Maharashtra Breaking News LIVE 4 January 2025 : सुदर्शन घुले, सुधीर सांगळे आणि सिद्धार्थ सोनवणेला पोलीस कोठडी

सुदर्शन घुले, सुधीर सांगळे आणि सिद्धार्थ सोनवणेला पोलीस कोठडी

मोठी बातमी समोर आली आहे. सुदर्शन घुले, सुधीर सांगळे आणि सिद्धार्थ सोनवणेला 14 दिवसांची पोलीस कोठडी सुनावण्यात आली आहे.तिन्ही आरोपींना 18 जानेवारीपर्यंत पोलीस कोठडीत ठेवण्यात येणार आहे. केज न्यायालयाने ही कोठडी सुनावली आहे.

अर्जुन खोतकर यांचा निवडणूक अर्ज रिजेक्ट करण्याची कैलास गोरंट्याल यांची मागणी

जालन्यातून मोठी बातमी समोर आली आहे. शिवसेना आमदार अर्जुन खोतकर यांच्या विरोधात काँग्रेसचे माजी आमदार कैलास गोरंट्याल यांनी औरंगाबाद खंडपीठात याचिका दाखल केलीय.अर्जुन खोतकर यांचा विधानसभेतील निवडणूक अर्ज हा विहित नमुन्यात भरलेला नसून त्यांच्याकडून लाभाची पद आणि गुन्ह्याविषयी माहिती लपवल्याचा आरोप करत गोरंट्याल यांनी विधानसभा निवडणुकीच्या उमेदवारी अर्ज दाखल करायच्या शेवटच्या दिवशी निवडणूक निर्णय अधिकाऱ्यांकडे तक्रार केली होती,मात्र ही तक्रार फेटाळून लावल्यानंतर या निर्णयाविरोधात त्यांनी न्यायालयात धाव घेतलीय.

मुख्यमंत्री देशमुख, वाकोडे कुटुंबियांना भेटणार

परभणीतील कोम्बिंग ऑपरेशनची न्यायालयीन चौकशी झाली पाहिजे. सोमनाथच्या कुटुंबाला, वाकोडे यांच्या कुटूंबाला आणि संतोष देशमुख यांच्या कुटुंबाला न्याय मिळाला पाहिजे. त्यामुळे 6 किंवा 7 तारखेला या सर्वाना मुख्यमंत्री भेटतील, असे आमदार सुरेश धस यांनी म्हटले.

आकाच्या आकालाही जेलवारी होई शकते- धस

संतोषच्या मारहाणीचा व्हिडीओ आकाला दाखवला असेल तर त्याची जेलवारी निश्चित आहे, असे भाजप आमदार सुरेश धस यांनी परभणीत सांगितले.

दादा, त्यांना मंत्रिमंडळात घेतले- सुरेश धस

आरोपींना मोक्का लावले पाहिजे, असे सांगत आमदार सुरेश धस अजित पवार यांना उद्देशून म्हणाले, आकाच्या आकाला का मंत्रिमंडळात घेतले. बीड जिल्ह्यातील सर्व हत्या कोणी घडवून आणले. ते पाहा. हवे तर बारामतीची माणसे पाठवा, चौकशी करा.

बीडमध्ये गुंडाराज, विशिष्ट नेत्याची दादागिरी

बीडमध्ये गुंडाराज सुरु आहे. विशिष्ट नेत्याचे दादागिरी सुरु आहे. त्यांना आता वठणीवर आणण्यासाठी आपण बीडमध्ये येत राहू, असे नरेंद्र पाटील यांनी म्हटले.

मी उद्धव ठाकरे यांच्याकडे भावना मांडल्या- राजन साळवी

शिवसेना उबाठाचे नेते राजन साळवी भाजपमध्ये जाणार असल्याची चर्चा आहे. त्या पार्श्वभूमीवर त्यांनी शिवसेना उबाठा पक्षप्रमुख उद्धव ठाकरे यांच्याकडे भावना मांडल्या. आता आपण समाधानी झाल्याचे साळवी यांनी म्हटले.

