Satara Gram Panchayat Election Results 2021: मुख्यमंत्र्यांच्या नेतृत्वावर शिक्कामोर्तब; शंभूराज देसाई यांची पहिली प्रतिक्रिया
राज्याचे गृहराज्य मंत्री शंभूराज देसाई यांनी पाटणमध्ये आपलं वर्चस्व कायम ठेवलं आहे. (shambhuraj desai reaction on Gram Panchayat Election Results)
सातारा: राज्याचे गृहराज्य मंत्री शंभूराज देसाई यांनी ग्रामपंचायत निवडणुकीत पाटणमध्ये आपलं वर्चस्व कायम ठेवलं आहे. पाटण तालुक्यात 13 ग्रामपंचायती शिवसेनेला मिळाल्या आहेत. त्यावर शंभूराज देसाई यांनी समाधान व्यक्त केलं आहे. राज्यभरात शिवसेनेला घवघवीत यश मिळत आहे. खेड्यापाड्यातील जनतेने मुख्यमंत्र्यांचं नेतृत्व स्वीकारल्याचं त्यातून स्पष्ट होत आहे, असं देसाई यांनी सांगितलं. (shambhuraj desai reaction on Gram Panchayat Election Results)
शंभूराज देसाई यांनी टीव्ही 9 मराठीशी बोलताना ही प्रतिक्रिया व्यक्त केली आहे. जनतेची सेवा करण्याचे आणि जनतेचे प्रश्न सोडवण्याचे आदेश मुख्यमंत्री उद्धव ठाकरे यांनी आम्हाला दिले होते. त्यानुसार आम्ही काम करत होतो. पिण्याच्या पाण्याचे प्रश्न आणि जनतेच्या इतर समस्या आम्ही सोडवत होतो. त्याचचं प्रतिबिंब आजच्या निकालात दिसून आलं. लोकांनी शिवसेनेचं नेतृत्व स्वीकारलं आहे. कोविड, वादळ, अतिवृष्टीच्या काळात शिवसेनेने केलेल्या कामाची ही पावतीच आहे. आम्ही तळागाळापर्यंत जाऊन काम केलं. त्याचा हा परिणाम आहे. खेड्यापाड्यातील लोकांनी मुख्यमंत्र्यांच्या नेतृत्वावर केलेलं हे शिक्कामोर्तब आहे, असं देसाई यांनी सांगितलं.
सत्तेचा उपयोग लोकांसाठी केला पाहिजे. सत्ता ही आमदार, मंत्र्यांना फिरण्यासाठी नसते. ज्या लोकांनी तुम्हाला सत्तेत बसवलं त्या लोकांसाठी सत्ता वापरली पाहिजे. त्यांची कामं केली पाहिजे, ही आमच्या पक्षाची शिकवण आहे. तेच काम आम्ही करत असतो, असं त्यांनी सांगितलं. यापूर्वीही स्थानिक निवडणुकांमध्ये शिवसेना ताकदीने लढत होती. काही ठिकाणी आम्ही सत्तेत होतो. पण स्थानिक प्रशासनाच्या माध्यमातून जनतेची प्रश्न मोठ्या प्रमाणवर सोडण्याच्या विचार करूनच गेल्या वर्षभरापासून आण्ही लोकांच्या संपर्कात गेलो. पक्षबांधणी केली. त्यामुळेच आज यश मिळत आहे, असंही ते म्हणाले. (shambhuraj desai reaction on Gram Panchayat Election Results)
#गुलालकुणाचा – रत्नागिरीत 360 ग्रामपंचायतींसाठी मतदान, आमदार भास्कर जाधव, योगेश कदम यांची प्रतिष्ठा पणाला, दहा वाजता मतमोजणी सुरु होणार, ग्रामपंचायत निवडणुकांचा वेगवान निकाल, सर्वात आधी टीव्ही 9 मराठीवर https://t.co/atVRNYvTQS #GramPanchayatElectionResults pic.twitter.com/85zKJpmtgA
— TV9 Marathi (@TV9Marathi) January 18, 2021
संबंधित बातम्या:
kolhapur Gram Panchayat Election Results 2021: कोल्हापूरमध्ये भाजपला यश; 13 पैकी 11 जागांवर कमळ
Nanded Gram Panchayat Election Results 2021: … म्हणून ‘या’ गावात निकाल पाहायला गावकरीच उरले नाहीत
(shambhuraj desai reaction on Gram Panchayat Election Results)