AQI
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

भाजपचा खांदा वापरुन शिंदे गटाच्या प्रवक्त्याची ‘शिकार’? ठाकरे गटाची संजय शिरसाट यांच्याविरोधात मोठी खेळी, हा उमेदवार मैदानात

Sanjay Shirsat Western Assembly Constituency : एकनाथ शिंदे गटाच्या प्रवक्ते संजय शिरसाट यांच्या मतदारसंघात उद्धव ठाकरे गटाने मोठी खेळी खेळली आहे. भाजपमधून आणलेल्या नेत्याला आगामी विधानसभेसाठी उमेदवारी देण्याची तयारी सुरू केली आहे. त्यामुळे या मतदारसंघात आता चुरशीचा सामना रंगण्याची शक्यता आहे.

भाजपचा खांदा वापरुन शिंदे गटाच्या प्रवक्त्याची 'शिकार'? ठाकरे गटाची संजय शिरसाट यांच्याविरोधात मोठी खेळी, हा उमेदवार मैदानात
पश्चिम विधानसभा मतदारसंघात लवकरच धुमश्चक्री
Follow us
| Updated on: Sep 07, 2024 | 10:51 AM

छत्रपती संभाजीनगरच्या पश्चिम विधानसभा मतदारसंघासाठी उद्धव ठाकरे गटाने मोठी खेळी खेळली आहे. या मतदारसंघाचे सध्याचे आमदार संजय शिरसाट यांच्याविरोधात व्हाया भाजपमधून आलेल्या नेत्याची वर्णी लागली आहे. शिरसाट हे शिंदे गटाचे प्रवक्ते आहेत. त्यांच्याविरोधात भाजपमधील उमेदवाराला आपल्याकडे वळवत महायुतीला मोठा धक्का देण्याचा महाविकास आघाडीचा डाव कितपत यशस्वी होतो, हे येत्या विधानसभेला समोर येईलच.

राजू शिंदे यांची केली निवड

छत्रपती संभाजीनगर पश्चिम विधानसभा मतदार संघाच्या प्रमुख पदी राजू शिंदे यांची निवड केली आहे. शिवसेना ठाकरे गटाच्या वतीने हा निर्णय घेण्यात आला. राजू शिंदे यांच्या निवडीनंतर संजय शिरसाट यांचा विरोधातला उमेदवार निश्चित झाल्याचे मानण्यात येत आहे. या मतदारसंघातून राजू शिंदे इच्छुक होते. पण महायुती धर्मामुळे त्यांना भाजपकडून तिकीट मिळण्याची खात्री नव्हती. त्यामुळे त्यांनी भाजपला सोडचिठ्ठी देत उद्धव ठाकरे गटात प्रवेश केला. राजू शिंदे यांना पश्चिम विधानसभा मतदारसंघातून ठाकरे गट तिकीट देण्याची शक्यता आहे. पश्चिम विधानसभा मतदारसंघातून चंद्रकांत खैरे ही इच्छुक असल्याचे समजते. राजू शिंदे विधानसभा प्रमुख पदी नेमल्यामुळे विधानसभा निवडणुकीची तयारी सुरू झाली आहे.

हे सुद्धा वाचा

एक महिन्यापूर्वी केला प्रवेश

राजू शिंदे हे भाजपचे जिल्ह्यातील मोठे नेते आहेत. ते माजी महापौर पण आहेत. त्यांनी यापूर्वी पण विधानसभा निवडणुकीसाठी चाचपणी केली होती. राज्यात शिवसेना आणि राष्ट्रवादीत फुटू पडून महाविकास आघाडी आणि महायुती असे दोन खेमे तयार झाले. त्यामुळे भाजपच्या अनेक इच्छुकांच्या मनसुब्यावर पाणी फेरले गेले. त्यानंतर जुलै महिन्यात राजू शिंदे यांनी 18 जणांसोबत भाजपला रामराम ठोकला आणि उद्धव ठाकरे गटात प्रवेश केला. त्याचवेळी ते संजय शिरसाट यांच्याविरोधात लढणार असल्याची चर्चा रंगली होती.

बालेकिल्ल्याची बांधणी घेतली हाती

महाविकास आघाडीने मराठवाड्यात लोकसभेला करिष्माई कामगिरी केली. छत्रपती संभाजीनगरचा अपवाद वगळता उद्धव ठाकरे गटाने आलेख उंचावला. लोकसभेला जनतेची सहानुभुतीचा फायदा झाला. त्याच इंधनावर विधानसभेला महायुतीला धक्का देण्याची कसरत महाविकास आघाडी करत आहे. तर उद्धव ठकरे शिवसेनेने मराठवाड्यात ढासळलेल्या राजधानीचा बालेकिल्ला बांधणी करायला घेतला आहे.

युद्धाच्या भीतीनं पाकची झोप उडाली, लोक उपाशी राहू नये म्हणून एकच आदेश
युद्धाच्या भीतीनं पाकची झोप उडाली, लोक उपाशी राहू नये म्हणून एकच आदेश.
'93 हजार पाक सैनिकांचे आत्मसमर्पण...', धवननंतर आफ्रिदीला कुणी सुनावलं?
'93 हजार पाक सैनिकांचे आत्मसमर्पण...', धवननंतर आफ्रिदीला कुणी सुनावलं?.
पहलगाम दहशतवादी हल्ल्याचं रिक्रिएशन; NIA चं पथक बैसरन खोऱ्यात दाखल
पहलगाम दहशतवादी हल्ल्याचं रिक्रिएशन; NIA चं पथक बैसरन खोऱ्यात दाखल.
एनआयएचे डिजी सदानंद दातेंच्या महत्वाच्या बैठका सुरू
एनआयएचे डिजी सदानंद दातेंच्या महत्वाच्या बैठका सुरू.
लाडक्या बहिणींना 2100 कधी मिळणार? महायुतीच्या बड्या मंत्र्यानं म्हटलं
लाडक्या बहिणींना 2100 कधी मिळणार? महायुतीच्या बड्या मंत्र्यानं म्हटलं.
दहशतवाद्यांना गोळ्या घातल्या पाहिजेत - मनोज जरांगे
दहशतवाद्यांना गोळ्या घातल्या पाहिजेत - मनोज जरांगे.
पहलगाममध्ये पर्यटकांना सुखरूप ठेवणारा 'तो' देवदूत टिव्ही ९ मराठीवर
पहलगाममध्ये पर्यटकांना सुखरूप ठेवणारा 'तो' देवदूत टिव्ही ९ मराठीवर.
पहलगामच्या हल्ल्यामागे पाकिस्तानचा हाशिम मुसा, NIAचा रिपोर्ट
पहलगामच्या हल्ल्यामागे पाकिस्तानचा हाशिम मुसा, NIAचा रिपोर्ट.
पाकवर सर्जिकल स्ट्राईक करण्यास USचा ग्रीन सिग्नल? अ‍ॅक्शन घ्यावी, पण..
पाकवर सर्जिकल स्ट्राईक करण्यास USचा ग्रीन सिग्नल? अ‍ॅक्शन घ्यावी, पण...
भारत - पाकिस्तान अटारी सीमेवरील दरवाजे पुन्हा उघडले
भारत - पाकिस्तान अटारी सीमेवरील दरवाजे पुन्हा उघडले.