आकाला आता उचला- नरेंद्र पाटील

आमच्या माणसाचे प्राण गेले आहे.  सर्वांची एकच मागणी आहे, आकाला उचला. नरेंद्र पाटील यांनी अशी बीडमध्ये बोलताना सांगितले.

दहा बालकामगारांची मुक्तता

अमरावतीच्या बडनेरा पोलीस स्टेशनच्या हद्दीतील यवतमाळ नाका परिसरातील गुप्ताजी ढाबा समोरील गोडाऊनमध्ये सुरू असलेल्या एसबी क्रिएशन या कापड कारखान्यातून दहा बालकामगारांची मुक्तता करण्यात आली आहे. पोलीस आयुक्तांच्या स्पेशल स्कॉड व कामगार आयुक्त कार्यालयातील पथकाने ही संयुक्त कारवाई केली.

विशालगडावर व्यवहार ठप्पच

हिंसाचाराच्या सहा महिन्यानंतरही कोल्हापूरच्या विशाळगडावरील व्यवहार ठप्पच आहे. विशाळगडावर अजूनही संचारबंदी लागू आहे. गडावर स्थानिक व्यतिरिक्त कोणालाही प्रवेश दिला जात नाही. पर्यटक नसल्याने गडावर शांतता आहे.

परभणी: मनोज जरांगे पाटील व्यासपीठावर दाखल..

परभणीत संतोष देशमुख आणि सोमनाथ सुर्यवंशी यांच्या हत्येच्या निषेधार्त ‘मुक मोर्चा’ काढण्यात आला असून मराठा नेते मनोज जरांगे पाटील व्यासपीठावर दाखल झाले आहेत. भाजपाचे आमदार सुरेश धस देखील या मोर्च्यात सहभागी झाले आहेत.

सीआयडी आणि बीड पोलीस तपास करत आहेत यावर मी बोलणं योग्य नाही – आशुतोष ठोंबरे

संतोष देशमुख हत्या प्रकरणात सीआयडी आणि बीड पोलीस तपास करत आहेत, त्यांच्या कामाबद्दल आणि त्यांचा तपासाबद्दल मी बोलणे अयोग्य असल्याचे पोलिस अधिकारी आशुतोष ठोंबरे यांनी म्हटले आहे.

संतोष देशमुख हत्ये प्रकरणातील आरोपी घुले आणि सांगळे यांना कोर्टात हजर केले

संतोष देशमुख हत्ये प्रकरणातील प्रमुख आरोपी सुदर्शन घुले आणि संतोष सांगळे यांना केज कोर्टात हजर केले आहे.

सुदर्शन घुले, सुधीर सांगळेला केज न्यायालयात हजर करणार

मस्साजोग येथील सरपंच संतोष देशमुख हत्येप्रकरणातील मुख्य आरोपी सुदर्शन घुले, सुधीर सांगळेला सीआयडीने अटक केली. त्यांना केज न्यायालयात हजर करण्यात येणार आहे. तर कृष्णा आंधळे हा फरार आहे.

पुण्यातूनच कसे आरोपी सापडत आहेत?

मस्साजोग येथील सरपंच संतोष देशमुख हत्येप्रकरणातील आरोपी पुण्यातूनच कसे सापडत आहेत, असा सवाल सुप्रिया सुळे यांनी केला. याविषयी सरकारने अधिकृत माहिती द्यावी अशी मागणी त्यांनी केली.

वक्तव्य करून तपासात अडथळा आणू नये

बीड जिल्ह्यातील मस्साजोग येथील सरपंच संतोष देशमुख हत्येप्रकरणात तपासात कोणी अडथळे आणू नये, कोणी तशी वक्तव्ये करू नये असे मत मंत्री संजय शिरसाट यांनी मांडले.

लवकरच परभणीतून मूक मोर्चा निघणार

बीड जिल्ह्यातील मस्साजोग येथील सरपंच संतोष देशमुख हत्येच्या निषेधार्थ परभणीतून आज मूक मोर्चा निघणार आहे. नूतन मैदानावर गर्दी होण्यास सुरुवात झाली आहे. थोड्याच वेळात नूतन मैदानवरुन मोर्चा निघणार आहे.मोर्चात सर्वपक्षीय नेते सहभागी होणार आहे.

