Rajasthan Crime : धक्कादायक ! राजस्थानमध्ये हुंड्यासाठी पत्नीवर सामूहिक अत्याचार, मग व्हिडिओ बनवून यूट्यूबवर टाकण्याची धमकी
पीडितेचा 2019 मध्ये आरोपीसोबत विवाह झाला होता. आरोपी हरियाणातील पुनहाना येथील रहिवासी आहे. लग्न झाल्यापासून सासरचे लोक महिलेचा हुंड्यासाठी छळ करीत होते. या छळाला कंटाळून पीडिता आपल्या माहेरी निघून गेली होती. मात्र पतीने समजूत काढून पुन्हा तिला सासरी परत आणले. त्यानंतर आपल्या दोन नातेवाईकांना घरी बोलावून पत्नीवर सामूहिक बलात्कार केला.
जयपूर : राजस्थानमधील भरतपूरमध्ये माणुसकीला काळीमा फासणारी घटना उघडकीस आली आहे. दीड लाख रुपये हुंड्यासाठी एका पतीने आपल्या पत्नीवर सामूहिक बलात्कार (GangRape) केल्याची घटना घडली आहे. नराधम पती एवढ्यावरच थांबला नाही. या दृष्कृत्याचा व्हिडिओ (Video) बनवून हुंड्याचे पैसे न मिळाल्यास व्हिडिओ यूट्युबवर टाकण्याची धमकी दिल्याचा आरोप पीडित पत्नीने केला आहे. या दृष्कृत्यात पतीसह त्याच्या दोन नातेवाईकांचा सहभाग आहे. याप्रकरणी कामा पोलिस ठाण्यात नोंद करण्यात आली असून पोलिस याप्रकरणाचा सखोल तपास करीत आहेत. (In Rajasthan his wife was abused for dowry and threatened to post a video on YouTube)
हुंड्यासाठी पत्नीवर अत्याचार आणि धमकी
पीडितेचा 2019 मध्ये आरोपीसोबत विवाह झाला होता. आरोपी हरियाणातील पुनहाना येथील रहिवासी आहे. लग्न झाल्यापासून सासरचे लोक महिलेचा हुंड्यासाठी छळ करीत होते. या छळाला कंटाळून पीडिता आपल्या माहेरी निघून गेली होती. मात्र पतीने समजूत काढून पुन्हा तिला सासरी परत आणले. त्यानंतर आपल्या दोन नातेवाईकांना घरी बोलावून पत्नीवर सामूहिक बलात्कार केला. या घटनेचा मोबाईल व्हिडिओ बनवला. तुझे घरचे मला हुंडा देऊ शकत नसल्यामुळे मी हा व्हिडिओ यूट्यूबवर टाकून पैसे कमवणार असल्याची धमकी महिलेला दिली. कामा पोलिसांनी महिलेच्या तक्रारीनंतर बलात्काराचा गु्न्हा दाखल केला आहे. अश्लील व्हिडिओ यूट्यूबवर टाकल्याची चर्चा आहे. मात्र सध्या याची पुष्टी होणे बाकी आहे. चौकशीनंतरच पुढील कारवाई केली जाईल, असे कामा पोलिस स्टेशनचे प्रभारी दौलत साहू यांनी सांगितले. (In Rajasthan his wife was abused for dowry and threatened to post a video on YouTube)
