Winner Candidate List : मराठवाड्याच्या राजधानीचा कौल कुणाला? लाडक्या बहीण ओवाळणार कुणाला? कुणाच्या विजयाचा गुलाल तुमच्या मतदारसंघात,एका क्लिकवर छत्रपती संभाजीनगरचा निकाल
Maharashatra Assembly Election Results 2024 : मराठवाड्याची राजधानी असलेल्या छत्रपती संभाजीनगर जिल्ह्यात यंदा हवा कुणाची हा प्रश्न कायम आहे. लोकसभेला महाविकास आघाडीने हाबाडा दिल्याने यावेळी महायुतीने मोठं प्लॅनिंग केलं होते. एक क्लिकवर तुम्ही विजयी उमेदवारांची यादी पाहु शकता..
आज लोकशाहीचा उत्सव दिसून येईल. विधानसभा निवडणुकीचे निकाल जाहीर होत आहेत. मराठवाड्याची राजधानी असलेल्या छत्रपती संभाजीनगरमधील निकालाकडे सर्वांचे लक्ष लागले आहे. कधीकाळी शिवसेनेचा बालेकिल्ला असलेल्या या जिल्ह्यात कुणाच्या पारड्यात विजयाचं माप पडतं हा चर्चेचा विषय होता. गेल्या काही वर्षांपासून एमआयएमने येथे चांगली पकड मिळवली. तर लोकसभेत शिंदे सेनेने येथे विजय मिळवला. आता कोणत्या पक्षाला किती जागा मिळाल्या हे एका क्लिकवर पाहूयात…
लोकसभा निकालावेळी संपूर्ण मराठवाड्यात महायुतीचे आव्हान महाविकास आघाडीनं संपुष्टात आणलं. महाविकास आघाडीने महायुतीला मराठवाड्याता नाकेनऊ आणले. मराठा फॅक्टरने मराठवाड्यात मोठा उलटफेर केला. पण मनोज जरांगे यांच्याशी जवळीक असल्याचा फायदा खासदार संदीपान भुमरे यांना झाल्याचा दावा लोकसभेवेळी झाला. महायुतीत छत्रपती संभाजीनगरची एकमेवर सीट शिंदे सेनेकडे गेली. येथे भुमरे लोकसभेत गेले.
आता विधानसभेला छत्रपती संभाजीनगर शहरातील तीन विधानसभा मतदारसंघात मोठी चुरस आहे. येथे औरंगाबाद पूर्व मतदारसंघात एमआयएमचे माजी खासदार इम्तियाज जलील आणि भाजपाचे अतुल सावे यांच्यात थेट सामना आहे. तर औरंगाबाद पश्चिम मध्ये शिंदे सेनेची तोफ संजय शिरसाट आणि भाजपामधून उद्धव सेनेत आलेले राजू शिंदे यांच्यात टफ फाईट होती. तर औरंगाबाद मध्य मतदारसंघात शिंदे सेनेचे प्रदीप जैस्वाल आणि उद्धव सेनेचे डॉ. बाळासाहेब थोरात यांच्यात सामना होता.
| विधानसभा मतदारसंघ | विजयी उमेदवाराचे नाव | पक्ष |
|---|---|---|
| औरंगाबाद पूर्व | ||
| औरंगाबाद पश्चिम | ||
| औरंगाबाद मध्य | ||
| कन्नड | ||
| वैजापूर | ||
| गंगापूर | ||
| सिल्लोड | ||
| फुलंब्री | ||
| पैठण |
जिल्ह्यातील इतर मतदार संघापैकी पैठणमध्ये शिंदे सेनेचे विलास भुमरे आणि उद्धव सेनेचे दत्ता गोर्डे यांच्यात टफ फाईट असेल. तर गंगापूरमध्ये भाजपचे प्रशांत बंब आणि राष्ट्रवादी शरद पवार गटाकडून सतीश चव्हाण यांच्यात चुरस दिसले. वैजापूरमध्ये शिंदे गटाचे रमेश बोरनारे तर उद्धव सेनेचे डॉ. दिनेश परदेशी यांच्यात द्वंद दिसेल. कन्नडमध्ये संजना जाधव विरुद्ध उद्धव सेनेचे उदयसिंह राजपूत आणि अपक्ष हर्षवर्धन पवार असा तिरंगी सामना आहे. सिल्लोडमध्ये अब्दुल सत्तार आणि उद्धव ठाकरे गटाकडून सुरेश बनकर हे आमने-सामने आहेत. तर फुलंब्रीत यावेळी भाजपाकडून अनुराधा चव्हाण आणि त्यांच्याविरोधात काँग्रेसचे विलास औताडे अशी टफ फाईट आहे.