पोलीसांचा तपास गतीने सुरू

बीड जिल्ह्यातील मस्साजोग येथील सरपंच संतोष देशमुख प्रकरणातील मुख्य आरोपी सुदर्शन घुले वा इतर आरोपींची हत्या झाल्याची माहिती कपोलकल्पित असल्याची प्रतिक्रिया आमदार प्रकाश साळुंके यांनी दिली. पोलिसांचा तपास गतीने सुरू असल्याचे ते म्हणाले.

सर्व आरोपींची नार्को टेस्ट करा- मनोज जरांगे

बीड जिल्ह्यातील मस्साजोग येथील सरपंच संतोष देशमुख प्रकरणातील सर्व आरोपींची नार्को टेस्ट करा अशी मागणी मनोज जरांगे यांनी केली. या सर्व आरोपींना राजकीय पाठबळ आहे. त्यांना कोण वाचवत होतं. त्यांना कोण पाठीशी घालत होतं, हे समोर यायला हवं असे ते म्हणाले.

बारदाना नसल्याने सोयबीनची शासकीय खरेदी बंद

बुलढाणा जिल्ह्यातील हमी भाव केंद्रावरील सोयाबीन खरेदी मागील आठवड्यापासून बारदाना अभावी बंद आहे. त्यामुळे शेतकरी आपला माल खरेदी केंद्रावर न नेता त्याला बाजारात कमी भावात विकावा लागत आहे ..

कल्याण अत्याचार प्रकरण – 14 दिवसांची न्यायालयीन कोठडी सुनावताच आरोपी विशाल गवळी रडला

आरोपी विशाल गवळी,आणि पत्नी साक्षी गवळीला 14 दिवसांची न्यायालयीन कोठडी सुनावताच नराधम विशालला न्यायालयात कोसळले रडू. पत्नीला एकदा भेटू द्या, अशी विनंती त्याने पोलिसांना केली.

– आरोपी विशाल गवळी आणि साक्षी गवळीला 14 दिवसांची न्यायालयीन कोठडी

कल्याण अल्पवयीन मुलीवर अत्याचार आणि हत्या  प्रकरणातील आरोपी विशाल गवळी आणि त्याची पत्नी साक्षी गवळीला 14 दिवसांची न्यायालयीन कोठडी सुनावण्यात आली.

संतोष देशमुख हत्या : आरोपींची ऑन कॅमेरा चौकशी झाली पाहिजे – अंजली दमानियांची मागणी

संतोष देशमुख हत्या : तीन पैकी दोन आरोपींना आता अटक झाली हे ऐकून बरं वाटलं, आता चौकशीला आता वेग जाईल. अटक झालेले आरोपी हेच प्रमुख सूत्रधार होते असं म्हटलं जात आहे, आता कोण कोण सहभागी आहे, हे सगळे आता लवकर बाहेर येईल.

या आरोपींची जिथे चौकशी होत आहे तिथे सीसीटीव्ही कॅमेरा पाहिजे आणि ऑन कॅमेरा चौकशी झाली पाहिजे, अशी मागणी अंजली दमानिया यांनी केली.

जळगाव जिल्ह्यात यंदा सर्वच तलावांमध्ये पुरेसा पाणीसाठा उपलब्ध

उद्धव ठाकरे परत येण्याबद्दल नवल नाही – आशिष देशमुख

राजकारणात काहीही शक्य आहे. उद्धव ठाकरे काँग्रेससोबत गेले ते नवल होतं, पण ते आता परत येत असतील तर नवल नाही. ते त्यांच्या मूळ विचारात आहे. ठाकरे गटाला सोबत घ्यायचं की नाही याचा निर्णय वरिष्ठ घेतील, असे विधान आमदार आशिष देशमुख यांनी केले आहे.

