Kalyan Electricity Bill : कल्याण डोंबिवली परिसरात 113 विजचोरीचे गुन्हे दाखल तर 200 गुन्हे प्रलंबित, थकबाकी भरण्याचे नागरिकांना आवाहन
गुन्हे दाखल करण्यापूर्वी संबंधित नागरिकांशी संपर्क साधत त्यांना थकबाकीची रक्कम भरण्यासाठी सूचना देण्याचा निर्णय पोलिसांनी घेतला. होनमाणे यांनी थकबाकीदारांची यादी महावितरणकडून मागून घेत पोलीस ठाण्यामार्फत त्यांच्याशी संपर्क साधला. या थकबाकीदारांना थकबाकीची कल्पना देत चर्चेसाठी बोलावण्यात आले होते. आज झालेल्या बैठकीत जवळपास सर्व थकबाकीदार, महावितरणचे अधिकारी, पोलीस उपस्थित होते.
कल्याण : महावितरण वीजचोरी (Electricity Theft) आणि थकबाकीदारांची संख्या दिवसागणिक वाढत आहे. कल्याण परिमंडळ 3 या पोलीस उपायुक्त झोन मध्ये येणाऱ्या 8 पोलीस ठाण्याच्या हद्दीत 2021 मध्ये 196 तर 2022 मे अखेरपर्यंत 113 विजचोरीचे गुन्हे दाखल करण्यात आले असून मागील 200 गुन्हे प्रलंबित (Pending) आहेत. हे सर्व गुन्हे महावितरणकडून महात्मा फुले पोलीस ठाण्यात दाखल झाल्यांनतर चौकशी आणि वसुलीसाठी संबंधित पोलीस ठाण्यात वर्ग केले जातात. मात्र यासाठी बराच कालावधी लागत असल्याने वेळ वाया जात असून थकबाकीदार नागरिकांना देखील गुन्हे झेलावे लागतात. हे टाळण्यासाठी कल्याणच्या महात्मा फुले पोलिसांनी महावितरणच्या अधिकारी आणि थकबाकीदारांची बैठक घेत लवकरात लवकर थकबाकी भरणा करण्याचे आवाहन (Appeal) केले. उपस्थित सर्व थकबाकीदारांनी तडजोडीची रक्कम भरण्यास तयारी केल्याने महावितरणच्या थकबाकीदाराची यादी घटण्याची आशा निर्माण झाली आहे.
थकबाकीदार, महावितरणचे अधिकारी आणि पोलिसांमध्ये बैठक
गुन्हे दाखल करण्यापूर्वी संबंधित नागरिकांशी संपर्क साधत त्यांना थकबाकीची रक्कम भरण्यासाठी सूचना देण्याचा निर्णय पोलिसांनी घेतला. होनमाणे यांनी थकबाकीदारांची यादी महावितरणकडून मागून घेत पोलीस ठाण्यामार्फत त्यांच्याशी संपर्क साधला. या थकबाकीदारांना थकबाकीची कल्पना देत चर्चेसाठी बोलावण्यात आले होते. आज झालेल्या बैठकीत जवळपास सर्व थकबाकीदार, महावितरणचे अधिकारी, पोलीस उपस्थित होते. या बैठकीत थकबाकीदारांना लवकरात लवकर थकबाकी भरणा करण्याचे आवाहन करण्यात आले. थकबाकी न भरल्यास गुन्हे दाखल करत वसुलीसाठी गुन्हे दाखल करण्याची प्रक्रिया सुरू केली जाणार असल्याचे सांगण्यात आले. उपस्थित सर्व थकबाकीदारांनी तडजोडीची रक्कम भरण्याची तयारी या बैठकीत दाखवली. यामुळे महावितरणच्या थकबाकीदाराची यादी घटण्याची आशा निर्माण झाली आहे. (In Kalyan Dombivali area 113 cases of power theft have been registered while 200 cases are pending)
