9 वर्षांचा अक्षीत २०० फूट खोल बोअरवेलमध्ये फसला, सात तास चालले रेस्क्यू ऑपरेशन
सर्वात पहिल्यांदा बोअरवेलमध्ये सीसीटीव्ही कॅमेरा लावण्यात आला. मुलावर लक्ष ठेवण्यात आले. त्यानंतर मुलाला ऑक्सिजन पोहचविण्यात आले.
जयपूर : शनिवारी सकाळी सात वाजता ९ वर्षांचा अक्षीत २०० फूट खोल बोअरवेलमध्ये पडला. तो सुमारे ७० फूट खोलामध्ये फसला होता. सात तासांच्या रिक्स्यू ऑपरेशननंतर त्याला सुरक्षित बाहेर काढण्यात आले. तो बोअरवेलमध्ये सुमारे सात तास राहिला. सिव्हिल डिफेन्स आणि एनडीआरएफच्या टीमने लोखंडी जाळीच्या मदतीने त्याला बाहरे काढले. ही लोखंडी जाळी अक्षीतच्या पाठीमागून खाली जाऊन खुलली. ही अशी लोखंडी जाळी होती त्या आधारे तो त्या जाळीवर बसू शकत होता किंवा दोन्ही पाय जाळीवर ठेवू शकत होता. बाहेर काढल्यानंतर अक्षीतला रुग्णालयात पाठवण्यात आले. त्याची प्रकृती आता बरी आहे.
बोअरवेलमध्ये सीसीटीव्ही लावण्यात आला
घटनेची माहिती एसडीआरएफला देण्यात आली. सर्वात पहिल्यांदा बोअरवेलमध्ये सीसीटीव्ही कॅमेरा लावण्यात आला. मुलावर लक्ष ठेवण्यात आले. त्यानंतर मुलाला ऑक्सिजन पोहचविण्यात आले. या सर्व मोहिमेदरम्यान त्याची स्थिती सामान्य होती. सिव्हिल डिफेन्सच्या डेप्टी कमांडर अमित यांनी सांगितले की, मुलासोबत बोलणं सुरू होतं. तो चांगला रिस्पान्स देत होता. तो बेहोश झाला नव्हता. खाली खूप गर्मी होत होती. त्यामुळे त्याच्यासाठी पाणी आणि ज्युसची व्यवस्था करण्यात आली.
आई-वडील म्हणाले, खूप भीती वाटत होती
अक्षीतचे आईवडील खूप रडत होते. त्याचे वडील फुलचंद म्हणाले, खूप भीती वाटत होती. कारण अक्षीतला श्वास घेण्यास अडचण येत होती. परंतु, रिक्स्यू टीमने त्यांना आश्वस्त केले की, ते अक्षीतला लवकरच बाहेर काढतील. सात वाजता अक्षीत बोअरवेलमध्ये पडला. कुटुंबीयांनी पोलीस कंट्रोल रूम जयपूर ग्रामीणला कळवलं.
८ वाजता पोलीस आणि सिव्हिल डिफेन्स टीम घटनास्थळी दाखल झाली. टीमने कंट्रोल रूमला सांगितले की, ऑपरेशनला वेळ लागेल. ९ वाजता एसडीआरएफने रिस्क्यूला सुरुवात केली. लोखंडी जाळीच्या माध्यमातून मुलाला बाहेर काढण्यासाठी प्रयत्न करण्यात आले. दुपारी बारा वाजता बाजूला खड्डा खोदण्याचे काम सुरू करण्यात आले.
पाईप आणि दोरीने लॉक करून मुलाला बाहेर काढण्यात आले. दहा-दहा फुटावर पाईप बांधण्यात आले. रॉड बोअरवेलमध्ये उतरवण्यात आले. सोबत कॅमेरा जोडला होता. मुलगा जाळीत बसला की नाही, हे कळलं. दोरीवरील नियंत्रण एनडीआरएफच्या टीम सदस्यांकडे होतं.