मजुरी न मिळाल्याने मेळघाटामध्ये आदिवासी बांधव आक्रमक

अमरावती जिल्ह्यातील चिखलदरा तालुक्यातील हतरु ग्रामपंचायत अंतर्गत चिलाटी या गावातील नागरिकांनी 2023 मध्ये 300 मजुरांनी रोजगार हमीच्या कामावर काम केले होते. परंतु त्या कामाची मजुरी अद्याप मिळालेली नसल्यामुळे चिलाटी गावातील नागरिकांनी आणि उपसरपंच भैयालाल मावसकर यांनी वेळोवेळी शासनाकडे पाठपुरावा केला. संबंधित मजुरी देण्याची मागणी केली. परंतु मजुरी न मिळाल्याने चिलाटी गावकरी व भैय्यालाल मामस्कर गुरुवारी दोन जानेवारी रोजी टाळा ठोको आंदोलन करण्याची निवेदनाच्या माध्यमातून जाहीर केले होते. परंतु तरीही शासनाकडून मजुरी मिळाली नाही. यामुळे तीनशे आदिवासी बांधव आक्रमक होऊन यांनी हतरु येथे असलेल्या तलाठी कार्यालयाला तलाठोको आंदोलन केले आहे.

सुरेश धस यांना देवेंद्र फडणवीसांचा आशीर्वाद -संजय राऊत

सुरेश धस यांना देवेंद्र फडणवीसांचा आशीर्वाद आहे. त्याशिवाय ते बोलणार नाहीत. गृहमंत्री देवेंद्र फडणवीसांना बीडमधला दहशतवाद मोडून काढायचा आहे. त्यांनाही बंदुकीचे राज्य संपवायचे आहे. ज्यादिवशी आम्हाला वाटेल की यात पडद्यामागे वेगळं घडतंय, तेव्हा आम्ही पुन्हा एकदा या प्रश्नाला वाचा फोडू – संजय राऊत

IND vs AUS : सिडनी कसोटीत ऑस्ट्रेलियाचा पहिला डाव आटोपला

सिडनी कसोटीत भारतीय गोलंदाजांनी दमदार गोलंदाजी केली. भारताला पहिल्या डावात 4 धावांची नाममात्र आघाडी मिळाली. ऑस्ट्रेलियाचा पहिला डाव 181 धावांवर संपुष्टात आला. भारताने पहिल्या डावात 185 धावा केल्या होत्या. मोहम्मद सिराज, प्रसिद्ध कृष्णा यांनी प्रत्येकी 3 तर नितीश रेड्डी आणि बुमराहने प्रत्येकी दोन विकेट घेतले.

अल्पवयीन मुलीचं अपहरण हत्या प्रकरण, न्यायालय परिसरात मोठा पोलीस बंदोबस्त

कल्याण पूर्वेतील अल्पवयीन मुलीचे अपहरण हत्या प्रकरणातील आरोपी विशाल गवळी आणि साक्षी गवळीची आज पुन्हा न्यायालयात हजेरी. संभाव्य कायदा-सुव्यवस्थेचा प्रश्न टाळण्यासाठी न्यायालय परिसरात मोठा पोलीस बंदोबस्त. बॅरिकेडिंगसह चोख सुरक्षा. आरोपींना आधी 7 दिवसांची पोलीस कोठडी होती, नंतर ती 2 दिवसांनी वाढवली गेली. आज ती संपत आहे.

अखिल भारतीय साहित्य संमेलनाच्या वादावर अखेर तोडगा

अखिल भारतीय साहित्य संमेलनाच्या वादावर अखेर तोडगा. आयोजकांना आलेल्या धमक्यानंतर साहित्य मंडळाचा निर्णय. या प्रकरणात सावरकरांचं नाव साहित्य संमेलनात द्यावं यासाठी आयोजकांना धमक्या देण्यात आल्या होत्या. या धमक्यानंतर मुंबईत महामंडळाची बैठक पार पडली. या बैठकीत साहित्य संमेलनाच्या एका व्हीआयपी द्वाराला सावरकर यांचं नाव देण्याचा निर्णय घेण्यात आला.

संतोष देशमुख हत्या प्रकरणात मोठी बातमी

संतोष देशमुख हत्या प्रकरणातील तीन फरार आरोपींपैकी दोन आरोपींना पकडल्याची खात्रीलायक सूत्रांची माहिती. अन्य एकाला देखील ताब्यात घेतल्याची माहिती. त्याने देखील आरोपींना फरार होण्यासाठी मदत केल्याची माहिती. काही वेळात पोलीस अधीक्षक पत्रकारांशी साधणार संवाद.