तो करत आहे. सुरक्षा यंत्रणेच्या डोळ्यात धुळ फेकत त्याने हे काम चालवले होते. परंतु आता तो पकडला गेला आहे.

सुरक्षा संस्थांचे असा आहे खुलासा

• आरोपी उच्च शिक्षित असून त्यांनी आयटी, सायबर, विस्फोटक आणि इम्प्रोवाइज्ड एक्सप्लोसिव्ह डिवाइसचे प्रशिक्षण घेतले आहे.
• एकत्र आलेल्या आरोपींमध्ये वैचारिक मतभेद होते, पण पुन्हा ते एकत्र आले. त्यासाठी सिमी आणि आयएमची भूमिका महत्वाची ठरली.
• सिरीया आणि इराकमध्ये त्यांचे हँडलर आहेत.
• पुणे प्रकरणात त्यांना वेगवेगळ्या प्रकरणात फडिंग झाली. त्यांना नियमित विदेशातून फंड मिळत होता.