Cyclone Tauktae | मालवणचा समुद्र खवळला, सोसाट्याच्या वाऱ्यासह मुसळधार पाऊस, सिंधुदुर्गात रेड अलर्ट, मुंबईपासून संकट 450 किमीवर
अरबी समुद्रात घोंघावणारं ‘तौत्के’ चक्रीवादळाने आता रौद्र रुप धारण करण्यास सुरुवात केली आहे (Red Alert in Sidhudurga due to Cyclone Tauktae)
सिंधुदुर्ग : अरबी समुद्रात घोंघावणारं ‘तौत्के’ चक्रीवादळाने आता रौद्र रुप धारण करण्यास सुरुवात केली आहे. या वादळामुळे सिंधुदुर्ग जिल्ह्यात प्रचंड मुसळधार पाऊस सुरु आहे. चक्रीवादळाचा वेग वाढण्याची शक्यता वर्तवली जात आहे. किनारपट्टी भागात ताशी 150 ते 180 किमी वेगाने वारे वाहण्याची शक्यता आहे. सिंधुदुर्गात अनेक ठिकाणी मुसळधार पाऊस सुरु आहे. त्यामुळे हवामान विभागाकडून रेड अलर्ट जारी करण्यात आलं आहे (Red Alert in Sidhudurga due to Cyclone Tauktae).
हवामान विभागाकडून काळजी घेण्याचं आवाहन
हवामान विभागाचे अधिकारी के एस होसाळीकर यांनी आपल्या अधिकृत ट्विटर अकाउंटवर सिंधुदुर्ग जिल्ह्यातील परिस्थिती विषयी माहिती दिली आहे. सिंधुर्गात आज दिवसभर मुसळधार पावसाचा इशारा देण्यात आला आहे. वादळी वाऱ्यांमुळे सिंधुदुर्गात काही झाडे, विजेचे पोल उन्मळून पडल्याच्याही घटना समोर आल्या आहेत. मुसळधार पावसाच्या पार्श्वभूमीवर होसाळीकर यांनी सर्वांना काळजी घेण्याचं आवाहन केलं आहे Red Alert in (Sidhudurga due to Cyclone Tauktae).
Sindudurg District is given Red Alert by IMD for today with possibilities of Extremely heavy rainfall at isol places with gale winds Watch for tree falls, fallen live power cables, flash floods, flying sharp objects and ofcourse intense rains. Stay way from seashore pl Take care https://t.co/7tvnMjE7br
— K S Hosalikar (@Hosalikar_KS) May 16, 2021
किनारपट्टीवरील 68 नागरिकांना सुरक्षित स्थळी हलवलं
तौक्ते चक्रीवादळ सध्या सिंधुदुर्गाच्या मालवण किनारपट्टीजवळ आहे. मालवणचा समुद्र सकाळपासून खवळलेला आहे. मालवणच्या किनारपट्टीवर सकाळी अकरा वाजेपासून दोन ते तीन मीटरच्या उंचीपर्यंत लाटा उसळत होत्या. या चक्रीवादळाच्या पार्श्वभूमीवर जिल्हा प्रशासन देखील सतर्क झालं आहे. जिल्हा प्रशासनाने किनारपट्टीरील 68 नागरिकांना सुरक्षित स्थळी हलवलं आहे.
मुंबईतही जोरदार वारे वाहण्याचा इशारा
तौक्ते चक्रीवादळ मुंबईपासून जवळपास 450 किमी लांब आहे. या चक्रीवादळामुळे मुंबईतही दुपारनंतर जोरदार वारे वाहणार आहेत. तसेच या चक्रीवादळामुळे मुंबईत किनारपट्टी भागातही सकाळी आणि काल रात्रीही पाऊस पडला होता. हे वादळ सध्यातरी मुंबईच्या किनारपट्टीवर धडकणार नसल्याचा अंदाज आहे. मात्र, या चक्रीवादळामुळे मुंबईसह ठाण्यातही मुसळधार पावसाचा इशारा देण्यात आला आहे.
संबंधित व्हिडीओ :
संबंधित बातमी : Tauktae Cyclone | जम्बो कोव्हिड सेंटरमधील रुग्णांचे स्थलांतर ते रुग्णालयात बॅकअप यंत्रणा, राज्य शासनाची नेमकी तयारी काय?
