IMD Monsoon prediction: यंदाच्या मान्सूनमध्ये सरासरीच्या 101 टक्के पाऊस, कोणत्या विभागात किती पाऊस होणार? वाचा सविस्तर
यंदाच्या मान्सूनमध्ये सरासरीच्या 101 टक्के पाऊस पडेल असा, अंदाज भारतीय हवामान विभागानं वर्तवला आहे.IMD Monsoon forecast prediction
नवी दिल्ली: भारतीय हवामान विभागाने (India Meteorological Department) नैऋत्य मोसमी वाऱ्याबद्दलचा अंदाज व्यक्त केला आहे. भारतीय हवामान विभाग म्हणजेच (IMD Monsoon forecast) आयएमडीने यंदाचा मान्सून सरासरीच्या 101 टक्के असेल असा अंदाज वर्तवला आहे. यानुसार यंदा मान्सून सामान्य राहणार आहे. यंदा पाऊस सरासरीच्या 100 टक्के पाऊस होईल असा अंदाज हवामान विभागाने वर्तवला आहे. भारतात जून ते सप्टेंबर या काळामध्ये मान्सून सरासरीच्या सामान्य राहणार आहे, असा अंदाज वर्तवण्यात आला आहे. 96 टक्के ते 104 टक्क्यांपर्यंतच्या पावसाला सामान्य मान्सून म्हटलं जातं.(IMD Monsoon forecast prediction INDIA METEOROLOGICAL DEPARTMENT Updated Long Range Forecast For the 2021 Southwest Monsoon Season Rainfall)
INDIA METEOROLOGICAL DEPARTMENT Updated Long Range Forecast For the 2021Southwest Monsoon Season Rainfall. For further details pls refer: In English-https://t.co/9YxV0LFcc0 In Hindi- https://t.co/1drJtRKfmW@rajeevan61 @moesgoi @PIB_India @drharshvardhan pic.twitter.com/m6dVehqGp3
— India Meteorological Department (@Indiametdept) June 1, 2021
कोणत्या विभागात किती पाऊस पडणार?
भारतीय हवामान विभागनं वर्तवलेल्या अंदाजानुसार मान्सूनचा पाऊस उत्तर पश्चिम भारतात 92-108 टक्के होण्याती शक्यता आहे. तर, दख्खनच्या पठारावर 93-107 टक्के पाऊस होऊ शकतो. उत्तर पूर्व भारतात 95 टक्के तर मध्य भारतात 106 टक्के पेक्षा कमी पाऊस होण्याचा अंदाज हवामान विभागानं वर्तवला आहे. भारतीय हवामान विभाग जून महिन्याच्या शेवटी जुलै महिन्याचा पावसाचा अंदाज व्यक्त करणार आहे.
जून ते सप्टेंबर मान्सूनचा पाऊस
जून महिन्यातील पावसाचा अंदाज
भारतीय हवामान विभागनं जून महिन्यात देशभरातील विविध भागांचा सर्वसाधारण अंदाज वर्तवला आहे. पूर्व भारत, मध्य भारत, हिमालय आणि मध्य भारताचा पूर्वेकडील भागामध्ये मान्सूनचा पाऊस सर्वसाधारण राहिल. उत्तर पूर्व भागात, दक्षिण भारतातील दख्खनचं पठार, उत्तर पूर्वेकडील काही भागात सरासरीच्या सर्वसाधारण स्थितीपेक्षा कमी पाऊस पडेल, असा अंदाज हवामान विभागानं वर्तवला आहे.
जून महिन्यातील पावसाचा अंदाज
मान्सून 3 जूनला केरळमध्ये
भारतीय हवामान विभागानं नैऋत्य मोसमी वारे म्हणजेच मान्सून 3 जूनला केरळमध्ये दाखल होईल, असा अंदाज वर्तवला आहे. हवामान विभागानं यापूर्वी मान्सून 1 जून रोजी केरळमध्ये दाखल होईल, असं सांगितलं होते.
यंदाचे पर्जन्यमान कसे असेल?
स्कायमेटच्या अंदाजानुसार जून, जुलै, ऑगस्ट, सप्टेंबर चार महिन्यांत सरासरीच्या बीबीएम .6 मिमीच्या तुलनेत 2021 मध्ये 103 टक्के पाऊस पडण्याची शक्यता आहे. यामध्ये 5 टक्के कमी किंवा अधिक असू शकते. पावसाळ्याच्या प्रादेशिक कामगिरीवर स्कायमेटचा अंदाज आहे की उत्तर भारत आणि ईशान्य भारतातील काही भागांत संपूर्ण हंगामात पाऊस पडण्याची शक्यता आहे.
संबंधित बातम्या:
Weather Update: महाराष्ट्रावर मान्सूनपूर्व पाऊस बरसणार?, राज्यातील आजचं वातावरण कसं राहणार?
केरळमध्ये मान्सून दाखल झाला हे कसं ठरवलं जात? हवामान विभागाचे नेमके निकष काय?
(IMD Monsoon forecast prediction INDIA METEOROLOGICAL DEPARTMENT Updated Long Range Forecast For the 2021 Southwest Monsoon Season Rainfall)
