पाकिस्तान, चीनला झटका, अमेरिकेच्या बोईंग F15-EX सोबत महाशक्तिशाली एम्बर क्षेपणास्त्र रॅक भारताला मिळणार
एडवांस्ड क्षेपणास्त्र आणि बॉम्ब इजेक्शन रॅक हे एक मोठा क्षेपणास्त्र रॅक आहे. त्याच्या प्रत्येक रॅकमध्ये चार क्षेपणास्त्रे ठेवता येतात. F15-EX लढाऊ विमानाच्या प्रत्येक पंखाखाली चार एम्बर रॅक आणि पोटाखाली एक रॅक आहे.
USA Fighter Plane: भारतीय हवाई दल आपल्या लढाऊ विमानांमध्ये नवीन, नवीन मल्टीरोल फायटर एअरक्रॉफ्टचा समावेश करण्याच्या तयारीत आहे. अमेरिकन बोइंग F-15EX लढाऊ विमान भारताला घेणार आहे. बोइंग एफ-15 ईएक्सबरोबर एडवान्स एम्बर मिसाइल रॅक भारत घेण्याच्या विचारात आहे. जगात बोइंग एफ-15 ईएक्स शिवाय कोणत्याही लढाऊ विमानात असे घातक क्षेपणास्त्र नाही.
22 क्षेपणास्त्राला घेऊन जाण्यात समर्थ
बोइंग एफ-15 ईएक्स जगातील सर्वात्तम लढाऊ विमान आहे. त्यावर एम्बर मिसाइल रॅक आहे. ते हवेतून हवेत वार करणाऱ्या 22 क्षेपणास्त्राला घेऊन जाण्यात समर्थ आहे. हे विमान एकाच वेळी अनेक एअरपॉड्सला आपले लक्ष करु शकते. हे विमान युद्धाच्या काळात भारतीय हवाईदलाची शक्ती वाढवणार आहे. एम्बर रॅक क्षेपणास्त्राची लवचिकता केवळ हवेतून हवेत लढण्यापुरती मर्यादित नाही. ते लहान आकाराचे बॉम्ब वाहून नेऊ शकते. तसेच थेट हल्ला करणारी शस्त्रे वाहून नेण्याची क्षमता देखील त्याच्यात आहे.
काय आहे एम्बर क्षेपणास्त्र रॅक?
एडवांस्ड क्षेपणास्त्र आणि बॉम्ब इजेक्शन रॅक हे एक मोठा क्षेपणास्त्र रॅक आहे. त्याच्या प्रत्येक रॅकमध्ये चार क्षेपणास्त्रे ठेवता येतात. F15-EX लढाऊ विमानाच्या प्रत्येक पंखाखाली चार एम्बर रॅक आणि पोटाखाली एक रॅक आहे. हे 20 लांब पल्ल्याची AIM-120D क्षेपणास्त्रे वाहून नेऊ शकते. तसेच विंग ट्रेलवर दोन कमी पल्ल्याच्या AIM-9X क्षेपणास्त्रे वाहून नेण्याची क्षमता आहे. एम्बर रॅकमुळे लढाऊ विमान एकाच वेळी 22 क्षेपणास्त्रे वाहून नेऊ शकते. ही क्षमता सध्या कोणत्याही फायटर जेटकडे नाही.
भारतीय हवाई दलाने 2018 मध्ये 114 लढाऊ विमानांची गरज असल्याचे म्हटले होते. भारतीय नौदलासुद्धा लढाऊ विमाने हवी होती. भारत सरकारच्या घोषणेनुसार सर्व जेटचे उत्पादन मेक इन इंडिया धोरणानुसार भारतात केले जाणार आहे. परंतु हवाईदलाची गरज पाहून आता बोइंग एफ-15 ईएक्सबरोबर एडवान्स एम्बर मिसाइल रॅक भारत घेणार आहेत.
